Éxodo 12:15 - CHUYA QELLQA La Biblia en Quechua de Ayacucho 2012

¹⁵ Qanchis punchawmi mana levadurayuq tantata mikunkichik. Qallariynin punchawpim levadurata wasikichikmanta wischunkichik, chay punchawkunapi pipas levadurayuqta mikuqqa, Israelmanta wischusqam kanqa.

Quechua Ayacucho Bible 1987

¹⁵ Qanchis punchawmi mikunkichik mana qonchuyoq tantata, qallariynin punchawpipunim wischunkichik qonchuta wasikichikmanta, chaynataqa rurankichik qallariynin punchawmanta qanchis punchawkamam. Pipas qonchuyoqta mikuqqa Israel castamanta qarqosqam kanqa.

Chuya Qellqa 1992

¹⁵ Qanchis punchawmi mana levadurayuq tantata mikunkichik. Qallariynin punchawpim levadurata wasikichikmanta wischunkichik, chay punchawkunapi pipas levadurayuqta mikuqqa, Israelmanta wischusqam kanqa.

Éxodo 12:15 Iomraidhean Croise

Génesis 17:14

Ima qaripas mana señalasqa kaspanqa qamkunamantam qarqosqa kanqa, pactoyta mana kasukusqanrayku, nispa.

2~Crónicas 30:21

Chaynatam Jerusalén llaqtapi kaq Israelpa mirayninkuna, qanchis punchaw llumpay kusikuywan mana levadurayuq tanta fiestata ruwarqaku. Levitakunawan sacerdotekunapas sapa punchawmi Tayta Diosta yupaycharqaku tocanakunata tocaspanku.

Esdras 6:22

Qanchis punchawmi mana levadurayuq tanta fiestata llumpay kusisqallaña ruwarqaku. Tayta Diosmi Asiria nacionpa reyninwan yanapachirqa Israelpa yupaychasqan Tayta Diospa templon ruwaypi, chayraykum paykunaqa llumpay kusisqallaña karqaku.

Éxodo 12:8

Chay tutam, chay aychata ninapi kankasqata, mana levadurayuq tantatawan qatqe qorayuqkunata mikunqaku.

Éxodo 13:3

Chaymi runakunata Moisés nirqa: Amam kay punchawtaqa qonqankichikchu, kay punchawpim Egipto nacionpi esclavo kasqaykichikmanta lloqsirqankichik. Tayta Diosmi hatun atiyninwan kaymanta hurqosurqankichik. Chaynaqa, amam levadurayuq tantataqa mikunkichikchu.

Éxodo 23:15

Mana levadurayuq Tanta fiestatam ruwanki. Kamachisqayman hinam qanchis punchawpuni mana levadurayuq tantata mikunki. Chay fiestataqa Abib killapim ruwanki, chay killapim Egipto nacionmanta lloqsimurqanki. Mana imayuqqa amam pipas ñawpaqniyman asuykamunqachu.

Éxodo 30:33

Pipas chayman rikchakuq aceiteta ruwaqqa otaq mana sacerdote kaqman talliqqa ayllunmanta chinkachisqam kanqa”, nispa.

Éxodo 30:38

Pipas muskikunanpaq chayna perfumeta ruwaqqa ayllunmanta chinkachisqam kanqa, nispa.

Éxodo 31:14

Samana punchawpiqa samankichikpunim, chay punchawqa ñoqallapaqña sapaqchanaykichik punchawmi kanqa, pipas chay punchawpi mana samaqqa wañunqapunim. Pipas chay punchawpi imapas ruwaqqa ayllunmanta chinkachisqam kanqa.

Éxodo 34:18

Kamachisqayman hinam mana levadurayuq tanta fiestata ruwan-kichik, qanchis punchawmi mana levadurayuq tantata Abib sutiyuq killapi mikunkichik, chaytaqa ruwankichik chay killapi Egipto nacionmanta lloqsimusqaykichikraykum.

Éxodo 34:25

Sacrificasqaykichik animalpa yawar-nintaqa amam levadurayuq tantatawan kuskataqa ofrecewankichikchu; Pascua fiestapi animal wañuchisqaykichikpa aychantapas amataqmi paqarinnintin punchawkamaqa puchuchinkichikchu.

Levítico 17:10

Israelpa mirayninkunamanta otaq qamkunawan yachaq huklaw llaqtayuqkunapas yawarta mikuruptinqa paypa contranpim kasaq, hinaspam llaqtamanta chinkarachisaq.

Levítico 17:14

Runapas otaq animalpas yawarllanwanmi kawsan. Chayraykum nikichik ima animalpa yawarnintapas ama mikunaykichikpaq. Pipas yawar mikuqqa chinkachisqam kanqa.

Malaquías 2:12

Chayna ruwaq runataqa Tayta Diosmi Jacobpa ayllunmanta qarqorunqa. Pi runaña kaptinpas, Tukuy Atiyniyuq Tayta Diosmanña ofrendakunata apamuptinpas payqa qarqorunqam.

Números 28:17

Chunka pichqayuq kaq punchawpiñataqmi hatun fiesta kanqa; qanchis punchawmi mana levadurayuq tantata mikunkichik.

Números 9:13

Pascua fiestata ruwananpaq hina kachkaspan otaq mana illaruchkaspan Pascua fiestayta mana ruwaqqa llaqtamanta chinkachisqam kanqa. Ofrendakunata ñoqa Tayta Diosman imam tiempollanpi mana ofrecewasqanraykum chay runaqa huchanmanta castigasqa kanqa.

Mateo 16:12

Chayñam yachaykurqaku Jesus-qa mana tanta ruwana levaduraman-tachu rimasqanta, aswanqa fariseo-kunapa hinaspa saduceokunapa yacha-chikuyninmanta cuidakunankupaq nisqanta.

Lucas 12:1

Waranqantin-waranqantin runakunam tanqanakustin Jesuspa kasqanman huñunakaramurqaku. Hinaptinmi Jesusqa discipulonkunamanta qallaykuspan nirqa: Fariseokunapa levaduranmanta cuidakuychik, paykunaqa iskay uyakunam.

Lucas 2:43

Fiesta tukuytam wasinkumanña kutirqaku, Jesusñataqmi tayta-mamanpa mana yachasqallanta Jerusalenpi qeparurqa.

Hechos 12:3

Chaymi Judiokunapa gustonpaq kasqanta qawaspan Pedrotapas presocharurqa. Chayqa pasakurqa mana levadurayuq tantata mikunanku fiesta punchawpim.

Gálatas 5:12

Aswanqa “qari-kaynikichikpi señalakuychik” nispa yachachiqkunaqa ojalataqya hukllatañapas lliwta kuchurachikunmanku.

Deuteronomio 16:3

Wañuchipusqaykichik animalpa aychantaqa mana levadurayuq tantayuqtam mikunkichik. Egipto nacionmanta utqayllamanña lloqsimusqaykichikta yuyarispam qanchisnintin punchaw mana levadurayuq llakikuy tantata mikunkichik, chaynapim Egiptomanta lloqsimusqaykichikta kawsanaykichik punchawkama yuyarinkichik.

Deuteronomio 16:5

Señornikichik Tayta Diospa qosusqaykichik llaqtapiqa amam kaypi chaypiqa Pascuapi wañuchipunaykichik animaltaqa ofrecenkichikchu,

Deuteronomio 16:8

Soqta punchawmi mana levadurayuq tantata mikunkichik. Qanchis kaq punchawpiñataqmi hatun fiestata ruwaspa Señornikichik Tayta Diosta yupaychankichik. Chay punchawpiqa amam pipas llamkanqachu.