Éxodo 12:14 - CHUYA QELLQA La Biblia en Quechua de Ayacucho 2012

¹⁴ Chay punchawqa yuyarinaykichik punchawmi kanqa, chaynapim ñoqa Tayta Diosta yupaychawanaykichikpaq hatun fiestata ruwankichik. Chaymi miraynikichikkunapaq huk decreto wiña-wiñaypaq kanqa.

Quechua Ayacucho Bible 1987

¹⁴ Chay punchawmi qamkunapaq kanqa yuyarinaykichik punchaw chaymi hatun adorawanaykichik fiestata rurankichik. Ñoqa Tayta Diospaq kay hatun adorawanaykichik fiestatam rurankichik tukuy miraynikichikpi wiñaypaq decretota hina.

Chuya Qellqa 1992

¹⁴ Chay punchawqa yuyarinaykichik punchawmi kanqa, chaynapim ñoqa Tayta Diosta yupaychawanaykichikpaq hatun fiestata ruwankichik. Chaymi miraynikichikkunapaq huk decreto wiña-wiñaypaq kanqa.

Éxodo 12:14 Iomraidhean Croise

2~Reyes 23:21

Rey Josiasmi llapallan runakunata kamachispan nirqa: Kay pacto libropi qellqasqaman hinayá yupaychasqanchik Tayta Diospaq Pascua fiestata ruwaychik, nispa.

Éxodo 12:17

Mana levadurayuq tanta fiestatam ruwankichik, chay punchawpi Egipto nacionmanta hurqosqayta yuyarinaykichikpaq. Chay punchawtam huk decretota hina wiñaypaq yuyarispanku miraynikichikkunapas ruwanqaku.

Éxodo 12:24

Kay nisqaykunatam huk decretota hina churikichikkunapiwan wiñaypaq kasukunkichik.

Éxodo 12:43

Moisestawan Aarontam Tayta Dios nirqa: Kaymi Pascuamanta kamachikuy: Pascua fiestapi mikunaykichik animaltaqa amam huklaw llaqtayuq runaqa mikunqachu.

Éxodo 12:6

Chay animaltaqa kay killapa chunka tawayuq punchawninkamam waqaychankichik, chay punchawmi inti seqaykuyta Israel runakuna sapakama nakanqaku.

Éxodo 23:15

Mana levadurayuq Tanta fiestatam ruwanki. Kamachisqayman hinam qanchis punchawpuni mana levadurayuq tantata mikunki. Chay fiestataqa Abib killapim ruwanki, chay killapim Egipto nacionmanta lloqsimurqanki. Mana imayuqqa amam pipas ñawpaqniyman asuykamunqachu.

Éxodo 27:21

Aaronwan churinkunam mecherokunata allichanqaku ñoqapa ñawpaqniypi tukuy tuta ratananpaq. Chaytaqa ruwanqa pacto ruwasqay Arcata harkaq velopa ñawpaqninpim. Kaymi kanqa wiñaypaq decretoy llapallan Israel castakunapaq chaynataq mirayninkunapaqpas.

Éxodo 5:1

Moiseswan Aaronmi Faraonpa qayllanman yaykuspanku nirqaku: Israelpa yupaychasqan Tayta Diosmi nin: “Llaqtayta kachariy chunniqman rinankupaq, hinaspa fiestata ñoqapaq ruwamunankupaq”, nispa.

Ezequiel 46:14

Sapa achikyaytataqmi qanchis kilo kawsaytawan huk litro aceitetapas ofrecewankichik, chay aceitetam harinawan chapunkichik. Kayqa Tayta Diospaq ofrendam, kamachikuyman hinam wiñaypaq ruwankichik.

Levítico 23:6

Chay killapa chunka pichqayuq punchawninpiñataqmi ñoqa Tayta Diospaq mana levadurayuq tanta mi-kuna fiestata ruwankichik. Qanchis punchawmi mana levadurayuq tantata mikunkichik.

Zacarías 6:14

Chay coronakunam, Tayta Diospa templonpi señal hina churasqa kanqa, Helemta, Tobiasta, Jedaiasta hinaspa Sofoniaspa churin Josiasta yuyarinankupaq.

Números 10:8

Chay trompetakunataqa Aaronpa churin sacerdotekunam tocanqaku. Kayqa wiñaypaq kamachikuymi qamkunapaq chaynataq miraynikichikkunapaqpas kanqa.

Números 15:15

Hina chay kamachikuyllam kanqa qamkunapaqpas chaynataq huklaw llaqtayuqkunapaqpas. Chay kamachikuyllam llapallan miraynikichikpaq wiñaypaq kanqa. Ñoqa Tayta Diospa qayllaypiqa paykunapas qamkuna hinallam kanqaku.

Números 16:40

chayta qawaspa Israelpa mirayninkuna yuyarispanku pipas mana Aaronpa mirayninmanta kaspaqa Tayta Diosman inciensota ama ofrecenanpaq, chaynapi Coreywan runankuna hina mana wañurunankupaq. Chaymi Eleazar ruwarqa imaynam Moisesman Tayta Diospa kamachisqanman hina.

Números 18:8

Aarontam Tayta Dios nirqa: Qowasqanku ofrendakunata nanachikunaykipaqmi churarqayki. Israelpa mirayninkunapa qowasqanku sapaqchasqa ofrendakunatam qanman chaynataq churikikunaman qoykichik. Chay ofrendakunam qamkunapaq kanqa, chayqa wiñaypaq kamachikuymi.

Mateo 26:13

Cheqaptapunim nikichik, kay pachapi maypipas kay evangelio willakusqa kaptinmi kay warmipa ruwasqanpas willakusqa kanqa, imam ruwasqanta yuyarinankupaq, nispa.

Lucas 22:19

Chaymantam Tantata hapiykuspan Diosman graciasta qorqa, hinaspam parteykarispan nirqa: Kaymi cuerpoy qamkunarayku entregasqa. Kaytam qamkunapas ruwankichik ñoqata yuyariwanaykichikpaq, nispa.

Deuteronomio 16:1

Abib killapim Señornikichik Tayta Diospaq Pascua fiestata ruwankichik. Paymi chay killapi huk tuta Egipto nacionmanta hurqomusurqankichik.

Deuteronomio 16:11

Señornikichik Tayta Diospa qayllanpim hatun fiestata ruwaspa churikichikkunawan, criadoykichikkunawan, criadaykichikkunawan, llaqtaykichikpi yachaq levitakunawan, huklaw llaqtayuqkunawan, mana tayta-mamayuqkunawan hinaspa viudakunawan kuska kusikunkichik. Chaytaqa Señornikichik Tayta Diospa akllasqan sitiopim ruwankichik.

Deuteronomio 6:8

Kay kamachikuykunataqa señalta hinam brazoykipi chaynataq urkuykipipas watakunki.

Josué 4:7

hinaptinqa kaynatam ninkichik: “Jordán mayum iskayman rakikururqa, Tayta Diospa pacto ruwasqan Arcapa ñawpaqninpi. Chayraykum kay rumikunaqa churasqa kachkan Israelpa mirayninkuna wiñaypaq yuyarinankupaq”, nispa.

1~Samuel 30:25

Chay punchawmanta qepamanmi, chayqa huk kamachikuyña Israel nacionpaq karqa.