Éxodo 12:11 - CHUYA QELLQA La Biblia en Quechua de Ayacucho 2012

¹¹ Kaynam mikunkichikqa: Weqawnikichik allin watasqa, usutaykichikpas allin watasqa, hinaspa tawnaykichikta aptarisqa; chaynam utqayllamanña mikunkichik. Chayqa Tayta Diospa Pascuanmi.

Quechua Ayacucho Bible 1987

¹¹ Mikunkichikqa utqaymanmi illanapaq hina allin pachasqa. Usutaykichikpas sumaq watasqa hinaspa tawnaykichikpas hapirisqallam kankichik. Ñoqa Tayta Diospa *f**Pascuaymi kayqa.

Chuya Qellqa 1992

¹¹ Kaynam mikunkichikqa: Weqawnikichikta allin watasqa, usutaykichikpas allin watasqa, tawnaykichikta aptarisqa; chaynam utqayllamanña mikunkichik. Chayqa Tayta Diospa Pascuanmi.

Éxodo 12:11 Iomraidhean Croise

2~Reyes 23:21

Rey Josiasmi llapallan runakunata kamachispan nirqa: Kay pacto libropi qellqasqaman hinayá yupaychasqanchik Tayta Diospaq Pascua fiestata ruwaychik, nispa.

Éxodo 12:13

Chay yawarmi señal kanqa maymi yachasqaykichik wasipi, chay yawarta qawaspaymi hawallanta pasarusaq, chaynapim Egipto runakunata wañuchiptiy, qamkunamantaqa mana chullallapas wañunqachu.

Éxodo 12:21

Israelpi llapallan ancianokunata qayachimuspam Moisés nirqa: Carnerota otaq chivatota aylluykichikpaq hapimuychik hinaspa wañuchiychik Pascua fiestata ruwanaykichikpaq.

Éxodo 12:27

hinaptinqa kaynatam ninkichik: “Tayta Diospaq Pascuapi wañuchina animalmi kayqa. Paymi Egipto nacionpi Israelpa mirayninkunapa wasinpa hawallanta pasaspa aylluykuta libraykurqa, Egipto runakunatam ichaqa wañurachirqa”, nispa. Chaykunata Moisés rimayta tukurup-tinmi, Israelpa mirayninkuna qonqora-kuykuspa Tayta Diosta yupaycharqaku.

Éxodo 12:43

Moisestawan Aarontam Tayta Dios nirqa: Kaymi Pascuamanta kamachikuy: Pascua fiestapi mikunaykichik animaltaqa amam huklaw llaqtayuq runaqa mikunqachu.

Isaías 52:12

Manam kallpayllachu lloqsinkichikqa, nitaqmi ayqechkaq hinachu ripunkichikqa, aswanqa Tayta Diosmi ñawpaqnikichikta rinqa, hina kikintaqmi qepaykichiktapas hamunqa.

Ezequiel 45:21

Chay punta kaq killapa chunka tawayuq punchawninpim Pascua fiesta ruwayta qallarinkichik, hinaspam qanchis punchawpuni mana levadurayuq tantata mikunkichik.

Levítico 23:5

Punta kaq killapa chunka tawayuq punchawninpim inti seqaykuymanta ñoqa Tayta Diospaq Pascua fiesta ruwayta qallarinkichik.

Números 28:16

Punta kaq killapa chunka tawayuq punchawninpim ñoqa Tayta Diospaq Pascua fiestata ruwankichik.

Números 9:1

Egipto nacionmanta iskay wataña lloqsiramusqanku hawam, chay iskay watapa punta kaq killanpi Sinaí sutiyuq chunniqpi Moisesta Tayta Dios nirqa:

Lucas 12:35

Qamkunaqa weqawnikichikta allinta wataspa chaynataq mecheroykichiktapas ratachispa listolla kaychik.

Lucas 15:22

Taytanñataqmi serviqninkunata kamachirqa: “Allinnin pachawan chaylla pachachiychik, dedonmanpas anillota churaspa usutaykachiychik.

Lucas 2:41

Jesuspa tayta-mamanmi Pascua fiestaman sapa wata Jerusalenta riqku.

Lucas 7:38

Hinaspanmi waqaspan Jesuspa qepanpi qonqorakuykuspan chakinkunata weqenwan mayllaspan chukchanwanñataq chakichirqa, hinaspam muchaykuspan perfumeta talliykurqa.

1~Corintios 5:7

Wischuychikyá chay ñawpaq huchallichisuqnikichik levadurata, chaynapi musoq masamanta ruwasqa kanaykichikpaq. Qamkunaqa kankichik Pascua fiestapi mikuna mana levadurayuq tanta hinam. Kikin Cristom chakatasqa wañurqa ñoqanchikrayku, paymi Pascua Corderonchikqa.

Efesios 6:15

Zapa-tokuchkaq hinayá hawkayay qokuq allin noticia apanaykichikpaq chaylla kaychik.

Deuteronomio 16:1

Abib killapim Señornikichik Tayta Diospaq Pascua fiestata ruwankichik. Paymi chay killapi huk tuta Egipto nacionmanta hurqomusurqankichik.

Josué 5:10

Israelpa mirayninkunam Gilgalpi samaruspanku Pascua fiestata ruwarqaku, punta kaq killapa chunka tawayuq punchawnin tardeykuyta, Jericó llaqtapa chimpan pampapi.

1~Pedro 1:13

Chaynaqa, listolla kaspayá imam ruwanaykichikmanta sumaqta yuyaymanaychik, rikchan-rikchanllayá kaychik Jesucristo rikurimuptin Diospa kuyakuyninman hina imam qosunaykichikta tukuy sonqoykichikwan suyaspa.