Éxodo 10:9 - CHUYA QELLQA La Biblia en Quechua de Ayacucho 2012

⁹ Hinaptinmi Moisés nirqa: Tayta Diosta yupaychamunayku fiesta kasqanraykum, warmaykupiwan, yuyaqniykupiwan, qari churiykupiwan hinaspa warmi churiykupiwan risaqku. Ovejaykutawan vacaykutapas qatisaqkum, nispa.

Quechua Ayacucho Bible 1987

⁹ Chaymi Moisesñataq nirqa: —Tayta Diosta adoranayku fiesta kasqanraykum risaqku warmaykupiwan, yuyaqniykupiwan, qari-churiykupiwan hinaspa warmi churiykupiwan. Qatikusaqkum ovejaykutawan vacaykutapas.

Chuya Qellqa 1992

⁹ Hinaptinmi Moisés nirqa: Tayta Diosta yupaychamunayku fiesta kasqanraykum, warmaykupiwan, yuyaqniykupiwan, qari churiykupiwan hinaspa warmi churiykupiwan risaqku. Ovejaykutawan vacaykutapas qatisaqkum, nispa.

Éxodo 10:9 Iomraidhean Croise

Génesis 50:8

Rirqakutaqmi Joseypa ayllunkunapas, llapallan wawqenkunapas. Gosén allpapiqa qeparurqaku warmakunawan, ovejakunawan hinaspa vacakunallañam.

Éxodo 10:10

Chaymi Faraón nirqa: Tayta Diosña qamkunawan kaptinpas warmaykichikkunatawanqa manam kacharikichikmanchu. Qamkunaqa mana allintam tanteachkankichik.

Éxodo 10:26

Animalniykupas ñoqaykuwanmi rinqa, manam chullallapas qepanqachu, Tayta Diosta yupaychanaykupaqqa chay animal-kunamantam hapisaqku. Manaraqmi yachanikuchu wakman chayanaykukama imawanmi Tayta Diosta yupaychanaykutapas, nispa.

Éxodo 12:32

Ovejaykichiktapas, vacaykichiktapas qatiychik. Hinaspa ñoqapaqpas Diosta mañakamuychik, nispa.

Éxodo 12:37

Chaymi Israelpa mirayninkuna Ramsés llaqtamanta Sucot lawman pasakurqaku. Chakiwan riq qarikunallam yaqa soqta pachak waranqa karqaku, wawakunawan warmikunaqa manam yupasqachu karqaku.

Éxodo 12:38

Paykunawantaqmi lloqsirqa nana-nanaq tukuy rikchaq runakunapas chaynataq achka-achka ovejakunawan vacakunapas.

Éxodo 13:6

Qanchis punchawmi mana levadurayuq tantata mikunkichik, qanchis kaq punchawpim Tayta Diosta yupaychana fiesta kanqa.

Éxodo 3:18

Israelpa ancianonkunam kasusunki, hinaptinmi paykunawan rispa Egipto nacionpi reyta ninkichik: Hebreo runakunapa Tayta Diosninmi tariramuwanku, chayraykum kunan kimsa punchaw puriyta chunniqman risaqku, chaynapi Tayta Diosman sacrificiokunata ofrecespa hatunchamunaykupaq, nispaykichik.

Éxodo 5:1

Moiseswan Aaronmi Faraonpa qayllanman yaykuspanku nirqaku: Israelpa yupaychasqan Tayta Diosmi nin: “Llaqtayta kachariy chunniqman rinankupaq, hinaspa fiestata ñoqapaq ruwamunankupaq”, nispa.

Éxodo 5:3

Chaymi paykuna nirqaku: Hebreo runakunapa Diosninmi ñoqaykuman rikuriykuwanku. Chayraykum kimsa punchaw puriyta chunniqman rispa Tayta Diosman sacrificiokunata ofrecespa hatunchamusaqku, mana chayqa ñoqaykumanmi ima peste onqoypas otaq guerrapas chayaramuwanmanku, nispanku.

Proverbios 3:9

Tayta Diosta hatunchay tukuy ima kapuqnikikunawan, chaynallataq tarpusqaykipa punta rurunkunawanpas,

Eclesiastés 12:1

Jovenllaraq kaynikipiyá unanchaqnikimanta yuyariy, sasachakuy punchawkuna manaraq chayaramuchkaptin, yanqañataq chayna punchawkuna chayamuptin niwaq: “Manam kusikuyta tariniñachu”, nispa.

Números 29:12

Qanchis kaq killapa chunka pichqayuq punchawninpim yupaychawanaykichikpaq hatun huñunakuyta ruwankichik, chay punchawpiqa amam pipas llamkanqachu. Qanchis punchawnintinmi ñoqa Tayta Diospaq hatun fiestata ruwankichik.

Efesios 6:4

Tayta-mamakuna, qamkunapas wawa-churikichiktaqa amayá piñachiychikchu, aswanqa kasukuqtayá uywaychik Señorninchikpa yachachikuyninman hina.

Josué 24:15

Sichum Tayta Dios serviyta mana munaspaykichikqa, kunanpuni akllakuychik pim servinaykichikta: ¿Eufrates mayupa waklaw chimpanpi kachkaspankuraq taytaykichikkunapa yupaychasqan idolokunatachu icha kay yachasqaykichik allpapi kaq amorreokunapa yupaychasqanku idolokunatachu servinkichik? Ñoqam ichaqa aylluykunawan kuska Tayta Diosllata servisaqku, nispa.