Éxodo 10:7 - CHUYA QELLQA La Biblia en Quechua de Ayacucho 2012

⁷ Chaymi Faraonta serviqninkuna nirqaku: ¿Haykapikamataq kay runa sasachakuyllata qowasunchik? Israelpa mirayninkunata kachariy, chaynapi Tayta Diosta yupaychamunankupaq. ¿Manachu rikunki paykunarayku lliw Egipto nacionqa purmachisqa kasqanta? nispanku.

Quechua Ayacucho Bible 1987

⁷ Chaymi Faraonta serviqninkuna nirqaku: —¿Haykapikamataq kay runa sasachakuyllata qowasunchik? Kachariy Israel runakunata yupaychasqanku Tayta Diosta adoramunankupaq. Yachankiñam lliw Egipto nacionqa paykunarayku purmachisqa kasqanta.

Chuya Qellqa 1992

⁷ Chaymi Faraonta serviqninkuna nirqaku: ¿Haykapikamataq kay runa sasachakuyllata qowasunchik? Israelpa mirayninkunata kachariy, chaynapi Tayta Diosta yupaychamunankupaq. ¿Manachu rikunki paykunarayku lliw Egipto nacionqa purmachisqa kasqanta? nispanku.

Éxodo 10:7 Iomraidhean Croise

Éxodo 12:33

Egipto runakunam hikutarqaku Israelpa mirayninkunata Egiptomanta lloqsinankupaq, llapallanku wañuruyta piensasqankurayku.

Éxodo 23:33

Amam allpaykipipas yachanqakuchu, yanqañataq idolonkuta yupaychaspayki contraypi huchallikuwaq. Chayqa pantaymanmi aparusunkiman.

Éxodo 7:5

Egipto runakunaman atiyniyta qawachispay Israelpa mirayninkunata paykunapa chawpinmanta hurqoptiymi, Egipto runakuna yachanqaku ñoqa Tayta Dios kasqayta.

Éxodo 8:19

Chaymi Faraonta layqankuna nirqaku: Diosmantam kayqa, nispa. Ichaqa Faraonpa sonqonmi aswanraq rumiyarurqa, chaymi Tayta Diospa nisqanman hina mana kasukurqachu.

Proverbios 29:6

Millay runapa wichichiqninqa kikinpa huchallanmi, allin ruwaq runam ichaqa hawka hinaspa kusisqa kawsakunqa.

Eclesiastés 7:26

Kaytam tarirurqani: Warmiqa wañuymantapas aswanraq ñakarichikuq kasqanta, wichichikuq trampa hina kasqanta, sonqonpas toqlla hina kasqanta, makinkunapas cadena hina kasqanta. Diosta kasukuqkunallam chay warmimantaqa lluptiyta atinqa, huchasapa runam ichaqa chaylla wichiykunqa.

Isaías 14:20

Llaqtaykita pasaypaqta purmachisqaykiraykum, runaykikunata wañuchisqaykiraykum, mana reykunapa pampakunanpichu pampakunkipas. Mana allin runakunapa mirayninqa wiñaypaq qonqasqam kanqaku.

Isaías 51:9

¡Rikchariy! ¡Tukuy Atiyniyuq Dios Taytalláy, rikchariy! Atiywan pachakuy, ñawpaq watakunapi hina rikchariy, ñawpaq tiempokunapi hina rikchariy. ¿Manachum qamqa lamar qochapi manchakuypaq Rahab sutiyuq animalta tuksiparurqanki?

Jeremías 48:4

Moab nacionmi tuñichisqa kachkan, wawakunapa qapariyninmi Zoar lawkamaraq uyarikuchkan.

Jeremías 51:8

Babilonia nacionmi qonqaymanta wichirun, vencerachikuspanmi lliw ñutupakurun. ¡Paymanta qaparkachaychik! Heridankunapaq hampita apamuychik, icharaqpas sanoyanman.

Sofonías 1:18

Tayta Diospa piñakuynin punchawmantaqa manam qori-qollqenpas libranqachu, Tayta Diospa piñakuynin nina hinaraq rupaptinmi, ñawi qemchiykuyllata kay pachapi llapallan runakuna puchukachisqa kanqaku.

1~Corintios 7:35

Kaytaqa nikichik allinnikichikpaqmi, manam harkakuspaychu aswanqa allinta kawsaspa mana hukmanyaspa Señorta servinaykichikpaqmi.

Josué 23:13

Señorninchik Tayta Diospas manam qamkuna ukumanta chay nacionkunata qarqonqachu, aswanqa paykunam qamkunapaq kanqa wichinaykichikpaq toqlla hina, malla hina, wasaykichikpaq azote hina, ñawikichikpaq kichka hina. Chaynaqa, kanqaku Señornikichik Tayta Diospa qosusqaykichik allin allpamanta chinkanaykichikkamam.

1~Samuel 18:21

hinaptinmi Saulqa tantearurqa paywanña Davidta casarachiq tukuspa huk trampaman wichiykachiyta, chaynapi Davidta filisteokuna wañurachinanpaq. Chayraykum huktawan Davidta nirqa: Kunanmi ichaqa masayña kanki, nispa.

1~Samuel 5:11

Chaymi Filisteapi kamachikuqkuna huñunakuruspanku ninakurqaku: Israel runakunapa Diosninpa Arcanta maymi kasqanman kutichikchik, chaynapi ama llapanchikta wañurachiwananchikpaq, nispanku. Chaynataqa nirqaku runakunata Tayta Dios llumpayta ñakarichiptin nisyuta mancharikusqankuraykum.