Éxodo 10:4 - CHUYA QELLQA La Biblia en Quechua de Ayacucho 2012

⁴ Llaqtayta mana kachariyta munaptikiqa, paqarinmi aqaruwaykunata lliw nacionnikiman kacharimusaq.

Quechua Ayacucho Bible 1987

⁴ Runaykunata mana kachariyta munaptikiqa paqarinmi kachamusaq aqarwaykunata enteron nacionnikiman.

Chuya Qellqa 1992

⁴ Llaqtayta mana kachariyta munaptikiqa, paqarinmi aqaruwaykunata lliw nacionnikiman kacharimusaq.

Éxodo 10:4 Iomraidhean Croise

Éxodo 10:3

Chaymi Moiseswan Aarón, Faraonpa qayllanman yaykuspa nirqaku: Hebreo runakunapa Diosninmi kaynata nin: “¿Haykapikamataq ñoqapa qayllaypi mana uchuychakunkichu? Yupaychamuwanankupaq llaqtayta kachariy.

Éxodo 10:5

Hinaptinmi allpata tapaykunqa pampapas mana rikukuy atinankama. Chaymi runtu paramanta puchuqta tukunqa, campopi iklliq sachakunatapas lliwtam tukunqa.

Éxodo 4:23

Ñam nirqaykiña churiyta kacharinaykipaq chaynapi hatunchawananpaq, mana kachariyta munaptikiqa piwi churikitam wañurachisaq, nispa”.

Éxodo 5:1

Moiseswan Aaronmi Faraonpa qayllanman yaykuspanku nirqaku: Israelpa yupaychasqan Tayta Diosmi nin: “Llaqtayta kachariy chunniqman rinankupaq, hinaspa fiestata ñoqapaq ruwamunankupaq”, nispa.

Éxodo 8:10

Hinaptinmi Faraón nirqa: Paqarinpuni chinkachichun, nispa. Chaymi Moisés nirqa: Tayta Dioslla, Dios kasqanta yachanaykipaqmi mañakusqaykiman hina ruwasqa kanqa.

Éxodo 8:23

Runaykunatam runaykikunamanta sapaqchasaq. Kay señalmi paqarin ruwasqa kanqa”, nispa.

Éxodo 9:18

Paqarinmi kay horata nisyu-nisyu runtu parata chayachimusaq. Chayna paraqa Egipto nacionpa hatarisqan punchawmantapas manam karqachu.

Éxodo 9:5

Paqarinpunim kay nacionpi chaynata ruwasaq, nispa.

Proverbios 30:27

Aqaruwaykuna, mana reyniyuq kaspapas ichaqa tropa-tropam lloqsinku.

Joel 2:25

Ñoqam aqaruwaypa, pinki-pinkipa, utuskurupa mikusqantapas kutichipusqaykichik, paykunataqa ñoqam tropaykunata hina contraykichikpi kachamurqaykichik.

Deuteronomio 28:38

Achkatam tarpunki ichaqa aqaruway tukuruptinmi pisillata cosechanki.

Apocalipsis 9:3

Chay qosnimanta aqaruway urukuna lloqsiramuspanmi kay pachaman mastarikururqa, chaykunam atiyta chaskirqaku atoq-atoqkuna hina llapa runata kachunanpaq.