Éxodo 1:17 - CHUYA QELLQA La Biblia en Quechua de Ayacucho 2012

¹⁷ Chay parterakunam ichaqa Diosta manchakusqankurayku, Egipto nacionpi reypa kamachisqanta mana kasukuspanku qari wawakunata mana wañuchirqakuchu.

Quechua Ayacucho Bible 1987

¹⁷ Ichaqa parterakunam Diosta respetaspanku Egipto nacionpi reypa kamachisqantaqa mana kasukurqakuchu, qari wawakunataqa manamá wañuchirqakuchu.

Chuya Qellqa 1992

¹⁷ Chay parterakunam ichaqa Diosta manchakusqankurayku, Egipto nacionpi reypa kamachisqanta mana kasukuspanku qari wawakunata mana wañuchirqakuchu.

Éxodo 1:17 Iomraidhean Croise

Génesis 20:11

Hinaptinmi Abraham nirqa: Arí kaytam piensarqani: “Kaypiqa manam Diosta manchakunkuchu, hinaspachá warmiyrayku wañurachiwanqaku” nispay.

Génesis 42:18

Kimsa punchawmantam paykunata José nirqa: Ñoqaqa Diostam kasukuni, kawsakuyta munaspaqa kaynata ruwaychik:

2~Samuel 24:4

Ichaqa reypa kamachisqanmi Joab-pa chaynataq tropakuna kamachiq-ninkunapa nisqankumantapas aswan atiyniyuq karqa. Chaymi Israel runakunata yupamunankupaq reypa qayllanmanta Joabwan tropakunapa capitanninkuna lloqsirqaku.

Nehemías 5:15

Ñoqamanta punta kaq gobernadorkunam ichaqa, mana allin kamachikuqkuna kaspanku, mikunankupaqwan vino tomanankupaq sapa punchaw yaqa parte kilo qollqeta cobrarqaku; paykunapa yanapaqninkunapas llaqtatam ñakarichirqaku. Ñoqam ichaqa Diosta manchakusqayrayku mana chaynatachu ruwarqani.

Ester 3:3

Hinaptinmi reypa palacion punkunpi kaq serviqninkuna Mardoqueota nirqaku: ¿Imanasqataq reypa kamachikuyninta mana kasukunkichu? nispanku.

Éxodo 1:18

Chaymi parterakunata qayachispan rey nirqa: ¿Imatataq kayta ruwachkankichik? ¿Imanasqataq qari wawakunata mana wañuchinkichikchu? nispa.

Éxodo 1:21

Parterakunapa ayllunkunatapas Diosta manchakusqankuraykum achkata mirachirqa.

Proverbios 16:6

Kuyakuywan hinaspa cheqap kaqwanmi huchataqa pampachana, runaqa Tayta Diosta kasukuspallam mana allinmanta sapaqchakunqa.

Proverbios 8:13

Tayta Diosta kasukuyqa mana allin ruwayta cheqniymi. Ñoqaqa hatun tukuq runatawan hatunchakuytaqa cheqninim, mana allin kawsaytawan llullalla rimaytaqa cheqninim.

Eclesiastés 12:13

Kay uyarisqayki yachachikuykunapa tukupayninqa kaymi: Diosta manchakuspa kamachikuyninkunata kasukuy, chayllam runapa ruwayninqa.

Eclesiastés 8:12

Kanmi runakuna pachak kutikamaña mana allinta ruwachkaspapas unayta kawsaqkuna, yachanitaqmi Diosta manchakuqkunapas allin kawsakusqankuta.

Daniel 6:13

Chaymi paykuna nirqaku: Reynillayku, Judá nacionmanta presokunawan hamuq Danielqa manam manchakusunkichu, nitaqmi kamachisqayki decretotapas kasukunchu, aswanqa sapa punchawmi kimsa kutita Diosninta mañakun, nispanku.

Oseas 5:11

Efrainmi ñakarichisqa kachkan, pipañapas munaychakusqanmi kachkan, idolokunata qatisqanraykum chaynaqa kachkan.

Miqueas 6:16

Rey Omripa kamachikuyninkunatam kasukurqanki, rey Acabpa ayllunkuna ruwasqankutam ruwarqanki, paykunapa nisusqaykiman hinam kawsarqanki. Chayraykum purmachisqa kanki, runaykikunatañataqmi burlakuspa asipayanqaku, llaqtaypa penqayninmi hawaykiman chayanqa.

Mateo 10:28

Cuerpo wañuchiqkunataqa amayá manchakuychikchu, manam almataqa wañuchiyta atinmankuchu, manchakuychikqa almantinta, cuerpontinta infiernopi wiñaypaq chinkachiqtayá.

Lucas 12:5

Kunanmi yachachisqaykichik pitam manchakunaykichikta: Manchakuychikqa wañurachispa infiernoman wischuykunanpaq atiyniyuq kaqtayá. Arí, paytam manchakunaykichikqa.

Hechos 5:29

Hinaptinmi Pedrowan wakin apostolkuna nirqaku: Runakunamanta puntataqa Diostam kasukunayku.

1~Samuel 22:17

Hinaspam muyuriqninpi runakunata rey Saúl kamachirqa: ¡Tayta Diospa sacerdotenkunata wañu-chiychik! Paykunapas Davidmanmi sayapakurunku, chay runa ayqesqanta yachachkaspankupas manam willaykamuwarqakuchu, nispa. Ichaqa reypa serviqninkunam mana munarqakuchu Diospa sacerdotenkuna wañuchiyta.