Éxodo 1:12 - CHUYA QELLQA La Biblia en Quechua de Ayacucho 2012

¹² Ichaqa maynataña ñakarichichkaptinkupas aswanraqmi mirarqaku, chaynapim Israelpa mirayninkunamanta Egipto runakuna mancharisqallaña karqaku.

Quechua Ayacucho Bible 1987

¹² Aswanqa maynata ñakarichiptinkupas aswanraqmi mirarqaku chaynapim Egipto runakuna karqaku mancharisqallaña Israelpa mirayninkunawan.

Chuya Qellqa 1992

¹² Ichaqa maynataña ñakarichichkaptinkupas aswanraqmi mirarqaku, chaynapim Israelpa mirayninkunamanta Egipto runakuna mancharisqallaña karqaku.

Éxodo 1:12 Iomraidhean Croise

Génesis 46:3

Chaymi Dios nirqa: Ñoqam kani Dios, taytaykipa Diosnin. Ama manchakuychu Egipto nacionman riytaqa, chaypim hatun nacionta qanmanta hatarichisaq.

Nehemías 9:23

Churinkutapas cielopi chaskakunata hinañam qorqanki, hinaspam ñawpaq taytaykuman prometesqayki allpaman pusarqanki.

Jobwan Sutichasqa Libro 5:2

Cheqaptapunipas mana yachayniyuqtaqa piñakuyninmi wañuchin, hukpa kapuqninta munapayaq runataqa envidiakuyllanmi wañuchin.

Éxodo 1:20

Parterakunatam Dios favorecerqa chaymi Israel runakuna mirasqankuman hina kallpasapallaña rikurirqaku.

Éxodo 1:7

Ichaqa Israelpa mirayninkunam llumpa-llumpayta mirarurqaku, kallpasapallañam karqakupas, chaymi Egipto nacionman huntaykurqaku.

Éxodo 1:9

Qawariychik, Israelpa mirayninkunam llumpayllataña mirarunku, hinaspam ñoqanchikmantapas aswan kallpasapallaña rikurirunku.

Proverbios 21:30

Diospa qayllanpiqa yachaypas, yachayniyuq kaypas, allin tanteoyuq kaypas mana serviqmi.

Proverbios 27:4

Piñakuyqa manchakuypaqmi, rabiakuyqa tuñichikunmi, ichaqa ¿pitaq envidiakuypa qayllanpi takyanman?

Números 22:3

Moabitakunapas Israelpa mirayninkuna achkallaña kasqankuraykum anchallataña mancharikurqaku.

Juan 12:19

Fariseo-kunañataqmi ninakurqaku: Manam ima ruwaytapas atichwanchu, qawaychik llapa runakunam payta qatichkanku, nispanku.

Romanos 8:28

Ñoqanchikqa yachanchikmi, Dios kuyaqkunataqa tukuy imapas allinninpaqmi yanapan, chaykunaqa yanapan haykam munasqanman hina qayasqankunatam.

Deuteronomio 26:5

Qamkunañataqmi Tayta Diospa qayllanpi ninkichik: “Ñawpaq taytaykuqa karqaku Aram lawmanta kaq as runakunallam. Paykunam mana allpayuq hina purispanku Egipto nacionman ripukurqaku, hinaspam atiyniyuq llaqta chaynataq achka runayuq kanankukama mirarurqaku.