Ester 9:22 - CHUYA QELLQA La Biblia en Quechua de Ayacucho 2012

²² chay punchawkunapi judiokuna enemigonkumanta librasqa kasqankuta, llakinkupas kusikuymanña tikrakusqanta, waqayninkupas kusikuy punchawmanña tikrakusqanta yuyari-nankupaq; hinaspa convidota chay punchawkunapi ruwaspanku vecinon-kuman mikuyta apachispanku wakchakunamanpas regalokunata qonankupaq.

Quechua Ayacucho Bible 1987

²² Chaynataqa kamachikurqa judio runakuna enemigonmanta hawkaña kasqanku punchawraykum chaynataq llakikuyninkupas kusikuymanña tikrakusqan killa kasqanraykum chaynataq waqayninkupas kusikuy punchawmanña tikrakurusqanraykum. Kamachirqataqmi chay punchawkunapiqa convidanakuspa kusikunankupaqpas, vecinonkuman sapakama mikuyta apachinankupaqpas chaynataq wakchakunaman regalokuna qonanku punchawkuna kananpaqpas.

Chuya Qellqa 1992

²² chay punchawkunapi judiokuna enemigonkumanta librasqa kasqankuta, llakinkupas kusikuymanña tikrakusqanta, waqayninkupas kusikuy punchawmanña tikrakusqanta yuyarinankupaq; hinaspa convidota chay punchawkunapi ruwaspanku vecinonkuman mikuyta apachispanku wakchakunamanpas regalokunata qonankupaq.

Ester 9:22 Iomraidhean Croise

Ester 9:19

Chayraykum mana murallasqa llaqtachakunapi yachaq judiokunapas, adar killapa chunka tawayuq punchawninpi kusikuywan convidota ruwaspanku regalokunatapas hukninkumanta hukninkukama apachinakunku.

Ester 9:21

Paykunatam kamachirqa sapa wata adar killapa chunka tawayuq hinaspa chunka pichqayuq punchawninpi huñunakuspanku fiestata ruwanankupaq,

Ester 9:23

Chaymi judiokunaqa Mardoqueopa kamachisqanman hina, chay fiesta ruway qallarisqankuta huk costumbremanña tikrarurqaku.

Isaías 14:3

Ñakariynikichikmantapas, waqasqay-kichikmantapas, esclavo kasqaykichikmantapas Tayta Dios librasuptikichikmi,

Zacarías 8:19

Tawa kaq killapi, pichqa kaq killapi, qanchis kaq killapi hinaspa chunka kaq killapi ayuno ruwasqaykichikmi kusikuymanña tikrakunqa, Judá nacionpaqmi hatun kusikuy fiestamanña tikrakunqa. Chaynaqa, cheqap kaqtawan hawka kawsakuyta kuyaychik, nispa.

Mateo 5:4

Mayna kusisqam waqaqkunaqa, paykunataqa Diosmi consuelanqa.

Lucas 11:41

Kapusuqnikichikmantayá limosnatapas qoychik, chaynapi tukuy imapas limpio kapusunaykichikpaq.

Gálatas 2:10

Kunawarqakutaqmi wakchakunata mana qonqarunaykupaqpas, chaytaqa tukuy sonqoywanmi ruwachkani.

Deuteronomio 15:7

Sichum Señornikichik Tayta Diospa qosunaykichik allpapi, hukkaqnin yachasqaykichik llaqtapi qamkuna castamanta wakcha runa kanqa, hinaptinqa sonqoykichikta ama rumiyaykachispam yanapaykunkichik.

Deuteronomio 16:14

Chay fiestapim churikichikkunawan, serviqnikichikkunawan, llaqtaykichikpi yachaq levitakunawan, huklaw llaqtayuqkunawan, mana tayta-mamayuqkunawan chaynataq viudakunawan kuska kusikunkichik.

Deuteronomio 16:15

Chay fiestataqa qanchis punchawmi Señornikichik Tayta Diospaq ruwankichik, paypa akllasqan sitiopi. Paymi cosechaykichikpi chaynataq tukuy ima ruwaynikichikpipas bendecisunkichik, chaynapi cheqapta kusikunaykichikpaq.

Apocalipsis 11:10

Kay pachapi kawsaqkunañataqmi chay wañuqkunamanta kusikunqaku, hinaspam kusikuymanta regalokunatapas apachinakunqaku, chaynataqa ruwanqaku chay iskay profetakuna kay pachapi yachaqkunata manaña ñakarichisqankuraykum.

1~Samuel 25:8

Munaspaqa michiqnikikunata tapuy, paykunam aswanqa willasunki. Chayraykum valekuyki kachamusqay jovenkunata allinllata chaskiykunaykipaq, allin horallapim hamuchkanku. Paykunamanyá imallaykitapas qoykapamullaway, ñoqapas qampaqqa churiki hinam kani”, nispa.