Ester 9:15 - CHUYA QELLQA La Biblia en Quechua de Ayacucho 2012

¹⁵ Adar killapa chunka tawayuq pun-chawninpim Susa llaqtapi yachaq judiokuna huktawan huñunakuruspanku kimsa pachak runakunatawanraq wañurachir-qaku, ichaqa manam imankutapas aparqakuchu.

Quechua Ayacucho Bible 1987

¹⁵ Susa llaqtapi kaq judio runakunam Adar sutiyoq killapa chunka tawayoq punchawninpi huktawan huñunakururqaku hinaspam Susa llaqtapi wañurachirqaku kimsa pachak runakunatawan ichaqa manam qechurqakuchu imankutapas.

Chuya Qellqa 1992

¹⁵ Adar killapa chunka tawayuq punchawninpim Susa llaqtapi yachaq judiokuna huktawan huñunakuruspanku kimsa pachak runakunatawanraq wañurachirqaku, ichaqa manam imankutapas aparqakuchu.

Ester 9:15 Iomraidhean Croise

Ester 8:11

Chay decretowanmi rey kamachirqa llapa llaqtakunapi kaq judiokunata huñunakuspanku vidankuta defiendenankupaq; ima runakunaña otaq maylaw provinciakunamantaña armasqa hamuptinkupas, warmitapas wawatapas lliwta wañuchispa puchukachinankupaq hinaspa tukuy kapuqninkutapas apakunankupaq.

Ester 9:10

Paykunam karqaku judiokunapa enemigon Hame-datapa churin Amanpa chunkantin churinkuna; llapa kapuqninkutam ichaqa mana imanarqakuchu.

Ester 9:12

Hinaptinmi reina Esterta rey Asuero nirqa: Kay yachasqay Susa llaqtapipas judiokunaqa pichqa pachak runakunatam wañurachinku, wañurachinkutaqmi Amanpa chunkantin churinkunatapas; wakin provinciakunapiqa haykatachiki wañurachinku, chaynaqa ¿imatawanraqtaq mañakunki? ¿Imatawanraqtaq ruwanayta munanki? Imapas mañakusqaykiqa ruwasqam kanqa, nispa.

Ester 9:13

Chaymi reina Ester nirqa: Allinpaq rikchakapusuptikiqa, paqarinyá kay Susa llaqtapi judiokuna decretoman hina ruwaspanku llapa runakuna qawananpaq Amanpa chunkantin churinkunapa ayanta warkuchunku, nispa.

Ester 9:14

Hinaptinmi reyqa chaynata Susa llaqtapi kamachikurqa. Chaymi Amanpa chunkantin churinkunapa ayanta war-kururqaku.

Ester 9:16

Huklaw provinciakunapi yachaq judiokunapas adar killapa chunka kimsayuq punchawninpim vidankuta defiendenankupaq huñunakurqaku, hinaspam enemigonkuta vengakuspa qanchis chunka pichqayuq waranqa runakunata wañuchirqaku, ichaqa manam imankutapas aparqakuchu.

Ester 9:2

Rey Asueropa munaychakusqan provinciakunapim, llapa judiokuna maymi yachasqanku llaqtapi huñunakururqaku enemigonkupa contranpi peleanankupaq. Ichaqa manam mayqan enemigonkupas paykunapa contranpi sayariyta atirqachu, judiokunata manchakusqankurayku.

1~Tesalonicenses 5:22

tukuy mana allin kaqkunamantayá raki-kuychik.

Hebreos 13:5

Amayá qollqella maskaymanqa qoku-ruychikchu, aswanqa imam kapusuqnikichikwanyá contentakuychik. Diosmi nirqa: Manapunim qonqasqaykichu nitaqmi saqesqaykichu, nispa.