Ester 9:14 - CHUYA QELLQA La Biblia en Quechua de Ayacucho 2012

¹⁴ Hinaptinmi reyqa chaynata Susa llaqtapi kamachikurqa. Chaymi Amanpa chunkantin churinkunapa ayanta war-kururqaku.

Quechua Ayacucho Bible 1987

¹⁴ Reymi kamachirqa chaynata ruranankupaq, decretotapas Susa llaqtapi qoykuptinmi Amanpa chunkantin churinkunapa ayanta warkurqaku.

Chuya Qellqa 1992

¹⁴ Hinaptinmi reyqa chaynata Susa llaqtapi kamachikurqa. Chaymi Amanpa chunkantin churinkunapa ayanta warkururqaku.

Ester 9:14 Iomraidhean Croise

Esdras 7:13

Munaychakusqay nacionpi llapallan Israelpa mirayninkunatawan sacerdotenkunata hinaspa levitakunatam kamachini, pipas Jerusalén llaqtaman riyta munaspaqa qanwanyá kutichunku.

Ester 7:10

Hinaptinmi Amanta warkururqaku Mardoqueopaq ruwachisqan warkunapi, chayñam reypa piñakuynin tanirurqa.

Ester 7:9

Chaymi reyta Harbona sutiyuq eunucon nirqa: Amanpa wasinpim iskay chunka iskay-niyuq metro sayayniyuq warkuna kachkan, chaytam Amán ruwachirqa reypa favorninpi rimariq Mardoqueota warkuchinanpaq, nispa. Reyñataqmi nirqa: Chaynaqa, Amanta chaypi warkura-muychik, nispa.

Ester 9:13

Chaymi reina Ester nirqa: Allinpaq rikchakapusuptikiqa, paqarinyá kay Susa llaqtapi judiokuna decretoman hina ruwaspanku llapa runakuna qawananpaq Amanpa chunkantin churinkunapa ayanta warkuchunku, nispa.

Ester 9:15

Adar killapa chunka tawayuq pun-chawninpim Susa llaqtapi yachaq judiokuna huktawan huñunakuruspanku kimsa pachak runakunatawanraq wañurachir-qaku, ichaqa manam imankutapas aparqakuchu.

Proverbios 12:7

Mana allin runakunaqa Dios tuñichiptinmi chinkarunqaku, allin ruwaq runakunapa wasinmi ichaqa takyanqa.

Eclesiastés 6:3

Sichum huk runa pachak churiyuq kaspa unay watakunata kawsanman, ichaqa unay watakuna kawsachkaspapas allin kaqwan mana kusikuspa wañuruspa mana pampasqa kaptinqa, chay runamantaqa sullusqa wawaraqmi aswan allinqa.

Números 24:20

Amalec runakunapa allpan lawman Balaam qawarispanmi kaynata profetizarqa: Amalec nacionqa wakin nacionkunamantapas ancha reqsisqam, ichaqa tuñichisqa kaspam wiñaypaq purmanqa, nispa.

Gálatas 3:13

Leypa ñakawasqanchikmantam Cristo librawarqanchik. Paymi ñoqanchikrayku ñakasqa karqa. Chuya Qellqapim kaynata nin: “Qerupi warkusqa wañuq runaqa ñakasqayá kachun”, nispa.