Ester 9:10 - CHUYA QELLQA La Biblia en Quechua de Ayacucho 2012

¹⁰ Paykunam karqaku judiokunapa enemigon Hame-datapa churin Amanpa chunkantin churinkuna; llapa kapuqninkutam ichaqa mana imanarqakuchu.

Quechua Ayacucho Bible 1987

¹⁰ Kay wañuchisqanku chunkantin runakunaqa karqa judio runakunapa enemigon Amanpa churinkunam, Amanqa karqa Hamedata sutiyoq runapa churinmi. Ichaqa paykunaqa manam qechurqakuchu chay wañuchisqanku runakunapa kapuqninkutaqa.

Chuya Qellqa 1992

¹⁰ Paykunam karqaku judiokunapa enemigon Hamedatapa churin Amanpa chunkantin churinkuna; llapa kapuqninkutam ichaqa mana imanarqakuchu.

Ester 9:10 Iomraidhean Croise

Génesis 14:23

Manam qampa kaqtaqa ni huk qaytullantapas nitaq usutaykipa watullantapas hapisaqchu, nispay. Yanqañataqmi niwaq: “Ñoqam Abramtaqa apuyarachirqani”, nispayki.

Génesis 34:27

Jacobpa wakin churinkunañataqmi llaqtaman rispanku wañuchisqanku runakunapa tukuy imankuta apakurqaku, paninku penqayman churasqa kasqanrayku.

Ester 3:1

Chaykuna pasaruptinmi rey Asuero, Agagpa miraynin Hamedatapa churin Amanta hatunchaspan llapallan kamachikuqkunapa kamachiqnin kananpaq churarurqa.

Ester 3:13

Hinaspam reypa munaychakusqan provinciakunaman carta apaqkunawan apachirqaku. Chay decretopim rey kamachikurqa llapa judiokunata, joventapas yuyaqtapas, wawatapas warmitapas lliwta huk punchawllapi, Adarwan sutichasqa killapa chunka kimsayuq punchawninpi wañuchinankupaq hinaspa llapa tukuy imankutapas hapikuykunankupaq.

Ester 5:11

Hinaspam paykunapa qayllanpi alabakurqa apu kayninmanta, achkallaña churinkunamanta, tukuy imawan rey hatunchasqanmanta chaynataq kamachikuqkunapa, serviqninkunapa hawanman rey churasqanmantapas.

Ester 7:4

Llaqtamasiy-kunawan kuskam rantikusqa, ñakarichisqa, wañuchisqa, chinkachisqa kanaykupaqña citasqa kachkaniku. Sichum esclavo kanaykupaq rantikusqa kaspaqa upallakuykuymanmi, manam umayki nanachiq hamuymanchu karqa, nispa.

Ester 7:6

Chaymi reina Ester nirqa: ¡Contraykupi sayariq enemigoyku mana allin runaqa kay Amanmi! nispa. Amanñataqmi chayta uyariruspan reypa chaynataq reinapa qayllanpi mancharikurqa.

Ester 8:11

Chay decretowanmi rey kamachirqa llapa llaqtakunapi kaq judiokunata huñunakuspanku vidankuta defiendenankupaq; ima runakunaña otaq maylaw provinciakunamantaña armasqa hamuptinkupas, warmitapas wawatapas lliwta wañuchispa puchukachinankupaq hinaspa tukuy kapuqninkutapas apakunankupaq.

Ester 9:11

Hina chay punchawllapitaqmi Susa llaqtapi wañuchisqankumantapas reyman willarqaku.

Ester 9:9

Parmasta, Arisaita, Vaizata hinaspa Aridaitapas.

Éxodo 17:16

Chaymi nirqa: Tayta Diospa banderanta hapiy, Tayta Diospa contranpi Amalec hatarisqanraykum amalecwan Tayta Dios wiñaypaq guerrapi kanqa, nispa.

Éxodo 20:5

Chaykunapa ñawpaqninpiqa amam qonqorakunkichu, amataqmi yupaychankichu. Ñoqa Tayta Diosllam Diosnikiqa kani. Manam munanichu sapaq dioskuna yupaychanaykitaqa, cheqniwaqniy runataqa tayta-mamanmanta qallaykuspam willkanpa willkankama castigasaq.

Daniel 6:24

Chaymantam rey kamachikuptin, Daniel acusaq runakunata pusamurqaku, hinaspam warmintinta churintinta wischuykurqaku leonkunapa kasqan uchkuman, hinaptinmi manaraqpas pampaman chayaykuchkaptinku leonkuna pawaykuspa tisaparurqa, llapallan tullunkupas chamchakunankama.

Romanos 12:17

Mana allin ruwasuqnikichiktaqa ama chayna mana allinwanqa kutichikuychikchu. Llapa runakunapa qayllanpiqa allin kaqta ruwaychik.

Filipenses 4:8

Wawqe-panillaykuna, tukuykunay-paqmi nimuykichik, kaykunapiyá yuyaymanaychik: Cheqap kaqpi, respetanapaq kaqpi, allin ruwaypi, mana huchallikuypi, allin rimaypi, imapas allin alabanapaq kaqpi.