Ester 8:17 - CHUYA QELLQA La Biblia en Quechua de Ayacucho 2012

¹⁷ Reypa kamachikusqan decreto chayasqan provinciakunapiwan llaqtakunapim, llapa judiokuna anchallataña kusikuspanku convidokunata hinaspa fiestakunata ruwarqaku. Huklaw llaqtayuq runakunapas judiokunata manchakusqankuraykum judío kaymanña tikrakurqaku.

Quechua Ayacucho Bible 1987

¹⁷ Chaymi reypa kamachikusqan decretopa chayasqan sapa provinciapi chaynataq sapa llaqtapipas, judio runakuna ancha-ancha kusikuymanta convidokunata hinaspa fiestakunata rurarqaku. Achkallaña runakunapas judio runakunata manchakuspankum paykunapa qatiqninña rikurirurqaku.

Chuya Qellqa 1992

¹⁷ Reypa kamachikusqan decreto chayasqan provinciakunapiwan llaqtakunapim, llapa judiokuna anchallataña kusikuspanku convidokunata hinaspa fiestakunata ruwarqaku. Huklaw llaqtayuq runakunapas judiokunata manchakusqankuraykum judío kaymanña tikrakurqaku.

Ester 8:17 Iomraidhean Croise

Génesis 35:5

Chaymanta ripuptinkum muyuriqninku llaqtakunaman Diosmanta hamuq hatun manchakuy yaykururqa, chaynapim Jacobpa churinkunata manaña qatirqakuchu.

Nehemías 8:10

Chaymantam Esdras nirqa: Rispaykichikyá allinnin mikuykunata mikuspa miskin vinota tomamuychik, hinaspayá mana mikunayuq kaqkunamanpas apachiychik. Kunan punchawqa Señorninchikpaq sapaqchasqa punchawmi. Ama llakikuychikchu, Tayta Diospa kusikuyninmi kallpanchikqa, nispa.

Ester 9:17

Tukuy kaykunaqa pasakurqa adar killapa chunka kimsayuq punchawninpim. Chay killapa chunka tawayuq punchawninpiñataqmi samaspanku convidota ruwaspa kusikurqaku.

Ester 9:19

Chayraykum mana murallasqa llaqtachakunapi yachaq judiokunapas, adar killapa chunka tawayuq punchawninpi kusikuywan convidota ruwaspanku regalokunatapas hukninkumanta hukninkukama apachinakunku.

Ester 9:2

Rey Asueropa munaychakusqan provinciakunapim, llapa judiokuna maymi yachasqanku llaqtapi huñunakururqaku enemigonkupa contranpi peleanankupaq. Ichaqa manam mayqan enemigonkupas paykunapa contranpi sayariyta atirqachu, judiokunata manchakusqankurayku.

Ester 9:22

chay punchawkunapi judiokuna enemigonkumanta librasqa kasqankuta, llakinkupas kusikuymanña tikrakusqanta, waqayninkupas kusikuy punchawmanña tikrakusqanta yuyari-nankupaq; hinaspa convidota chay punchawkunapi ruwaspanku vecinon-kuman mikuyta apachispanku wakchakunamanpas regalokunata qonankupaq.

Ester 9:27

judiokunaqa kamachinakurqaku, kikinkupas, mirayninkupas chaynataq paykunaman hukllawakuqkunapas mana qonqaykuspa, kay iskay punchaw fiestata watan-watan ruwanankupaq. Chaynata ruwanankupaqmi kamachikuyta chaskirqaku,

Ester 9:3

Chaymi llapa provinciakunapi reypa churasqan kamachikuqkunapas, gobernadorkunapas hinaspa autoridadkunapas Mardoqueota manchakuspanku judiokunataña yanaparqaku.

Éxodo 15:16

Dios Taytallayku, paykunaqa mancharikuymanta katkatatachunku, hatun atiynikirayku rumi hina upallachunku; runaykikuna pasanaykukama upallachunku, kay rantisqaykikuna pasanaykukama upallachunku.

Deuteronomio 11:25

Manam pipas qamkunawan peleaytaqa atinqachu, prometewasqanchikman hinam maylawman riptikichikpas chaypi kaq runakunata Señornikichik Tayta Dios mancharichispan katkatatachinqa.

Deuteronomio 2:25

Kunanmantapunim kay pachapi runakunata mancharichiyta qallarisaq. Qamkunamanta rimaqta uyarispankum mancharikuymanta katkatataspa qewipakunqaku”, nispa.

Josué 2:11

Chay uyarisqayku anchata mancharirachiwaptinkum, manaña pi runapipas valor kanñachu qamkunawan peleananpaq. Qamkunapa Diosnikichikqa, hanaq pachapipas kay pachapipas Diosmi.

Josué 2:9

Yachanim kay allpata Tayta Dios qosusqaykichikta. Qamkunaraykum Tayta Dios hatun manchakuyta sonqoykuman churarun. Chayraykum kay nacionpi yachaqkuna manchakuymanta wañusqa hinaña kachkaniku.

1~Samuel 25:8

Munaspaqa michiqnikikunata tapuy, paykunam aswanqa willasunki. Chayraykum valekuyki kachamusqay jovenkunata allinllata chaskiykunaykipaq, allin horallapim hamuchkanku. Paykunamanyá imallaykitapas qoykapamullaway, ñoqapas qampaqqa churiki hinam kani”, nispa.