Ester 8:15 - CHUYA QELLQA La Biblia en Quechua de Ayacucho 2012

¹⁵ Mardoqueoñataqmi reypa qayllanmanta lloqsirqa reypa yuraqniyuq azul pachanwan pachasqa, umanpipas qorimanta hatun coronayuq hinaspa linomanta morado capayuq; chaymi Susa llaqtapi yachaqkuna kusikuymanta qaparirqaku.

Quechua Ayacucho Bible 1987

¹⁵ Mardoqueoñataqmi reypa qayllanmanta lloqsirqa reypa yuraqniyoq morado pachankunawan pachakuykuspa umanpipas qorimanta hatun coronayoq chaynataq wasanpipas linomanta hinaspa grosellamanta capayoq chaymi Susa llaqtapi *f**yachaqkuna qapariyllawanña kusikurqaku.

Chuya Qellqa 1992

¹⁵ Mardoqueoñataqmi reypa qayllanmanta lloqsirqa reypa yuraqniyuq azul pachanwan pachasqa, umanpipas qorimanta hatun coronayuq hinaspa linomanta morado capayuq; chaymi Susa llaqtapi yachaqkuna kusikuymanta qaparirqaku.

Ester 8:15 Iomraidhean Croise

Génesis 41:42

Hinaspanmi makinmanta sellanan anillota hurqoykuspa Joseyman churaykurqa, fino linomanta pachawan pachaykachispam kunkanmanpas qorimanta collarta churaykurqa.

Ester 1:6

Chay patioqa yuraq hinaspa azul hatun toldokunawan adornasqam karqa, watunkunañataqmi karqa linomanta morado colorniyuqkama; chay watukunatam qollqe anillokunapa ukunta pasachispa mármol rumimanta pilarkunaman watarqaku. Tiyanankunapas qori-qollqemantam karqa, pampanpas suma-sumaq cheqchi, mármol, jacinto rumikunamanta ruwasqam karqa.

Ester 10:2

Rey Asuero atiyniyuq hinaspa munayniyuq kasqanrayku tukuy ima ruwasqankunapas chaynataq imaynam Mardoqueota hatunchasqanmanta willakuykunapas Media hinaspa Persia nacionkunapi reykunapa vidanmanta willakuq libropim qellqasqa kachkan.

Ester 3:15

Reypa kamachikusqanman hinam chay cartakuna utqayman apasqa karqa, Susa llaqtapipas willachisqa kaptinmi llapa runakuna hatun chaqwapi tarikurqaku. Amanñataqmi reywan kuska tiyaykuspa upyakurqaku.

Ester 5:1

Kimsa punchaw pasaruptinmi reina pachawan Ester pachakurqa, hinaspam reypa palacionpa uku patioman yaykuspa chayarurqa reypa tiyananpa chimpa corredorninman. Reyñataqmi trononpi tiyachkarqa.

Ester 5:11

Hinaspam paykunapa qayllanpi alabakurqa apu kayninmanta, achkallaña churinkunamanta, tukuy imawan rey hatunchasqanmanta chaynataq kamachikuqkunapa, serviqninkunapa hawanman rey churasqanmantapas.

Ester 6:11

Hinaptinmi Amán chay pachakunata hapiykuspan chaynataq caballotapas alistaykuspan Mardoqueota pacharachispan caballopi silladata llaqtapa plazanta muyuchimurqa, hinaspam ñawpaqninta kaynata qaparistin rirqa: ¡Kaynatam reyqa ruwan hatunchay munasqan runataqa! nispa.

Ester 6:8

reypa pachankunata apamuspa pachachichunku, reypa caballonpi sillaykachispa reypa coronawan umanman churachichunku.

Ester 8:14

Reypa kamachikuyninman hinam chay decretota apaqkuna utqayllamanña lloqsirqaku ancha kallpaq caballokunapi. Chay decretoqa Susa llaqtapipas willakusqam karqa.

Proverbios 11:10

Allin ruwaq runakuna apuyaptinqa llaqtam kusikun, mana allin runakuna wañuruptinñataqmi kusikuymanta pawaykachanku.

Proverbios 28:12

Allin kawsakuq runakuna venceptinkuqa hatun fiestatam ruwanku, mana allin runakuna venceptinkum ichaqa runakunapas pakakunku.

Proverbios 29:2

Allin ruwaq runakuna munaychakuptinqa llaqtam kusikun, millay runa munaychakuptinmi ichaqa llaqta ñakarin.

Mateo 11:8

¿Pi qawaqtaq rirqankichik? ¿Allin pachawan pachasqa runata qawaqchu? Yachankichikmi, allin pachawan churakuqqa reykunapa wasinpim kachkanku.

Mateo 6:29

Ichaqa nikichikmi, rey Salomonpas manam tukuy imayuq kachkaspapas huknin wayta hinallapas pachakurqachu.

Lucas 16:19

Huk apu runam karqa, paymi ancha preciopa chanin fino pachakunawan churakuq, paymi sapa punchaw munayllapaqña convidokunata ruwachiq.