Ester 8:14 - CHUYA QELLQA La Biblia en Quechua de Ayacucho 2012

¹⁴ Reypa kamachikuyninman hinam chay decretota apaqkuna utqayllamanña lloqsirqaku ancha kallpaq caballokunapi. Chay decretoqa Susa llaqtapipas willakusqam karqa.

Quechua Ayacucho Bible 1987

¹⁴ Reypa kamachikuyninman hinam carta apaqkuna lloqsirqaku utqayllamanña ancha kallpaq caballokunapi, chaynapimá chay decretotaqa willakurqaku reypa *f**yachasqan Susa llaqtapi.

Chuya Qellqa 1992

¹⁴ Reypa kamachikuyninman hinam chay decretota apaqkuna utqayllamanña lloqsirqaku ancha kallpaq caballokunapi. Chay decretoqa Susa llaqtapipas willakusqam karqa.

Ester 8:14 Iomraidhean Croise

1~Reyes 4:28

Tupasqanman hinam caballokunapaqwan carga animalkunapaqpas cebadatawan pajata apachimuqku.

2~Crónicas 30:6

Willakuqkunam reypa hinaspa kamachikuqkunapa cartan aparisqa Israel nacionmanwan Judá nacionman lloqsirqaku, reypa kamachisqanman hina kaynata nimunankupaq: Israelpa mirayninkuna, Abrahampa, Isaacpa hinaspa Israelpa yupaychasqan Tayta Diosman kutirikuychik, hinaptinqa Asiria nacionpa reyninmanta puchuqkunamanmi paypas kutirimusunkichik.

Nehemías 1:1

Kaykunam Hacaliaspa churin Nehemiaspa rimarisqankuna. Rey Artajerjes iskay chunka wataña munaychakuchkaptinmi, Quisleu killapi ñoqa Nehemías Susa llaqtapi, reypa palacionpi kachkarqani.

Ester 1:2

Chay munaychakusqan nacionpa capitalninmi karqa Susa llaqta.

Ester 2:3

Chaynaqa, reynilláy, kikikiyá runakunata akllay chaynapi munaychakusqayki provinciakunamanta buenamoza sipaskunata Susa llaqtaman pusamunankupaq. Chay sipaskunaqa kanqaku warmikuna waqaychaq serviqniki Hegaipa cuidasqanmi, payñam adornasqa kanankupaq imakunatapas qonqa.

Ester 3:13

Hinaspam reypa munaychakusqan provinciakunaman carta apaqkunawan apachirqaku. Chay decretopim rey kamachikurqa llapa judiokunata, joventapas yuyaqtapas, wawatapas warmitapas lliwta huk punchawllapi, Adarwan sutichasqa killapa chunka kimsayuq punchawninpi wañuchinankupaq hinaspa llapa tukuy imankutapas hapikuykunankupaq.

Ester 3:14

Sapa provinciakunamanmi kay qellqasqa leypa copian apachisqa karqa, chay punchawpaq llapallanku listollaña kanankupaq.

Ester 3:15

Reypa kamachikusqanman hinam chay cartakuna utqayman apasqa karqa, Susa llaqtapipas willachisqa kaptinmi llapa runakuna hatun chaqwapi tarikurqaku. Amanñataqmi reywan kuska tiyaykuspa upyakurqaku.

Ester 8:13

Llapa runakuna yachanankupaqmi sapa provinciapi chay decretopa copian cheqechisqa karqa, chayman hina llapa judiokuna listolla kaspa enemigonkumanta vengakunankupaq.

Ester 8:15

Mardoqueoñataqmi reypa qayllanmanta lloqsirqa reypa yuraqniyuq azul pachanwan pachasqa, umanpipas qorimanta hatun coronayuq hinaspa linomanta morado capayuq; chaymi Susa llaqtapi yachaqkuna kusikuymanta qaparirqaku.

Eclesiastés 9:10

Ruwanayki kaqtaqa, kallpanchakuspayá chaylla ruway; sepulturapiqa manañam imatapas ruwankiñachu, manañam llamkankiñachu, manañam imatapas yachankiñachu, yachaypas chaypiqa manam kanñachu.

Daniel 8:2

Chay revelacionniypim reypa yachanan Susa llaqtapi kachkasqani, chay llaqtaqa Elam lawpim kachkan; chaypim Ulai mayupa patanpi kachkasqani.

1~Samuel 21:8

Davidmi sacerdote Ahimelecta nirqa: ¿Yaqachu ima armallapas kapusunkiman? Manam imananchu lanza otaq espada kaspapas. Qonqayta rey kamaykachimuwaptinmi espadayta nitaq huk armaykunatapas mana apamurqanichu, nispa.