Ester 8:11 - CHUYA QELLQA La Biblia en Quechua de Ayacucho 2012

¹¹ Chay decretowanmi rey kamachirqa llapa llaqtakunapi kaq judiokunata huñunakuspanku vidankuta defiendenankupaq; ima runakunaña otaq maylaw provinciakunamantaña armasqa hamuptinkupas, warmitapas wawatapas lliwta wañuchispa puchukachinankupaq hinaspa tukuy kapuqninkutapas apakunankupaq.

Quechua Ayacucho Bible 1987

¹¹ Chay cartakunawanmi llapallan llaqtakunapi kaq judio runakunata kikin rey autorizarqa huñunakuspanku kikinkutapas wawan-churinkutapas chaynataq warminkutapas defiendenankupaq chaynataq enemigonkutapas puchukanankama wañuchispa chinkachinankupaq. Wañuchinqakumá maylaw runakunamanta otaq provinciakunamanta armasqa runakuna wañuchinankupaq hamuptinpas.

Chuya Qellqa 1992

¹¹ Chay decretowanmi rey kamachirqa llapa llaqtakunapi kaq judiokunata huñunakuspanku vidankuta defiendenankupaq; ima runakunaña otaq maylaw provinciakunamantaña armasqa hamuptinkupas, warmitapas wawatapas lliwta wañuchispa puchukachinankupaq hinaspa tukuy kapuqninkutapas apakunankupaq.

Ester 8:11 Iomraidhean Croise

Ester 3:13

Hinaspam reypa munaychakusqan provinciakunaman carta apaqkunawan apachirqaku. Chay decretopim rey kamachikurqa llapa judiokunata, joventapas yuyaqtapas, wawatapas warmitapas lliwta huk punchawllapi, Adarwan sutichasqa killapa chunka kimsayuq punchawninpi wañuchinankupaq hinaspa llapa tukuy imankutapas hapikuykunankupaq.

Ester 9:18

Susa llaqtapi yachaq judiokunañataqmi huñunakuspanku adar killapa chunka kimsayuq punchawninpiwan chunka tawayuq punchawninpi vidankuta defiendekurqaku; hinaspam chunka pichqayuq punchawninpiña samaruspanku convidota ruwaspanku anchata kusikurqaku.

Isaías 10:6

Paytaqa kamachini, mana kasuwaspa qepanchawaqniy llaqtapa contranpim, piñachiwaqniy runakunamanta qori-qollqenkuta suwaspa qechumunanpaqmi, callepi mituta hina sarumunanpaqmi.

Ezequiel 39:10

Manañam montekunamanqa yanta pallaqpas lloqsinqakuñachu, nitaqmi sachatapas kuchunqakuñachu; aswanqa chay armakunam yantapi servikunqa. Ñawpaqta suwaqninkutam paykunaña suwanqaku, imankupas qechuqninkutam paykunaña qechunqaku. Ñoqa Tayta Diosmi chaynata nini.