Ester 6:4 - CHUYA QELLQA La Biblia en Quechua de Ayacucho 2012

⁴ Chay ratom Amanqa, Mardoqueota warkuchinanpaq reyta mañakuq hamuspan reypa palacionpa hawa pationpi kachkarqa. Reyñataqmi tapukurqa: ¿Pitaq patiopi kachkan? nispa.

Quechua Ayacucho Bible 1987

⁴ Patiopi huk kaqnin puriqta uyarispanmi rey tapurqa: —¿Pitaq purichkan patiopiqa? —nispa. Chay ratoqa Amanmi reypa palacionpa hawa lawnin patioman chayaramuspan chaypi kachkarqa, payqa chaypiqa kachkarqa rurachisqan warkunapi Mardoqueota warkuchinanmanta reyman ninanpaqmi.

Chuya Qellqa 1992

⁴ Chay ratom Amanqa, Mardoqueota warkuchinanpaq reyta mañakuq hamuspan reypa palacionpa hawa pationpi kachkarqa. Reyñataqmi tapukurqa: ¿Pitaq patiopi kachkan? nispa.

Ester 6:4 Iomraidhean Croise

Ester 4:11

Reypa serviqninkunawan munaychakusqan provinciakunapi runakunaqa yachankum reypa leyninqa: “Qaripas otaq warmipas mana qayasqa kachkaspan reypa uku law pationman yaykuqqa wañuchisqam kanqa, yaykuspaqa yaykunman pimanpas qori varanta rey haywariptillanmi” nisqanta. Ñoqaqa kimsa chunka punchawñam reypa qayllanman yaykunaypaq mana qayasqachu kani, nispa.

Ester 5:1

Kimsa punchaw pasaruptinmi reina pachawan Ester pachakurqa, hinaspam reypa palacionpa uku patioman yaykuspa chayarurqa reypa tiyananpa chimpa corredorninman. Reyñataqmi trononpi tiyachkarqa.

Ester 5:14

Chaymi warmin Zereswan llapa amistadninkuna kaynata nirqaku: Iskay chunka iskayniyuq metro kaspita sayarachiy hinaspa paqarinlla reyta niy Mardoqueo chaypi warkusqa kananpaq, chaynapim qamqa kusisqaña convidoman yaykunki, nispa. Chay nisqankum Amanpaq allinpaq rikchakarapurqa, chaymi payqa huk warkunata sayachirqa.

Ester 6:3

Chaymi rey tapurqa: ¿Imatataq Mardoqueoman chay ruwas-qanmanta qorqaku otaq ruwarqaku? nispa. Hinaptinmi reypa serviqninkuna nir-qaku: Manam imallatapas paypaqqa ruwarqakuchu, nispanku.

Ester 6:5

Chaymi reypa serviqninkuna nirqaku: Amanmi, nispanku. Hinaptinmi rey nirqa: Yaykumuchun, nispa.

Ester 7:9

Chaymi reyta Harbona sutiyuq eunucon nirqa: Amanpa wasinpim iskay chunka iskay-niyuq metro sayayniyuq warkuna kachkan, chaytam Amán ruwachirqa reypa favorninpi rimariq Mardoqueota warkuchinanpaq, nispa. Reyñataqmi nirqa: Chaynaqa, Amanta chaypi warkura-muychik, nispa.

Jobwan Sutichasqa Libro 5:13

yachaysapa tukuqkunatam kikinkupa sakri kayllankupi wichirachin, mana allinkuna ruway munasqankutam yanqachan.

Eclesiastés 9:10

Ruwanayki kaqtaqa, kallpanchakuspayá chaylla ruway; sepulturapiqa manañam imatapas ruwankiñachu, manañam llamkankiñachu, manañam imatapas yachankiñachu, yachaypas chaypiqa manam kanñachu.