Ester 6:13 - CHUYA QELLQA La Biblia en Quechua de Ayacucho 2012

¹³ Chaya-ruspanmi Amanqa tukuy ima pasamusqanta warmin Zeresman chaynataq amistadninkunamanpas willakurqa; chaymi consejaqninkuna warmin Zerespiwan kaynata nirqaku: Sichum chay judío Mardoqueopa ñawpaqninpi wichiyta qallaykuspaqa manañam atipayta atiwaqchu, nispanku.

Quechua Ayacucho Bible 1987

¹³ Amanmi tukuy ima pasarusqanmanta willakurqa Zeres sutiyoq warminman, willakurqataqmi llapallan amistadninkunamanpas chaymi yachaysapa runakuna warmin Zerespiwan kaynata nirqaku: —Chay Mardoqueo judio kaptinqa paypa ñawpaqninpim wichiytaña qallaykunki, paytaqa manam venceyta atiwaqchu, aswanqa cheqaptapunim wichiypaqña-wichiykunki —nispa.

Chuya Qellqa 1992

¹³ Chayaruspanmi Amanqa tukuy ima pasamusqanta warmin Zeresman chaynataq amistadninkunamanpas willakurqa; chaymi consejaqninkuna warmin Zerespiwan kaynata nirqaku: Sichum chay judío Mardoqueopa ñawpaqninpi wichiyta qallaykuspaqa manañam atipayta atiwaqchu, nispanku.

Ester 6:13 Iomraidhean Croise

Génesis 24:66

Chay sirvientem tukuy ima ruwamusqanta Isaacman willarqa.

Génesis 40:19

Kimsa punchawmantam Faraón pusachisunki, hinaspam kunkaykimanta sachaman warkuchisunki, chaymi alton pawaq animalkuna aychaykita mikunqa, nispa.

Génesis 41:8

Chaymi Faraonqa paqarinnintin punchawta llumpay hukmanyasqallaña kaspa, Egipto nacionpi layqakunata chaynataq yachayniyuqkunata qayachirqa. Hinaspam mosqoyninta willakurqa, ichaqa manam mayqanninkupas mosqoyninpa imam ninantaqa willayta atirqakuchu.

Jobwan Sutichasqa Libro 15:24

Sasachakuywan llakikuymi paytaqa mancharichin, paymanqa chaykunam guerraman lloqsiq rey hinaraq pawaykunku.

Jobwan Sutichasqa Libro 16:2

Achka kutitam chay rimasqaykichikta hinaqa uyarirqani, llakipayaykuwanaykichik kachkaptinpas aswanraqmi piñachiwanchik.

Proverbios 28:18

Allin kawsakuq runaqa salvasqam kanqa, mana allin kawsaypi puriqmi ichaqa sasachakuyman wichinqa.

Daniel 2:12

Chayta uyariykuspanmi reyqa llumpayta piñakururqa, hinaspam kamachirqa Babilonia nacionpi llapallan yachayniyuq runakunata wañuchi-nankupaq.

Oseas 14:9

Yachayniyuq runaqa kay willakuyniyta entiendechun, allin tanteakuq runaqa kay nisqaykunata yachachun. Diospa ñanninkunaqa mana pantayniyuqmi, allin ruwaq runaqa chaynintam purinqa, mana kasukuq runakunam ichaqa chaypi urmarunqa.

Zacarías 2:12

Tayta Diosmi Judá nacionpi, ancha kuyasqan allpapi huktawan munaychakunqa, Jerusalentapas huktawanmi llaqtanpaq akllaykunqa.

Números 24:9

Israelqa león hinaraqmi kurkuykunpas, china león hinaraqmi waqtapanpas, ¿pitaq rikchachiyta atinman? ¡Bendecisuqnikikuna bendecisqa kachun! ¡Ñakasuqnikikuna ñakasqa kachun! nispa.

Deuteronomio 32:10

Paykunatam chunniq allpapi tarirqa, wayrapa pukunan chaki allpapi. Marqayninpi apamuspanmi paykunata yachachirqa, ñawi rurunta hinam waqaycharqa.