Ester 6:12 - CHUYA QELLQA La Biblia en Quechua de Ayacucho 2012

¹² Chaymantam Mardoqueoqa kuti-rirqa reypa palacionpa punkunman, Amanñataqmi ancha llakisqallaña penqa-kuymanta umantapas tapakuykuspan wasinman kallpaylla kutikurqa.

Quechua Ayacucho Bible 1987

¹² Chaymantam Mardoqueoqa kutirirqa reypa palacionpa punkunman, Amanñataqmi ancha llakisqallaña umantapas tapakuykuspan wasinman kutikurqa kallpaylla.

Chuya Qellqa 1992

¹² Chaymantam Mardoqueoqa kutirirqa reypa palacionpa punkunman, Amanñataqmi ancha llakisqallaña penqakuymanta umantapas tapakuykuspan wasinman kallpaylla kutikurqa.

Ester 6:12 Iomraidhean Croise

2~Samuel 15:30

Davidmi waqastin Olivos wichayta qespirqa, qala chakilla chaynataq uman wankisqa. Paywan riq runakunapas umanku wankisqam waqastin rirqaku.

2~Samuel 17:23

Ahitofelñataqmi consejasqanta Absalón mana kasukuptin, asnonta caronaykuspa llaqtanpi wasinman ripukurqa. Hinaspam llapa imanta allicharuspa, teqokuruspan wañururqa, chaymi abuelonpa sepulturanpi pamparurqaku.

1~Reyes 20:43

Hinaptinmi Israel nacionpa reyninqa llakisqa hinaspa piñasqallaña Samaria llaqtapi palacionman kutikurqa.

1~Reyes 21:4

Hinaptinmi rey Acabqa llakisqa hinas-pa piñasqa palacionman kutikurqa, Jezreel llaqtayuq Nabotpa “ñawpaq taytaykunapa qowasqan herencia allpataqa manam qoykimanchu” nisqanwan. Palacionman chayaruspanmi camanman wischukuykurqa, hinaspam perqa lawman muyuriruspan mikuytapas mana munarqachu.

1~Reyes 21:6

Acabñataqmi nirqa: Jezreel llaqtayuq Nabottam nirqani: “Uvas huertaykita rantikuruway, mana rantipi munaptikiqa chaypa rantinpim huk uvas huertata qosqayki” nispay, ichaqa manam qowayta munarqachu.

2~Crónicas 26:20

Sumo sacerdote Azariaswan llapa sacerdotekuna qawaykuptinkum reypa urkunpi lepra kachkasqa, chaymi templo ukumanta utqayllamanña lloqsichimurqaku, paypas leprawan Tayta Dios castigasqanta qawakuykuspanmi utqayllamanña lloqsimurqa.

Ester 2:19

Manaraq qari reqsiq sipaskuna huktawan huñusqa kaptinkum, reypa palacionpa punkunpi Mardoqueo tiyachkarqa.

Ester 6:11

Hinaptinmi Amán chay pachakunata hapiykuspan chaynataq caballotapas alistaykuspan Mardoqueota pacharachispan caballopi silladata llaqtapa plazanta muyuchimurqa, hinaspam ñawpaqninta kaynata qaparistin rirqa: ¡Kaynatam reyqa ruwan hatunchay munasqan runataqa! nispa.

Ester 7:8

Huertamanta convido wasiman rey kutiramuspanmi Amanta tarirurqa reina Esterpa waqtanpi pakcharayachkaqta, chaymi qaparispan nirqa: ¿Palacioypipunichu reina Estertapas abusayta munanki? nispa. Chaynata rey niruptinmi Amanpa uyanta taparurqaku.

Jobwan Sutichasqa Libro 20:5

Mana allin runapa asikuyninqa tukuruqllam, Diosta mana kasukuq runapa kusikuyninqa chinkaruqllam.

Jobwan Sutichasqa Libro 9:24

Mana allin runakunapa makinmanmi kay pachatapas churaykun, paymi juezkunapa ñawintapas wichqarun. Sichum Dios mana chaykunata ruwaptinqa ¿pitaq chayta ruwan?

1~Samuel 3:15

Chaymantam Samuelqa achikyanankama puñururqa, hinaspam Tayta Diospa wasinpa punkunta kicharqa. Samuelmi manchakurqa imam uyarisqankunata sacerdote Eliyman willaykuyta.