Ester 5:1 - CHUYA QELLQA La Biblia en Quechua de Ayacucho 2012

¹ Kimsa punchaw pasaruptinmi reina pachawan Ester pachakurqa, hinaspam reypa palacionpa uku patioman yaykuspa chayarurqa reypa tiyananpa chimpa corredorninman. Reyñataqmi trononpi tiyachkarqa.

Quechua Ayacucho Bible 1987

¹ Kimsa punchaw pasaruptinmi Ester pachakurqa reina pachawan hinaspam reypa kanan patioman yaykurqa, chay patioqa karqa reypa salanpa chimpanpim, reyqa tiyachkasqa hina maymi tiyananpim, chay tiyananqa karqa palacioman yaykunapa chimpanpim.

Chuya Qellqa 1992

¹ Kimsa punchaw pasaruptinmi reina pachawan Ester pachakurqa, hinaspam reypa palacionpa uku patioman yaykuspa chayarurqa reypa tiyananpa chimpa corredorninman. Reyñataqmi trononpi tiyachkarqa.

Ester 5:1 Iomraidhean Croise

Ester 1:11

reina Vastita coronasqata reypa ñawpaqninman pusamunankupaq, chaynapi kamachikuqkunawan llapa runakuna buenamoza kasqanta qawanankupaq. Vastiqa ancha buenamoza warmim karqa.

Ester 2:5

Susa llaqtapim Benjamín ayllumanta kaq Judío yacharqa, sutinmi karqa Mardoqueo, payqa Jairpa churinmi karqa, Jairñataqmi Simeipa, Simeiñataqmi Cispa.

Ester 4:11

Reypa serviqninkunawan munaychakusqan provinciakunapi runakunaqa yachankum reypa leyninqa: “Qaripas otaq warmipas mana qayasqa kachkaspan reypa uku law pationman yaykuqqa wañuchisqam kanqa, yaykuspaqa yaykunman pimanpas qori varanta rey haywariptillanmi” nisqanta. Ñoqaqa kimsa chunka punchawñam reypa qayllanman yaykunaypaq mana qayasqachu kani, nispa.

Ester 4:16

Susa llaqtapi judío runakunatayá ñoqapaq ayunanankupaq huñuramuy, kimsa punchaw kimsa tutam ama mikunkichikchu nitaq tomankichikchu. Ñoqapas serviqniy sipaskunapiwanmi ayunasaq, chaymantañam reypa qayllanman yaykusaq, leyman hina mana yaykuna kachkaptinpas, wañunay otaq kawsanay kaptinpas, nispa.

Ester 4:17

Chaymi Mardoqueo rispan Esterpa kamachisqanman hina ruwarqa.

Ester 6:4

Chay ratom Amanqa, Mardoqueota warkuchinanpaq reyta mañakuq hamuspan reypa palacionpa hawa pationpi kachkarqa. Reyñataqmi tapukurqa: ¿Pitaq patiopi kachkan? nispa.

Ester 8:15

Mardoqueoñataqmi reypa qayllanmanta lloqsirqa reypa yuraqniyuq azul pachanwan pachasqa, umanpipas qorimanta hatun coronayuq hinaspa linomanta morado capayuq; chaymi Susa llaqtapi yachaqkuna kusikuymanta qaparirqaku.

Mateo 10:16

Atoqkunapa kasqanman ovejakunata kachachkaq hinam kachachkaykichik, qamkunaqa maqta uru hina sakriyá kaychik, ichaqa paloma hina manso.

Mateo 11:8

¿Pi qawaqtaq rirqankichik? ¿Allin pachawan pachasqa runata qawaqchu? Yachankichikmi, allin pachawan churakuqqa reykunapa wasinpim kachkanku.

Mateo 27:64

Chaynaqa, kamachiyá kimsa punchawkama sepultura seguranankupaq, yanqañataq discipulonkuna cuerponta tuta suwaruspanku runakunaman ninmanku: “Wañus-qanmantam kawsarirun” nispanku, hinaptinmi chay nisqankuqa ñawpaq llullakusqanmantapas aswan mana allinraq karunman, nispanku.

Lucas 22:30

chaynapi qamkunapas munaychakuyniypi ñoqawan kuska mikunaykichikpaq hinaspa tomanaykichikpaq; qamkunam tronokunapi tiyaykuspa Israelpi chunka iskayniyuq ayllukunata juzgankichik, nispa.

Apocalipsis 3:21

Pipas venceqtaqa ñoqawan kuskatam tronoypi tiyachisaq, imaynam ñoqapas vencesqayrayku Taytaywan kuska trononpi tiyaykusqayta hina.