Ester 4:3 - CHUYA QELLQA La Biblia en Quechua de Ayacucho 2012

³ Reypa kamachisqan decreto sapa provinciakunaman chayaruptinmi, llapa judiokuna hatun llakikuypi, ayunopi, waqakuypi karqaku, achkaqmi qachqa pachawan churakuykuspa uchpapi puñurqaku.

Quechua Ayacucho Bible 1987

³ Reypa kamachisqan decreto sapa provinciakunaman chayasqanpim judio runakunaqa karqaku huk hatun llakikuypi, chayraykum paykunaqa ayunowan qaparkachastin luto pachawan churakurqaku, puñurqakupas uchpakunapiñam.

Chuya Qellqa 1992

³ Reypa kamachisqan decreto sapa provinciakunaman chayaruptinmi, llapa judiokuna hatun llakikuypi, ayunopi, waqakuypi karqaku, achkaqmi qachqa pachawan churakuykuspa uchpapi puñurqaku.

Ester 4:3 Iomraidhean Croise

Ester 1:1

Rey Asuerom India nacionmanta Etiopía nacionkama pachak iskay chunka qanchisniyuq provinciakunapi munaychakurqa.

Ester 3:12

Hinaptinmi chay watapi punta kaq killapa chunka kimsayuq punchawninpi, reypa secretarionkuna Amanpa kamachikusqanman hina regionkunapi hinaspa provinciakunapi gobernadorkunaman, chaynallataq nacionkunapi kamachikuqkunamanpas, qellqasqankuman chaynataq rimayninkuman hina qellqarqaku. Rey Asueropa sutinpi qellqaspankum anillonwan sellarqaku.

Ester 4:16

Susa llaqtapi judío runakunatayá ñoqapaq ayunanankupaq huñuramuy, kimsa punchaw kimsa tutam ama mikunkichikchu nitaq tomankichikchu. Ñoqapas serviqniy sipaskunapiwanmi ayunasaq, chaymantañam reypa qayllanman yaykusaq, leyman hina mana yaykuna kachkaptinpas, wañunay otaq kawsanay kaptinpas, nispa.

Ester 4:2

Hinaspanmi reypa palacion punkukama chayarurqa, ichaqa manam ukuman yaykurqachu chayna pachayuqqa mana yaykuna kasqanrayku.

Ester 4:4

Tukuy chaykuna pasakusqantam reina Esterman willaykurqaku serviqnin sipaskuna chaynataq serviqnin eunucokunapas, chaymi reina Esterqa sinchillataña llakikuspan Mardoqueoman pachata apachirqa, chaynapi qachqa pachankunata hurqokuspan chay apachisqan pachawan mudakunanpaq, Mardoqueom ichaqa mana munarqachu.

Ester 9:31

Chay qellqawanmi reqsi-chirqa Mardoqueopa chaynataq reina Esterpa kamachisqanman hina ima punchawkunapim Purim fiestata ruwa-nankutapas. Yachachirqataqmi imay-nam ayunanankutapas chaynataq sasachakuyninkupi imaynam waqanan-kutapas.

Jobwan Sutichasqa Libro 2:8

Chaymi Jobqa uchpapa hawanpi tiyaykuspan pakisqa kallanawan siksikurqa.

Isaías 22:12

Chayraykum Tukuy Atiyniyuq Tayta Dios chay punchawpi qayasurqankichik, umaykichikta rutukuruspa luto pachawan pachakuspa waqanaykichikpaq.

Isaías 22:4

Chaymi nirqani: Ñoqamanta anchuychik, llaqtayraykum sinchita waqachkani, ama consuelawaychikchu.

Isaías 58:5

Qamkunaqa tanteankichik ayunoqa ñakarispa totora hina kumurayana kasqantam, qachqa pachawan pachakuruspa chay punchaw uchpapi wischurayana kasqantam. ¿Chaykuna ruwaytachu qamkuna ayunom ninkichik? ¿Chaykunata ruwaspachu Tayta Diospa agradoypaq ayuno punchawmi ninkichik?

Ezequiel 27:30

Qanmantam llakikuyllawanña hinaspa qaparillawanña waqanqaku. Umankumanpas allpata machqekuspam uchpapi qochpanqaku.

Daniel 9:3

Hinaptinmi ayunakuspay Señor Diosta mañakurqani, paytaqa mañakurqani hawaypi uchpallaña luto pachayuqmi.

Jonás 3:6

Nínive llaqtapa reyninpas chay willakuyta uyariruspanmi, trononmanta sayarispan, pachankunata hurqokuruspa qachqa pachawan pachakuruspan uchpapa hawanpi tiyaykurqa.

Mateo 13:42

hinaspam rawrachkaq hornoman wischuykunqaku. Chaypim qaparkachaspanku kirunkutapas kirichichinqaku.

Mateo 22:13

Hinaptinmi reyqa mesaman serviqkunata nirqa: Chakinkunatawan makin-kunata wataspa tutayaypa kasqanman wischumuychik. Chaypim waqaywan kiru kirichichiyllaña kanqa.

Mateo 25:30

Chay mana imapas ruway yachaq sirvienteta hawaman, tutayaypa kasqanman wischumuychik; chaypim waqakuywan kiru kirichichiyllaña kanqa”, nispan.

Josué 7:6

Hinaptinmi Josueywan Israelpa ancianonkuna, pachankuta llikipakuspanku, umankumanpas allpata machqekuspanku Tayta Diospa Arcanpa ñawpaqninpi tardeykuykama qonqoranpa kumuykurqaku.

1~Samuel 11:4

Chay noticia willakuqkunam Saulpa yachasqan Gabaa llaqtaman chayarurqaku, chaypi llapa runakunaman willaykuptinkum qapariyllawanña waqarqaku.