Ester 4:14 - CHUYA QELLQA La Biblia en Quechua de Ayacucho 2012

¹⁴ Sichum kunan rimarinayki kachkaptin upallakuptikiqa judío runakunapa libraqninqa huklawmantam hamunqa, chaywanpas qamqa taytaykipa ayllunkunapiwanmi puchukanki. Ichapas kayna sasachakuypi yanapawanaykikupaq reina kayman chayarqanki, nispa.

Quechua Ayacucho Bible 1987

¹⁴ Sichum kunan rimarinayki kachkaptin upallakuykuptikiqa judio runakunapa libraqninqa huklawmantachiki hamunqa, chaywanpas qamqa taytaykipa ayllunkunapiwanmi puchukanki. Ichapas kunan hina horapaq reina kayman qamqa chayarqanki —nispa.

Chuya Qellqa 1992

¹⁴ Sichum kunan rimarinayki kachkaptin upallakuptikiqa judío runakunapa libraqninqa huklawmantam hamunqa, chaywanpas qamqa taytaykipa ayllunkunapiwanmi puchukanki. Ichapas kayna sasachakuypi yanapawanaykikupaq reina kayman chayarqanki, nispa.

Ester 4:14 Iomraidhean Croise

Génesis 22:14

Abrahammi chay orqota suticharqa “Tayta Diosmi churamunqa” niq sutiwan. Chayraykum kunankama ninku: “Orqonpiqa Tayta Diosmi churamunqa” nispa.

2~Reyes 13:5

Chaymi Israel nacionman libraqninta Tayta Dios qoykuptin Siria nacionmanta librakuruspanku ñawpaqta hina wasinkupiña hawka yachakurqaku.

2~Reyes 19:3

Paymanmi rey Ezequiaspa nisqanta kaynata nirqaku: Kunan punchawqa ancha llakisqa, qaqchasqa, insultasqam kachkanchik. Wachakunanpaq kachkaspan manaña kallpayuq warmi hinañam kachkanchik.

Esdras 9:9

Esclavo kachkaptiykupas manam esclavo kayniykupichu saqeruwarqankiku, aswanqa kuyapayawaspaykikum Persia nacionpa reyninkunawan llakipayarichiwarqankiku. Kawsaytam qoykuwarqankiku tuñichisqa temploykita musoqmanta hatarichinaykupaq, Judá nacionpi Jerusalén llaqtapi waqaychawanaykikupaq.

Nehemías 6:11

Chaymi nirqani: Ñoqa hina qarikunaqa manam ayqenchu, manataqmi salvakunanpaqpas Diospa wasinpiqa pakakunchu. Ñoqaqa manam yaykusaqchu, nispay.

Ester 2:15

Mardoqueopa tion Abihailpa churin Esterman, reypa qayllanman yayku-nanpaq turno tuparamuptinmi, Esterqa mana imatapas mañakurqachu, aswanqa reypa serviqnin warmikuna waqaychaq Hegaipa nisqallantam aparqa. Esterqa llapallan yanapaqninkunawanmi llumpayta kuyachikurqa.

Ester 2:17

Hinaptinmi rey Asueroqa llapallan warmikunamantapas aswanta Esterta kuyarurqa. Estermi llapallan sipaskunamantapas llumpayta rey Asueropa sonqonta suwarurqa, chaymi rey Asueroqa Esterpa umanman coronata churaykurqa, Vastipa rantinpi payña reina kananpaq.

Ester 2:7

Mardoqueom uywakurqa tionpa churin Esterta, hebreo rimaypim sutin karqa Hadasa. Payqa karqa allin rikchayniyuq buenamoza sipasmi, paypa tayta-maman wañukuptinmi Mardoqueo churichakuspa uywakurqa.

Ester 4:13

payñataq Esterman kaynata nichimurqa: ¿Judío kachkaspapas reypa palacionpi kasqaykiraykuchu wañuymanta lluptiyta piensachkanki?

Ester 4:15

Hinaptinmi Esterñataq kaynata willachimurqa:

Jobwan Sutichasqa Libro 9:18

Samayniy millpuykunaytapas mana saqeykuwaspam ñakariywan llakikuywan huntaykuwan.

Eclesiastés 3:7

Kanmi tiempo llikinapaq kantaqmi siranapaqpas, kanmi tiempo upallanapaq kantaqmi rimanapaqpas.

Isaías 49:23

Reykunam yachachisuqniki kanqa, reinakunam mamayki ranti uywasuqniki kanqa, ñawpaqnikipim kumukuykuspa qonqoranqaku, chakikipi allpatam llaqwanqaku. Chaynapim Tayta Dios kasqayta reqsiwanki, ñoqapi hapipakuspa suyaqkunaqa manam penqaypichu kanqaku, nispa.

Isaías 54:17

Contraykipi armakuna ruwasqankupas manam imanasunkichu, juzgadopi acusasuqnikikunatapas upallachinkim. Tukuy chaykunam serviqniykunapa herencian kanqa, ñoqawanmi tukuy imapi vencenqaku. Tayta Diosmi chaynata nin.

Jeremías 30:11

Ñoqa Tayta Diosmi nini: Qanwanmi kachkani salvanaypaq, preso kasqayki nacionkunatapas llapallantam purmarachisaq, qamtam ichaqa mana purmachisqaykichu, chaywanpas huchaykimantaqa castigasqaykipunim.

Jeremías 46:28

Ñoqa Tayta Diosmi kaynata nini: Serviqniy Jacob, ñoqam qanwan kachkani, ama manchakuychu. Cheqerachiptiy chayasqayki nacionkunatam pasaypaqta chinkarachisaq, qamtam ichaqa mana chinkachisqaykichu, huchaykiman hinam castigasqayki, castiganaymantaqa manam lluptinkichu, nispa.

Levítico 26:42

Chaymantañam Jacobwan, Isaacwan, Abrahamwan pacto ruwasqayta yuyarisaq, allpanmantapas yuyarisaqtaqmi.

Mateo 16:18

Chaymi ñoqapas niki, qamqa Pedrom kanki, kay rumipa hawanpim iglesiayta hatarichisaq, paytaqa wañuypa atiyninpas manam vencenqachu.

Mateo 24:22

Sichum chay ñakariy punchawkuna mana asllayachisqa kaptinqa manachá pipas wañuymanta librakunmanchu. Ichaqa akllasqakunaraykum chay punchawkunaqa asllayachisqa kanqa.

Deuteronomio 32:36

Tayta Diosmi llaqtanta mana kallpayuqta rikuspan nanachikunqa, manaña pipas kallpayuq qepasqanta rikuspanmi serviqninkunata llakipayarinqa.

Jueces 15:6

Hinaptinmi filisteokunañataq nirqaku: ¿Pitaq kayta ruwarun? nispanku. Chaymi nirqaku: Timnat llaqtayuq runapa masan Sanson-mi, warminta qechuruspan hukwanña casararachisqanrayku, nispanku. Chaymi filisteokuna hamuruspanku Sansonpa suegronta churintinta kañaykurqaku.

1~Samuel 12:22

Tayta Diosmi ichaqa, sutin hatunchasqa kasqarayku mana saqesunkichikchu. Payqa runankunaña kanaykichiktam munan.

1~Samuel 17:29

Davidñataqmi nirqa: ¿Imatañataq ruwaruni? ¿Manachu rimayllapas-rimariyman? nispa.