Ester 3:2 - CHUYA QELLQA La Biblia en Quechua de Ayacucho 2012

² Chaymi reypa serviqninkunawan palacio punkupi kaqkuna, Amanpa ñawpaqninpi kumuykuqku; chaynataqa ruwarqaku rey kamachikusqanraykum. Mardoqueom ichaqa mana qonqorakuqchu nitaq kumuykuqchu.

Quechua Ayacucho Bible 1987

² Chaymi reypa zaguan punkunpi kaq llapallan serviqninkuna Amanpa qayllanpi qonqoranpa pampaman kumuykurqaku, chaynataqa rurarqaku reypuni kamachikusqanraykum, Mardoqueom ichaqa mana qonqorakurqachu nitaq kumuykurqachu.

Chuya Qellqa 1992

² Chaymi reypa serviqninkunawan palacio punkupi kaqkuna, Amanpa ñawpaqninpi kumuykuqku; chaynataqa ruwarqaku rey kamachikusqanraykum. Mardoqueom ichaqa mana qonqorakuqchu nitaq kumuykuqchu.

Ester 3:2 Iomraidhean Croise

Génesis 41:43

Hinaspam Joseytaqa allinnin carretapi muyuchimurqa, puntan riqkunañataqmi qaparirqaku: “¡Pay pasananpaq ñanmanta asuriychik!” nispanku. Chaynatam Joseqa Egipto nacionpi kamachikuqpaq churasqa karqa.

Ester 2:19

Manaraq qari reqsiq sipaskuna huktawan huñusqa kaptinkum, reypa palacionpa punkunpi Mardoqueo tiyachkarqa.

Ester 2:21

Chay punchawkunapim, reypa palacionpa punkunpi Mardoqueo tiyachkaptinmi, punkuta waqaychaq iskay eunucokuna Bigtanwan Teres piñasqallaña kachkarqaku hinaspam rey Asuerota wañuchinankupaq tanteanakurqaku.

Ester 2:5

Susa llaqtapim Benjamín ayllumanta kaq Judío yacharqa, sutinmi karqa Mardoqueo, payqa Jairpa churinmi karqa, Jairñataqmi Simeipa, Simeiñataqmi Cispa.

Ester 3:1

Chaykuna pasaruptinmi rey Asuero, Agagpa miraynin Hamedatapa churin Amanta hatunchaspan llapallan kamachikuqkunapa kamachiqnin kananpaq churarurqa.

Ester 3:3

Hinaptinmi reypa palacion punkunpi kaq serviqninkuna Mardoqueota nirqaku: ¿Imanasqataq reypa kamachikuyninta mana kasukunkichu? nispanku.

Ester 3:5

Chaymi Amán sinchita piñakururqa, paypa ñawpaqninpi Mardoqueo mana qonqorakusqanta nitaq kumuykusqanta qawaykuspan.

Ester 5:9

Chay punchawmi Amán ancha kusisqallaña lloqsirqa; ichaqa Mardoqueota reypa palacionpa punkunpi mana sayarisqanta nitaq kuyurisqanta rikuruspanmi sinchita piñakururqa.

Éxodo 17:14

Chaymi Moisesta Tayta Dios nirqa: Ama qonqarunaykichikpaq huk libropi kayta qellqay hinaspa Josueyta niy: “Amalec castakunatam kay pachamanta chinkachisaqpuni”, nispa.

Éxodo 17:16

Chaymi nirqa: Tayta Diospa banderanta hapiy, Tayta Diospa contranpi Amalec hatarisqanraykum amalecwan Tayta Dios wiñaypaq guerrapi kanqa, nispa.

Daniel 2:49

Chaymantam reyta Daniel mañakurqa Sadracpaq, Mesacpaq hinaspa Abed-negopaq, hinaptinmi paykunata Babilonia lawpi kamachikuqkuna kanankupaq rey churarqa; Danielñataqmi reypa palacionpi qeparqa.

Deuteronomio 25:19

Chaynaqa, qosunaykichik allpapi llapa enemigoykichikta Señornikichik Tayta Dios vencerachisuptikichikmi llapa amalecitakunata kay pachamanta pasaypaqta chinkachinkichik. Yanqataq qonqaruwaqchik.

Filipenses 2:10

chaynapi Jesuspa sutinpi hanaq pachapi kaqkunapas, kay pachapi kaqkunapas chaynataq uku pachapi kaqkunapas qonqorakunankupaq.

1~Samuel 15:3

Chaynaqa, rispayá kunan Amalec runakunata wañuchimuy, amam imantapas puchuchinkichu, aswanqa wañuchinkim qarikunata, warmikunata, warmakunata, ñuñuq wawakunatapas chaynataq vacakunata, ovejakunata, camellokunata hinaspa asnokunatapas, nispa.