Ester 3:12 - CHUYA QELLQA La Biblia en Quechua de Ayacucho 2012

¹² Hinaptinmi chay watapi punta kaq killapa chunka kimsayuq punchawninpi, reypa secretarionkuna Amanpa kamachikusqanman hina regionkunapi hinaspa provinciakunapi gobernadorkunaman, chaynallataq nacionkunapi kamachikuqkunamanpas, qellqasqankuman chaynataq rimayninkuman hina qellqarqaku. Rey Asueropa sutinpi qellqaspankum anillonwan sellarqaku.

Quechua Ayacucho Bible 1987

¹² Watapa qallariynin killapa chunka kimsayoq punchawninpim reypaq qellqaqkuna qellqarqaku Amanpa lliw kamachikusqanman hina reypa prefectonkunaman, sapa provinciapi kaq subprefectokunaman hinaspa sapa llaqtapi gobernadorkunaman, qellqarqakuqa sapa provinciapi imaynam qellqasqankuman hinam chaynataq llapa runakunapa rimayninkuman hinam. Rey Asueropa sutinpi qellqaspankum paypa anillonwan sellarqaku.

Chuya Qellqa 1992

¹² Hinaptinmi chay watapi punta kaq killapa chunka kimsayuq punchawninpi, reypa secretarionkuna Amanpa kamachikusqanman hina regionkunapi hinaspa provinciakunapi gobernadorkunaman, chaynallataq nacionkunapi kamachikuqkunamanpas, qellqasqankuman chaynataq rimayninkuman hina qellqarqaku. Rey Asueropa sutinpi qellqaspankum anillonwan sellarqaku.

Ester 3:12 Iomraidhean Croise

1~Reyes 21:8

Hinaspanmi reina Jezabelqa qosan Acabpa sutinpi cartakunata qellqaruspan sellonwan sellaruspan Nabotpa yachasqan llaqtapi ancianokunaman chaynataq ancha reqsisqa runakunaman aparachirqa.

Esdras 8:36

Eufrates mayupa intipa seqaykunan lawninpi kamachikuqkunamanwan capitankunamanpas reypa qellqamusqan kamachikuykunatam qorqaku. Paykunam Israelpa mirayninkunata Tayta Diospa templon ruwaypi yanaparqaku.

Ester 1:22

llapallan provinciakunaman cartakunata apachirqa; chay cartakunaqa karqa sapa provinciapa imaynam qellqasqankuman chaynataq rimayninkuman hinam, chaynapi llapa qarikuna warminkuwan kasuchikunankupaq.

Ester 3:11

hinaspam kaynata nirqa: Munachiwasqayki qollqekiqa qampaq kachun, chay runakunawanqa tanteasqaykiman hinayá ruway, nispa.

Ester 8:2

Chaymi reyqa Aman-manta qechusqan anillota hurqoykuspan Mardoqueoman qoykurqa. Esterpas Amanpa tukuy kapuqninkunatam Mardoqueoman nanachikunanpaq kunaykurqa.

Ester 9:27

judiokunaqa kamachinakurqaku, kikinkupas, mirayninkupas chaynataq paykunaman hukllawakuqkunapas mana qonqaykuspa, kay iskay punchaw fiestata watan-watan ruwanankupaq. Chaynata ruwanankupaqmi kamachikuyta chaskirqaku,

Daniel 3:10

qanmi kamachikurqanki trompetata, qenata, arpata, antarata hinaspa tukuy rikchaq tocanakunata uyarispa llapachallan runakuna qonqorakuykuspa qorimanta idolota hatunchanankupaq.

Daniel 6:12

Chaymi utqayman kallpaspanku decretasqanmanta reyta nimurqaku: Reynillayku, qanmi huk kamachikuyta firmaspa decretarqanki: “Kimsa chunka punchaw ama pipas huk diostaqa nitaq huk runatapas mañakunankupaq, mañakuspaqa qamllata mañakusunaykipaq, pipas mana chayta kasukuqqa leonku-napa kasqan uchkuman wischuykusqa kanankupaq. Reynillayku, ¿chaynachu icha manachu?” nispanku. Hinaptinmi rey nirqa: Arí, chaynapunim, chay decretasqayqa Mediapa chaynataq Persiapa kamachikuyninkunaman hinaqa mana yanqachay atinam, nispa.

Daniel 6:15

Ichaqa chay runakunam reypa qayllanman kutispanku yapamanta nirqaku: Reynillayku, qamqa sumaqtam yachanki Mediapa, Persiapa leyninkuman hinaqa ima kamachikuypas, decretopas, reypa firmasqanña kaspaqa manaña yanqachay atina kasqantaqa, nispanku.

Daniel 6:25

Chaymi rey Darío huk cartata llaqtakunaman, nacionkunaman, tukuy rikchaq rimayniyuqkunaman kayna niqta apachirqa: Ñoqa rey Dariom munachkani hawkalla tarikunaykichikta.

Daniel 6:8

Chaynaqa reynillayku, kikikipuni decretaykuspa firmaykuy, chaynapi Persia nacionpa hinaspa Media nacionpa leyninman hina mana yanqachasqa kananpaq”, nispanku.