Ester 2:6 - CHUYA QELLQA La Biblia en Quechua de Ayacucho 2012

⁶ Payqa Babiloniapa reynin Nabucodonosorpa, Jerusalén llaqtamanta Judapa reynin Jeconiastawan kuskata preso apachisqankunapa hukninmi karqa.

Quechua Ayacucho Bible 1987

⁶ Mardoqueoqa Jerusalen llaqtamanta preso riqkunawanmi pusasqa karqa, payqa pusasqa karqa Juda nacionpi Rey Jeconiaswan kuskam. Rey Jeconiasqa Babilonia nacionpi Rey Nabucodonosorpa pusachisqanmi karqa.

Chuya Qellqa 1992

⁶ Payqa Babiloniapa reynin Nabucodonosorpa, Jerusalén llaqtamanta Judapa reynin Jeconiastawan kuskata preso apachisqankunapa hukninmi karqa.

Ester 2:6 Iomraidhean Croise

2~Reyes 24:12

Hinaptinmi Judá nacionpa reynin Joaquinqa, mamanpiwan, serviqninkunapiwan, kamachikuqkunapiwan hinaspa palacionpi serviqkunapiwan Babilonia reypa makinman churakuykurqaku. Nabucodonosorqa presocharurqa Babilonia nacionpi pusaq wataña munaychakuchkaspanmi.

2~Reyes 24:6

Joacim wañukuptinmi, paypa rantinpi churin Joaquinña munaychakurqa.

2~Crónicas 36:20

Wañuymanta puchuqkunatañataqmi Babilonia nacionman presota aparqaku, hinaptinmi reypa chaynataq churinkunapa esclavonkunaña karqaku; chaynaqa karqaku Babilonia nacionpi Persia nación munaychakuyta qallarinankamam.

Jeremías 22:24

Judá nacionpa reynin Joacimpa churin Jeconiastam Tayta Dios kaynata nin: Alleq makiypi anillo hinaña kaptikipas chaymanta hurqoruspaymi wikaparuykiman

Jeremías 22:28

Jeconiasqa ¿manaña pipapas munanan pakisqa aysaku hinachu rikurirun? ¿Mana imapaq valeq kallana hinachu rikurirun? ¿Imanasqataq paytapas chaynataq churinkunatapas mana reqsisqanku nacionman qarqorunku?

Jeremías 24:1

Babilonia nacionpa reynin Nabucodonosor presota Judá nacionpa reynin Joacimpa churin Jeconiasta, kamachikuqkunata, artesanokunata hinaspa herrerokunata Babiloniaman aparusqanpa qepantam, Tayta Dios qawachiwarqa templopa punkunpi churasqa higos huntayuq iskay canastakunata.