Ester 2:18 - CHUYA QELLQA La Biblia en Quechua de Ayacucho 2012

¹⁸ Chaymantam Esterpa sutinpi hatun convidota ruwachispan llapa kamachiqkunatawan serviqninkunata qayachirqa. Impuestotapas provinciankunapi menosyaykachispanmi, sonqonman hina regalokunatapas aypurqa.

Quechua Ayacucho Bible 1987

¹⁸ Chaymantam Esterpa sutinpi rey hatun convidota rurarqa llapallan kamachiqkunapaqwan serviqninkunapaq. Provinciankunapi *f**yachaqkunatapas fiesta ruranankupaqmi kamachirqa, regalokunatapas qorqataqmi reypa allin sonqo kasqanman hina.

Chuya Qellqa 1992

¹⁸ Chaymantam Esterpa sutinpi hatun convidota ruwachispan llapa kamachiqkunatawan serviqninkunata qayachirqa. Impuestotapas provinciankunapi menosyaykachispanmi, sonqonman hina regalokunatapas aypurqa.

Ester 2:18 Iomraidhean Croise

Génesis 29:22

Hinaptinmi chay llaqtapi runakunata huñuruspan Labán casarakuy convidota ruwarqa.

Nehemías 8:11

Llapa levitakunapas, waqaqkunata consuelaspankum kaynata nirqaku: Ama waqaychikchu, kunanqa Diospaq sapaqchasqa punchawmi, nispanku.

Ester 1:7

Reypa munasqanman hinam vino-tapas achkanpi upyarqaku qorimanta tukuy rikchaq vasokunapi.

Ester 9:22

chay punchawkunapi judiokuna enemigonkumanta librasqa kasqankuta, llakinkupas kusikuymanña tikrakusqanta, waqayninkupas kusikuy punchawmanña tikrakusqanta yuyari-nankupaq; hinaspa convidota chay punchawkunapi ruwaspanku vecinon-kuman mikuyta apachispanku wakchakunamanpas regalokunata qonankupaq.

Cantares 3:11

Sión llaqtapi sipaskuna, lloqsimuychik, rey Salomontayá qawariychik casarakunan punchawpaq, sinchi kusikunan punchawpaq mamanpa ruwapusqan coronawan churasqata.

Cantares 5:1

Warma yanachalláy, huertaypiñam kachkani, mirraytawan miski asnaq qoraykunatam pallaruniña, abejaypa miskintam mikuruniña, vinoytawan lecheytapas tomaruniñam. Kuyasqallaykuna mikukuychik, munasqaykichiktayá tomakuychik.

Mateo 22:2

Diospa munaychakuyninqa churinta casarachiq reymanmi rikchakun.

Marcos 6:21

Herodías warmipaqmi suyasqan punchaw chayamurqa. Rey Herodesmi santon punchaw chayaramuptin hatun convidota ruwachirqa, hinaspam qayachirqa llapa kamachikuqkunata, tropakunapa capitanninkunata hinaspa Galileapi ancha reqsisqa runakunata.

Lucas 14:8

Pipas casarakuyman convidasuptikiqa amayá puntapiraqchu tiyaruy, yanqañataq qanmantapas aswan reqsisqa convidasqan runa hamuruptin,

Apocalipsis 11:10

Kay pachapi kawsaqkunañataqmi chay wañuqkunamanta kusikunqaku, hinaspam kusikuymanta regalokunatapas apachinakunqaku, chaynataqa ruwanqaku chay iskay profetakuna kay pachapi yachaqkunata manaña ñakarichisqankuraykum.

Apocalipsis 19:9

Angelñataqmi niwarqa: Kayta qellqay: “Mayna kusisqam Corderopa casarakuyninman qayasqakunaqa”, nispa. Angelqa niwarqataqmi: “Kaykunaqa Diospa cheqap rimarisqankunam”, nispapas.

1~Samuel 25:8

Munaspaqa michiqnikikunata tapuy, paykunam aswanqa willasunki. Chayraykum valekuyki kachamusqay jovenkunata allinllata chaskiykunaykipaq, allin horallapim hamuchkanku. Paykunamanyá imallaykitapas qoykapamullaway, ñoqapas qampaqqa churiki hinam kani”, nispa.