Ester 2:16 - CHUYA QELLQA La Biblia en Quechua de Ayacucho 2012

¹⁶ Rey Asuero qanchis wataña munaychakuchkaptinmi, Tebetwan sutichasqa chunka kaq killapi, Esterta rey Asueropa palacionman pusaykurqaku.

Quechua Ayacucho Bible 1987

¹⁶ Chaynaqa Estertamá pusarqaku Rey Asueropa kasqanman, chaynataqa rurarqaku Rey Asuero qanchis watamanña gobiernachkaptinmi, chay pusasqanku killapa sutinmi karqa Tebet killa.

Chuya Qellqa 1992

¹⁶ Rey Asuero qanchis wataña munaychakuchkaptinmi, Tebetwan sutichasqa chunka kaq killapi, Esterta rey Asueropa palacionman pusaykurqaku.

Ester 2:16 Iomraidhean Croise

Esdras 4:6

Rey Asuero munaychakuyta qallaykuptinmi cartata apachirqaku Judá nacionpi chaynataq Jerusalenpi yachaqkunapa contranpi yanqakunamanta cargochaspanku.

Esdras 7:8

Rey Artajerjes qanchis wataña munaychakuchkaptinmi, Ab sutiyuq pichqa kaq killapi Jerusalenman Esdras chayamurqa.

Ester 2:1

Chaykunapa qepantam, piñakuynin pasaruptin rey Asuero yuyarirurqa reina Vastipa contranpi sentenciasqanta.

Ester 2:15

Mardoqueopa tion Abihailpa churin Esterman, reypa qayllanman yayku-nanpaq turno tuparamuptinmi, Esterqa mana imatapas mañakurqachu, aswanqa reypa serviqnin warmikuna waqaychaq Hegaipa nisqallantam aparqa. Esterqa llapallan yanapaqninkunawanmi llumpayta kuyachikurqa.

Ester 2:17

Hinaptinmi rey Asueroqa llapallan warmikunamantapas aswanta Esterta kuyarurqa. Estermi llapallan sipaskunamantapas llumpayta rey Asueropa sonqonta suwarurqa, chaymi rey Asueroqa Esterpa umanman coronata churaykurqa, Vastipa rantinpi payña reina kananpaq.

Ester 2:3

Chaynaqa, reynilláy, kikikiyá runakunata akllay chaynapi munaychakusqayki provinciakunamanta buenamoza sipaskunata Susa llaqtaman pusamunankupaq. Chay sipaskunaqa kanqaku warmikuna waqaychaq serviqniki Hegaipa cuidasqanmi, payñam adornasqa kanankupaq imakunatapas qonqa.

Ester 8:9

Chaymi Siván sutiyuq kimsa kaq killapa iskay chunka kimsayuq punchawninpi reypaq qellqaqkunata qayachimurqaku, hinaptinmi Mardoqueopa tukuy kamachisqanta qellqarqaku judiokunaman, gobernadorkunaman chaynataq kamachikuqkunamanpas; Indiamanta qallaykuspa Etiopiakama pachak iskay chunka qanchisniyuq provinciakunaman, sapa provinciapa imaynam qellqankuman hina chaynataq rimayninkuman hina. Qellqarqakutaqmi judío runakunamanpas imaynam qellqasqankuman chaynataq rimayninkuman hina.