Ester 2:12 - CHUYA QELLQA La Biblia en Quechua de Ayacucho 2012

¹² Costumbreman hinam, reypa qayllanman yaykunankupaqqa, llapa sipaskuna chunka iskayniyuq killatapuni allichakuqku. Soqta killam mirra aceitewan cuerponkuta llusikuqku, soqta killañataqmi miski asnaq perfumekunawan untakuqku. Chaymantañam llapa sipaskuna, chulla-chullamanta turnonpi rey Asueropa qayllanman yaykuqku.

Quechua Ayacucho Bible 1987

¹² Warmikunapaq leyman hina chunka iskayniyoq killa pasaruptinmi sapakama sipasman tuparqa reyman yaykunanku. Allichapakunanku tiempoqa kaynam karqa: Soqta killam mirra aceitewan cuerponkuta untakuqku, soqta killañataqmi warmikunapa imaynam rurananman hina miski asnaq aceitewan untakuqku.

Chuya Qellqa 1992

¹² Costumbreman hinam, reypa qayllanman yaykunankupaqqa, llapa sipaskuna chunka iskayniyuq killatapuni allichakuqku. Soqta killam mirra aceitewan cuerponkuta llusikuqku, soqta killañataqmi miski asnaq perfumekunawan untakuqku. Chaymantañam llapa sipaskuna, chulla-chullamanta turnonpi rey Asueropa qayllanman yaykuqku.

Ester 2:12 Iomraidhean Croise

Ester 2:11

Mardoqueoñataqmi imaynam Ester kasqanta chaynataq imaynatam hatallisqankuta yachayta munaspan, warmikunapa yachasqan wasipa punkunkunapi ichikachaq.

Ester 2:13

Reypa qayllanman yaykunanpaq hukkaqnin sipasman tuparamuptinmi, chay sipasman tukuy imata qoqku, chaynapi allichapakuruspan warmikunapa wasinmanta reypa palacionman rinanpaq.

Ester 2:3

Chaynaqa, reynilláy, kikikiyá runakunata akllay chaynapi munaychakusqayki provinciakunamanta buenamoza sipaskunata Susa llaqtaman pusamunankupaq. Chay sipaskunaqa kanqaku warmikuna waqaychaq serviqniki Hegaipa cuidasqanmi, payñam adornasqa kanankupaq imakunatapas qonqa.

Ester 2:9

Estermi Hegaiwan kuyaykachikurqa, chaymi Hegai yanaparqa adornokunata chaynataq mikuyta qospan. Qoykurqataqmi reypa palacionpi kaq akllasqa qanchis sipaskunatapas servinankupaq, hinaspam chay sipaskunatawan kuskata warmikunapa yachanan wasipi allinnin kaq cuartoman pusarqa.

Proverbios 7:17

miskillataña asnananpaqmi mirrawan, aloewan, canelawan talliykamuni.

Cantares 3:6

¿Pitaq wak, chunniqmanta qespimuchkan? Qosni hinaraq, mirrapa inciensopa asnayninwan, tukuy rikchaq olorkunawan perfumasqallaña.

Isaías 3:24

Chaynapim perfumepa rantinpi millakuypaq asnayña kanqa, weqaw watana adornokunapa rantinpim waskaña kanqa, sumaqllaña ñaqchasqa kanankumantam umankupas paqlayasqaña kanqa, suma-sumaq pachankupa rantinpim qachqa pachaña kanqa, kuyayllapaq uyankupas caldeasqa fierrowan marcasqañam kanqa.

Isaías 57:9

Moloc idolomanmi aceite aparisqa rirqanki, perfumekunatam payman aparqanki; karukunamanraqmi comisionta kacharqanki, wañuqkunapa kasqanmanraqmi uraykachirqanki.