Ester 10:3 - CHUYA QELLQA La Biblia en Quechua de Ayacucho 2012

³ Judío Mardoqueoqa llaqtamasinkunapa reqsisqan hinaspa ancha kuyasqanmi karqa; payqa llaqtanpa chaynataq castankunapa allinnintam maskarqa. Atiyniyuq kayninpipas rey Asueropa qatiqllanmi karqa.

Quechua Ayacucho Bible 1987

³ Judio Mardoqueoqa munayniyoq kayninpiqa karqa Rey Asueropa qatiqllanmi, payqa judio runakuna ukupiqa anchallaña reqsisqam karqa, payqa chaynaqa karqa castankunapa allinninta maskaspa favorninpi rimasqanraykum, payqa nana-nanaq castamasinkunapa estimasqanmi karqa.

Chuya Qellqa 1992

³ Judío Mardoqueoqa llaqtamasinkunapa reqsisqan hinaspa ancha kuyasqanmi karqa; payqa llaqtanpa chaynataq castankunapa allinnintam maskarqa. Atiyniyuq kayninpipas rey Asueropa qatiqllanmi karqa.

Ester 10:3 Iomraidhean Croise

Génesis 41:40

Qanmi kay palacioypi kamachikunki, lliw runaykunam kamachisqaykita kasusunki. Ñoqallañam rey kasqayrayku qanmanta masqa kasaq, nispa.

Génesis 45:10

Gosén llaqtapim yachanki churikikunawan, willkaykikunawan, ovejaykikunawan, vacaykikunawan hinaspa lliw kapuqnikikunawanpas.

Génesis 45:11

Kaypim lliw aylluykikunamanwan mikuchisqayki, manam imaykichikpas pisinqachu. Pichqa wataraqtaqmi muchuyqa kanqa”, nispa.

2~Crónicas 28:7

Efraín ayllumanta kaq allinnin qari-qari Zicripas reypa churin Maasiastam wañurachirqa, wañurachirqataqmi palaciopi mayordomo Azricamtawan reyta kamachikuyninpi yanapaqnin Elcanatapas.

Nehemías 2:10

Ichaqa Horón llaq-tayuq Sanbalatwan Amón llaqtapi kamachikuq Tobiasmi yacharuspanku, Israelpa mirayninkunapa allinninpaq risqaymanta sinchita piñakururqaku.

Ester 2:5

Susa llaqtapim Benjamín ayllumanta kaq Judío yacharqa, sutinmi karqa Mardoqueo, payqa Jairpa churinmi karqa, Jairñataqmi Simeipa, Simeiñataqmi Cispa.

Ester 3:2

Chaymi reypa serviqninkunawan palacio punkupi kaqkuna, Amanpa ñawpaqninpi kumuykuqku; chaynataqa ruwarqaku rey kamachikusqanraykum. Mardoqueom ichaqa mana qonqorakuqchu nitaq kumuykuqchu.

Daniel 5:16

Qanmantam ichaqa uyarirqani tukuy imakunapapas imam ninan willakuy atisqaykita chaynataq ima sasallaña kaqtapas allichay atisqaykita. Chaynaqa, sichum wak qellqata leeykuspa imam ninanta niykuwaptikiqa sumaqllaña grosella pachawanmi pachachisqayki, kunkaykimanpas qorimanta collartam wallqachisqayki, munaychakuyniypipas kimsa kaq kamachikuq kanaykipaqñam churasqayki, nispa.

Daniel 5:29

Chaynata Daniel willaykuptinmi, rey Belsasar kamachikurqa sumaqllaña grosella pachawan Danielta pachachinankupaq chaynataq qorimanta collarwanpas wallqachinankupaq, hinaspam munaychakuyninpi Danielqa kimsa kaq kamachikuq kasqanta llapallanman willachimurqa.

Daniel 6:3

Danielqa wakin kamachikuqkunamantapas chaynataq llapallan gobernadorkunamantapas ancha reqsisqam rikurirurqa, admirakuypaq espirituyuq kasqanrayku. Chaymi reyqa tantearurqa, lliw munaychakuyninpi kamachikunanpaq Danieltaña churaruyta.

Romanos 10:1

Wawqe-panillaykuna, tukuy son-qoywanmi judiokuna salvakunankupaq Diosninchikta mañakuchkani.

Romanos 14:18

Kaynatapuni pipas Cristota servispa Diospa munasqanta ruwaptinmi runakunapas allinpaq hapinku.

1~Samuel 18:16

Israel runakunawan Judá runakunañataqmi Davidta kuyarqaku. Payqa tropankunata kamachispanmi tukuy hinastinman riq.

1~Samuel 23:17

kaynata: Ama manchakuychu, manam taytay Saulqa tarisunkichu, qamqa Israelpa reyninmi kanki, ñoqañataqmi qampa qepaykiman kamachikuq kasaq, chaytaqa taytay Saulpas yachanñam, nispa.