Ester 1:6 - CHUYA QELLQA La Biblia en Quechua de Ayacucho 2012

⁶ Chay patioqa yuraq hinaspa azul hatun toldokunawan adornasqam karqa, watunkunañataqmi karqa linomanta morado colorniyuqkama; chay watukunatam qollqe anillokunapa ukunta pasachispa mármol rumimanta pilarkunaman watarqaku. Tiyanankunapas qori-qollqemantam karqa, pampanpas suma-sumaq cheqchi, mármol, jacinto rumikunamanta ruwasqam karqa.

Quechua Ayacucho Bible 1987

⁶ Chay patio adornaq toldokunam karqa yuraq chaynataq azul, hapiqnin cuerdakunañataqmi karqa linomanta grosella colorniyoqkama, chay cuerdakunaqa pasachisqa karqa qollqe anillokunapa ukuntam hinaspam hapichisqa karqa marmol rumi pilarkunaman. Chaypiqa karqataqmi waqtapaykuspa tiyananku qori-qollqemanta tiyanakunapas, maymi sayananku pampapas karqa cheqchi rumiwan chaynataq yuraqpas-yanapas marmol rumiwan sumaqllaña adornasqam.

Chuya Qellqa 1992

⁶ Chay patioqa yuraq hinaspa azul hatun toldokunawan adornasqam karqa, watunkunañataqmi karqa linomanta morado colorniyuqkama; chay watukunatam qollqe anillokunapa ukunta pasachispa mármol rumimanta pilarkunaman watarqaku. Tiyanankunapas qori-qollqemantam karqa, pampanpas suma-sumaq cheqchi, mármol, jacinto rumikunamanta ruwasqam karqa.

Ester 1:6 Iomraidhean Croise

Ester 7:8

Huertamanta convido wasiman rey kutiramuspanmi Amanta tarirurqa reina Esterpa waqtanpi pakcharayachkaqta, chaymi qaparispan nirqa: ¿Palacioypipunichu reina Estertapas abusayta munanki? nispa. Chaynata rey niruptinmi Amanpa uyanta taparurqaku.

Ester 8:15

Mardoqueoñataqmi reypa qayllanmanta lloqsirqa reypa yuraqniyuq azul pachanwan pachasqa, umanpipas qorimanta hatun coronayuq hinaspa linomanta morado capayuq; chaymi Susa llaqtapi yachaqkuna kusikuymanta qaparirqaku.

Éxodo 26:1

Huk carpatam chunka cortinakunamanta ruwanki, chay cortinakunam kanqa kawpusqa linomanta chaynataq morado, grosella hinaspa guindo qaytumanta. Chay cortinapim iskay querubinkunata suma-sumaqta bordachinki.

Ezequiel 23:41

Mesata allicharuspankum sumaqllaña camapiraq tiyaykurqaku, chay mesapa hawanpim ñoqapaq sapaqchasqanku inciensotawan miski asnaq aceiteta churaykurqaku.

Amós 2:8

Wakchakunapa mana pagayta atispa prenda saqesqanku pachakunapim, altarkunapa waqtanpi chuchumika warmiwan qanrakunku, mana kaqmanta multata cobrasqanku qollqewan vinota rantiykuspam, diosninkuta yupaychananku wasipi machakunku.

Amós 3:12

Tayta Diosmi kaynata nin: Imaynam ovejata león mikuruptin michiqnin salvarun iskay piernallantaña otaq rinrinpa puntallantaña, chaynapunim Samaria llaqtapi yachaq Israel runakunapas lluptinqaku; suma-sumaq camapi puñuqkunapas hinaspa waqtapaqkunapas chaynam ayqenqaku, nispa.

Amós 6:4

Marfilmanta suma-sumaq catrekunapim waqtapankichik, mastakuykuspam puñukunkichik, malta carnerokunatawan malta torokunatam kanchanmanta hurqoykuspa mikukunkichik.

1~Samuel 28:23

Saulñataqmi mana munaspan nirqa: Manam mikuymanchu, nispa. Ichaqa serviqninkunawan chay warmi hikutaptinkum, pampamanta hatariykuspan camapi tiyaykurqa.