Ester 1:4 - CHUYA QELLQA La Biblia en Quechua de Ayacucho 2012

⁴ Rey Asueroqa chayta ruwachirqa munaychakuyninpa imapas kapuqninkunata, hatun kayninta hinaspa atiyniyuq kayninta paykunaman qawachinanpaqmi. Chay fiestaqa soqta killantinmi karqa.

Quechua Ayacucho Bible 1987

⁴ Rey Asueroqa chaytaqa rurachirqa gobiernonpa riquezankunata, hatun kayninta hinaspa sumaqllaña atiyniyoq kasqanta paykunaman qawachinanraykum. Chay fiestaqa karqa parte watapunim.

Chuya Qellqa 1992

⁴ Rey Asueroqa chayta ruwachirqa munaychakuyninpa imapas kapuqninkunata, hatun kayninta hinaspa atiyniyuq kayninta paykunaman qawachinanpaqmi. Chay fiestaqa soqta killantinmi karqa.

Ester 1:4 Iomraidhean Croise

1~Crónicas 29:25

Tayta Diosmi Israel runakunapa qayllanpi rey Salomonta llumpayta hatuncharqa, munaychakuynintapas ancha reqsisqatam ruwarqa, payta hinaqa manam mayqan reytapas Israel nacionpiqa hatuncharqachu.

Ester 1:3

Kimsa wataña munaychakuchkas-panmi, kamachikuypi yanapaqninkunapaq hatun convidota ruwachispan, Persia nacionpa, Media nacionpa tropakunapa kamachiqninkunata chaynataq provinciakunapi kamachikuqkunatapas qayachirqa.

Ester 1:5

Chay soqta killa pasaruptinpas qanchis punchawtawanraqmi convidota ruwachirqa palacionpa punkun huertapi, hinaspam Susa llaqtapi yachaqkunata, aputapas wakchatapas chay fiestaman qayachirqa.

Jobwan Sutichasqa Libro 40:10

Chaynaqa, atiyniyuq hinayá hatunchakuy, hatunchakuywan kanchariywanyá pachakuy.

Isaías 39:2

Ezequiasmi chaykunawan kusirikuspan, mana imatapas pakaykuspan palacionpi kaqkunata paykunaman qawachirqa, qawachirqataqmi kamachikusqan nacionpi tukuy kapuqninkunatapas: Qorita, qollqeta, perfumekunata, miski asnaq aceiteta, armakuna waqaychanan wasita, wasinpi tukuy ima waqaychasqantapas.

Ezequiel 28:5

Negocio ruwayta yachaynikiwanmi tukuy imaykitapas mirarachinki, ichaqa tukuy imayuq karuspaykim hatun tukuq rikurirunki.

Daniel 4:30

nirqa: “¡Mayna hatunmi kay Babilonia llaqtaqa! Ñoqapunim hatun atiyniywan kay llaqtataqa munaychakuyniypa chawpin kananpaq hatarichirqani, chaynapi ancha reqsisqa kasqaymanta alabakunaypaq”, nispa.

Daniel 4:36

Chaypunillam yuyayniy ñoqaman kutiramuwarqa, chaymi munaycha-kuyniypas, ancha reqsisqa kayniy-pas, inti hina sumaqllaña kancha-riyniypas ñoqaman kutiykamuwarqa. Consejaqniykunapas chaynataq kama-chikuyniypi ancha reqsisqa runakunapas maskawaqniymi hamurqaku. Munaychakuyniyta kutiykachiwaptinkum ñawpaqmantapas aswan munayniyuqraq karqani.

Daniel 5:18

Tukuy imapa hawanpi munaychakuq Diosmi, taytayki Nabucodonosorta nacionkunapi munaychakunanpaq, hatunchasqa kananpaq hinaspa reqsisqa kananpaq churarqa.

Mateo 4:8

Chaymantam diablo aparurqa alto-alto orqopa puntanman, hinaspam kay pachapi llapallan nacionkunatawan chaypi tukuy ima kaqkunata qawaykachirqa.

Mateo 6:13

Amayá tentacionmanqa kachaykuwaykuchu, aswanqa mana allinmanta libraykuwayku. [Qampam munaychakuypas, atiypas, hatun kaypas wiña-wiñaypaq. Amén].

Romanos 9:23

Chaynataqmi kuyayllapaq mankamanta hina ñoqanchikmantapas kuyapayarikurqa llumpay hatun atiyninta qawachikunanpaq. Ñawpaqmantapunim preparawachkanchik payman rikchakuqña sumaq kancharichkaq kananchikpaq.

Efesios 1:18

Mañakuchkanitaqmi yuyayma-naynikichikta Diospuni kanchaykunanpaq, chaynapi qayasusqaykichikrayku confianzawan suyasqaykichikta yachanaykichikpaq hinaspa Diosllapaqña kawsaqkunawan chay kancharichkaq qosusqaykichik herenciamanta yachanaykichikpaq.

Colosenses 1:27

Chay pakasqa kaqtaqa Diosmi mana judío kaqkunamanpas reqsichiyta munarqa, chay pakasqa kaqqa qamkunapi Cristopa kawsasqanmi, chayraykum wiñaypaq kawsakuyta suyachkankichik.

Apocalipsis 4:11

“Señor Diosnillayku, hatunchaytapas, yupaychaytapas, atiytapas chaskinaykipaq hinapunim kanki. Qanmi tukuy ima kaqkunatapas unancharqanki, munaynikiman hina unanchaptikim tukuy imapas kachkan”, nispanku.