Ester 1:3 - CHUYA QELLQA La Biblia en Quechua de Ayacucho 2012

³ Kimsa wataña munaychakuchkas-panmi, kamachikuypi yanapaqninkunapaq hatun convidota ruwachispan, Persia nacionpa, Media nacionpa tropakunapa kamachiqninkunata chaynataq provinciakunapi kamachikuqkunatapas qayachirqa.

Quechua Ayacucho Bible 1987

³ Kimsa watamanña gobiernachkaspanmi Rey Asueroqa huk hatun convidota rurachirqa llapallan jefenkunapaqwan serviqninkunapaq hinaspa Persia nacionniyoq tropakunapa jefenkunapaq, rurachirqataqmi Media nacionniyoq tropakunapa jefenkunapaqpas, provinciakunapi prefectokunapaqpas chaynataq gobernadorkunapaqpas.

Chuya Qellqa 1992

³ Kimsa wataña munaychakuchkaspanmi, kamachikuypi yanapaqninkunapaq hatun convidota ruwachispan, Persia nacionpa, Media nacionpa tropakunapa kamachiqninkunata chaynataq provinciakunapi kamachikuqkunatapas qayachirqa.

Ester 1:3 Iomraidhean Croise

Génesis 40:20

Kimsa punchawmantam santonpi Faraón convidota ruwarqa llapallan serviqninkunapaq, hinaspam carcelmanta vino serviqkunapa kamachiqninta chaynataq panaderokunapa kamachiqnintapas hurqochimurqa.

1~Reyes 3:15

Rikchariruspanmi Salomonqa chayqa mosqoylla kasqanta qawaykurqa, chaymi Jerusalén llaqtaman kutiruspan Tayta Diospa pacto ruwasqan Arcapa ñawpaqninpi lliw kañana ofrendatawan Dioswan hawkalla kasqanmanta sacrificiokunata ofrecerqa. Serviqninkunapaqpas convidotam ruwachirqa.

Esdras 1:2

Persia nacionpa reynin Cirom kaynata nin: Hanaq pachapi Tayta Diosmi kay pachapi nacionkunata qowarqa, hinaspam Judá nacionpi kaq Jerusalén llaqtapi templota hatarichipunaypaq kamachiwarqa.

Ester 1:14

Reypa confianzan runakunam karqa: Carsena, Admata, Tarsis, Meres, Marsena hinaspa Memucán. Paykunam Persia nacionmanta, Media nacionmanta karqaku. Reypa munaychakuyninpi hatun kamachikuqkunam karqaku.

Ester 1:4

Rey Asueroqa chayta ruwachirqa munaychakuyninpa imapas kapuqninkunata, hatun kayninta hinaspa atiyniyuq kayninta paykunaman qawachinanpaqmi. Chay fiestaqa soqta killantinmi karqa.

Ester 2:18

Chaymantam Esterpa sutinpi hatun convidota ruwachispan llapa kamachiqkunatawan serviqninkunata qayachirqa. Impuestotapas provinciankunapi menosyaykachispanmi, sonqonman hina regalokunatapas aypurqa.

Ester 3:7

Rey Asuero chunka iskayniyuq wataña munaychakuchkaptinmi, Nisán sutiyuq punta kaq killapi, Amanpa ñawpaqninpi suerteta qawarqaku, ima killapim hinaspa ima punchawpim chay tanteasqanta ruwayman churananta yachananpaq. Chaymi Adarwan sutichasqa chunka iskayniyuq kaq killapi ruwananpaq lloqsirurqa.

Isaías 21:2

Llumpay manchakuypaqmi Diospa qawachiwasqanqa: Iskay uyakunam traicionachkanku, wichichiqkunam tuñichichkanku. ¡Elam llaqta hatariy! ¡Media runakuna, Babilonia llaqtata chinkachinaykichikpaq muyuriychik! Ñakariytam puchukachisaq.

Jeremías 51:11

Tayta Diosmi Babiloniata chinkachinqa, templonta tuñichisqanmantam vengakunqa. Flechaykichikta alistakuychik, escudoykichikta hapiychik. Babilonia nacionta tuñichinankupaqmi Media nacionpa reyninkunata Tayta Dios kallpanchamuchkan.

Daniel 5:1

Rey Belsasarmi munaychakuyninpi waranqa yanapaqninkunapaq hatun convidota ruwarqa, hinaspam paykunawan kuska vinota upyakurqaku.

Daniel 5:28

PARSIN ninanqa: Munaychakuynikim iskayman rakinasqa kaspan Media lawpi hinaspa Persia lawpi kaqkunamanña qosqa kanqa, ninanmi.

Daniel 6:1

Rey Dariom tantearuspan munaychakuyninpi pachak iskay chunka kamachikuqkunata churarurqa.

Daniel 8:20

Chay iskay waqrayuq carnero rikusqaykiqa Media nacionpa hinaspa Persia nacionpa reyninkunam.

Marcos 6:21

Herodías warmipaqmi suyasqan punchaw chayamurqa. Rey Herodesmi santon punchaw chayaramuptin hatun convidota ruwachirqa, hinaspam qayachirqa llapa kamachikuqkunata, tropakunapa capitanninkunata hinaspa Galileapi ancha reqsisqa runakunata.