Esdras 9:9 - CHUYA QELLQA La Biblia en Quechua de Ayacucho 2012

⁹ Esclavo kachkaptiykupas manam esclavo kayniykupichu saqeruwarqankiku, aswanqa kuyapayawaspaykikum Persia nacionpa reyninkunawan llakipayarichiwarqankiku. Kawsaytam qoykuwarqankiku tuñichisqa temploykita musoqmanta hatarichinaykupaq, Judá nacionpi Jerusalén llaqtapi waqaychawanaykikupaq.

Quechua Ayacucho Bible 1987

⁹ Sirviente kachkaptiykupas qam Diosniykuqa manam saqeruwankikuchu, aswanqa kuyapayaykachiwankikum Persia nacionpa reyninkunawan. Qamtaqmi kawsachiwankiku qam Diosniykupa tuñichisqa temploykita mosoqmanta hatarichinaykupaqpas chaynataq Juda lawpi hinaspa Jerusalen llaqtapi waqaychawanaykikupaqpas.

Chuya Qellqa 1992

⁹ Esclavo kachkaptiykupas manam esclavo kayniykupichu saqeruwarqankiku, aswanqa kuyapayawaspaykikum Persia nacionpa reyninkunawan llakipayarichiwarqankiku. Kawsaytam qoykuwarqankiku tuñichisqa temploykita musoqmanta hatarichinaykupaq, Judá nacionpi Jerusalén llaqtapi waqaychawanaykikupaq.

Esdras 9:9 Iomraidhean Croise

Esdras 2:68

Ayllukunapi wakiqnin kamachiqninkunam Jerusalenpi Tayta Diospa templonman chayaruspanku, ofrendankuta qorqaku Diospa templonpaq, chaynapi templota maymi kasqanpi musoqmanta hatarichinankupaq.

Esdras 7:6

Esdrasqa karqa Moisesnintakama Israelpa mirayninkunaman Tayta Diospa kamachikuykuna qosqanta allin yachaqmi. Tayta Diosmi Esdrasta yanaparqa, chayraykum rey Artajerjespas tukuy ima mañakusqanta qoykurqa. Chaynatam Babiloniamanta Esdras kutimurqa.

Esdras 7:8

Rey Artajerjes qanchis wataña munaychakuchkaptinmi, Ab sutiyuq pichqa kaq killapi Jerusalenman Esdras chayamurqa.

Esdras 9:10

Chaynaqa, Diosnillayku, tukuy mana allinkunata ruwachkaspaqa, ¿imataraqtaq nikikuman? kamachikuynikikunatapas manam kasukurqanikuchu.

Nehemías 2:17

Chaymi paykunata nirqani: Qamkunaqa qawachkankichikmi sasachakuypi kasqanchikta. Jerusalén llaqtapa perqankunapas tuñichisqam kachkan, punkunkunapas kañasqam kachkan. Chaynaqa, hatarispayá Jerusalenpa perqanta kaqllamanta hatarichisun, amaña penqaypi kananchikpaq, nispa.

Nehemías 9:17

Manam kasukuyta munarqakuchu, nitaqmi paykunapaq tukuy ima ruwasqaykitapas yuyarirqakuchu, contraykipi hatarispankum, Egipto nacionpi esclavo kayta munaspanku kutinankupaq kamachiqninkuta akllarqaku. Chaywanpas qamqa pampachakuq Diosmi kanki, llampu sonqo hinaspa kuyapayakuqmi kanki, anaqta piñakuq hinaspa kuyapayakuq kasqaykiraykum paykunataqa mana saqerurqankichu.

Isaías 14:3

Ñakariynikichikmantapas, waqasqay-kichikmantapas, esclavo kasqaykichikmantapas Tayta Dios librasuptikichikmi,

Isaías 5:2

Rumicharuspanmi barbecharqa, miski ruruq uvaspa estacantam plantarqa. Cuidananpaqmi chakrapa chawpinpi chukllata ruwarqa, uvasta sarunapaqmi pozota ruwarqa. Miski uvasta rurunantam payqa suyarqa, ichaqa puchqo uvasllatam cosecharurqa.

Isaías 5:5

Chaynaqa, kunanmi qamkunaman, imatam kay huertaywan ruwanayta nisqaykichik: Llapa rumi perqanta paskaruptiymi purmarachinqaku, perqankunata lliw tuñirachiptiymi saruparunqaku.

Isaías 61:4

Ñawpaqmantaraq tuñichisqa llaqtakunatam musoqmanta hatarichinqaku, ñawpaq watakunapi purmachisqakunatam musoqmanta tiyarichinqaku, ñawpaq miraykunapa purmachisqankunatam musoqyachinqaku.

Ezequiel 11:16

Chaynaqa, ñoqa Tayta Diospa nisqayta paykunaman kaynata nimuy: Paykunatam kay nacionmanta qarqoruspay tukuy hinastinman cheqerachirqani, ichaqa manam unaypaqchu. Chaywanpas maypiña kaptinkupas ñoqam paykunapa santuarion kasaq.

Daniel 9:25

Kaytam yachanayki hinaspa allinta entiendenayki: Jerusalén llaqta huktawan hatarichisqa kananpaq kamachikuy lloqsimusqanmantam kamachikuq Mesías hamunankama qanchis semana pasanqa. Chaymantam soqta chunka iskayniyuq semanakuna pasanqa; chay tiempopim Jerusalén llaqtapa plazankunapas perqankunapas musoqmanta hatarichisqa kanqa. Chaykunaqa ruwasqa kanqa hatun sasachakuy tiempopim.

Hageo 1:9

Qamkunaqa achkallataña maskaspapas asllatam tarinkichik, wasikichikpi taqesqaykichiktapas huk pukuyllawanmi chinkarachini. ¿Imanasqa? Temploy tuñisqa kachkaptin qamkunañataq wasikichikpi sapakama yachakusqaykichikrayku. Tukuy Atiyniyuq Tayta Diosmi chaynata nin.

Zacarías 2:5

Tayta Diosmi kaynata nin: Ñoqam Jerusalenpa muyuriqninpi lenwachkaq nina murallan kasaq, hinaspaymi chawpinpi atiyniyta qawachikusaq, nispa.