Esdras 9:8 - CHUYA QELLQA La Biblia en Quechua de Ayacucho 2012

⁸ Chaywanpas Dios Taytallayku, kunanmi pisi tiempollapaqpas kuyapayakuynikita qawaykachiwankiku, hinaspam wakiqllaykutapas libreta puchuykachiwankiku, chaynapi chuya allpapi hawka kawsanaykupaq. Diosnillayku, qanmi ñawillaykuta kanchariykuwankiku, esclavo kachkaptiykum allin kawsaytaraq qoykuwankiku.

Quechua Ayacucho Bible 1987

⁸ Dios Taytallayku, kunanmi ichaqa pisi tiempollapaqpas kuyapayariykuwankiku hinaspam libretaña asllatapas puchuykachiwankiku chaynapi santuarioykipi seguro lugarta qowanaykikupaq. Diosnillayku, qanmi ñawillaykuta kanchariykunki hinaspam sirviente kachkaptiykupas pisillatapas kawsaykachiwankiku.

Chuya Qellqa 1992

⁸ Chaywanpas Dios Taytallayku, kunanmi pisi tiempollapaqpas kuyapayakuynikita qawaykachiwankiku, hinaspam wakiqllaykutapas libreta puchuykachiwankiku, chaynapi chuya allpapi hawka kawsanaykupaq. Diosnillayku, qanmi ñawillaykuta kanchariykuwankiku, esclavo kachkaptiykum allin kawsaytaraq qoykuwankiku.

Esdras 9:8 Iomraidhean Croise

2~Reyes 19:4

Ichapas Tayta Dios uyarirqa chay kamachikuqpa rimasqankunata. Paytam Asiria nacionpa reynin kachamurqa kawsaq Diosta kaminanpaq, allinchá kanman chay rimasqankunamanta Tayta Dios puchukachiptinqa. Chaynaqa, Diostayá mañakuy puchuq kaqkunapaq, nispanku.

Esdras 9:9

Esclavo kachkaptiykupas manam esclavo kayniykupichu saqeruwarqankiku, aswanqa kuyapayawaspaykikum Persia nacionpa reyninkunawan llakipayarichiwarqankiku. Kawsaytam qoykuwarqankiku tuñichisqa temploykita musoqmanta hatarichinaykupaq, Judá nacionpi Jerusalén llaqtapi waqaychawanaykikupaq.

Nehemías 1:11

Dios Taytalláy ruegakuykim, kay serviqnikipa mañakuynintayá uyariykamullaway, sutikita hatunchay munaq serviqnikikunapa mañakuynintapas uyariykuyá. Kunanmi mañakamullayki ima ruwasqaypipas yanapaykuwanaykipaq, chaynataq reywanpas kuyapayaykachiwanaykipaq, nispa. Chay tiempopiqa reypa coperonmi karqani.

Nehemías 9:31

Chaywanpas llumpay llakipayakuq kasqaykiraykum mana chinkarachirqankichu nitaq saqerurqankichu. Qamqa llampu sonqo hinaspa kuyapayakuq Diosmi kanki.

Jobwan Sutichasqa Libro 33:30

Wañuymanta hurqoykuspam achkiq mundotaraq rikuchin.

Proverbios 29:13

Wakchamanpas, ñakarichikuqmanpas, hina Tayta Diosllam kawsakuytaqa qorqa.

Eclesiastés 12:11

Yachayniyuqkunapa rimasqanqa ñawchi puntayuq kaspikuna hinam, yachachikuqkunapa rimasqanqa cla-vokuna hinam, chaynam michiqpa rima-riyninqa.

Isaías 1:9

Sichum Tukuy Atiyniyuq Dios kamallatapas mana puchuykuwaptinchikqa Sodoma, Gomorra llaqtakunamanñachá rikchakuchwan karqa.

Isaías 14:3

Ñakariynikichikmantapas, waqasqay-kichikmantapas, esclavo kasqaykichikmantapas Tayta Dios librasuptikichikmi,

Isaías 56:5

hinaptinqa paykunamanmi churikuna qonaymantapas aswan allin kaqkunata qosaq, temploypa perqankunapim sutinkuta qellqachisaq, mana chinkaq wiñaypaq takyaq sutitam qosaq.

Isaías 57:15

Wiña-wiñaypaq kawsakuq Diosmi, hatu-hatun Chuya Diosmi kaynata nin: Ñoqaqa alto-altopim, chuyay-chuyay sitiopim yachani, wanakuspa uchuychakuqkunawanmi yachani, hinaspaymi paykunata kallpanchani.

Isaías 6:13

Pachakmanta chunkallaña puchuqkunatapas chinkachisaqmi. Ichaqa imaynam roble sachata encina sachata kuchuruptinku kullullanña puchurun chaynam kanqaku. Chaywanpas chay kulluqa ikllimunqam, chay kullumanta ikllimuqmi Tayta Diospaq sapaqchasqa kanqa.

Jeremías 42:2

profeta Jeremiasman asuykuspanku nirqaku: Mañakuykikum llapallan kaypi puchuqkunapaq yupaychasqayki Tayta Diosta mañakunaykipaq. Rikuwasqaykikupi hinapas achkamantam ñoqallaykuña puchuruniku.

Jeremías 44:14

Judá nacionpi puchuspa Egiptoman yacha-nankupaq ayqemuqkunamantaqa ma-nam hukllapas lluptinkichikchu nitaqmi kawsankichikchu. Judá nacionman maynataña kutiyta munaspapas manam atinkichikchu, kutispaqa-kutinqa kaymanta lluptiqkunallañam, nispa.

Ezequiel 14:22

Aswanqa asllañam puchurunqaku, paykunam qari churinkuwan warmi churinkuwan chaymanta lloqsinqaku, hinaspam qamkunapa kasqaykichikman hamunqaku, qamkunañataqmi imaynam kawsasqankutawan imakunam ruwasqankuta qawaykuspa Jerusalén llaqtata castigasqaymanta sonqoykichikta tiyachinkichik.

Oseas 6:2

Iskay punchawmantam kawsarichiwasun, kimsa punchawmantañataqmi hatariykachiwasun, hinaptinmi paypa qayllanpi kawsakusun.

Habacuc 3:2

Dios Taytalláy, ancha reqsisqa kasqaykitawan tukuy imapas ruwasqaykita uyarispaymi manchakurqani. Kunanpas ñawpaq watakunapi hinayá kawsayniykupi hatun atiynikita hatarichiy, chaynapi ñoqaykupas reqsinaykupaq. Chaynatayá piñakuynikipa chawpinpipas llakipayakuynikita qawaykachiwayku.

Sofonías 3:12

Chawpikipim saqeykusaq uchuychakuqkunatawan wakchakunallataña, paykunam ñoqa Tayta Diospi hapipakuwanqaku.

Zacarías 10:4

Judamantam lloqsinqa wasipa cimientonpi esquina rumipas, carpata takyachiq estacapas, guerrapi peleana flechapa arconpas. Paymantataqmi lloqsinqa llapa kamachikuqkunapas.

Zacarías 8:12

Aswanqa chawpinkupi hawkayay kaptinmi, uvaspas sumaqllataña rurunqa, allpapas achkanpim rurunqa, cielokunapas sullantam chayachimunqa. Tukuy chaykunatam munaychakunankupaq kay llaqtamanta puchuqkunaman qosaq.

Zacarías 8:6

Tukuy Atiyniyuq Tayta Diosmi kaynata nin: Sichum tukuy kaykuna, chay tiempopi puchuq runaykunapaq mana ruway atinapaq hina rikchakuptinpas, ñoqapaqqa manam sasachu kanqa, nispa.

Romanos 9:27

Israelpa mirayninmantam profeta Isaías nirqa: Lamar qochapi aqo hinaña kachkaspapas Israelpa mirayninkunaqa wakillanmi salvakunqa.

Apocalipsis 3:12

Pipas venceqtaqa Diosniypa templonpa pilarninta hinam ruwasaq, chaynata ruwaptiyqa manañam chaymanta lloqsinqachu. Paypim qellqasaq Diosniypa sutinta, qellqasaqtaqmi musoq Jerusalén llaqtapa sutintapas, chay llaqtaqa Diosniypa kasqan hanaq pachamantam uraykamunqa. Qellqasaqtaqmi musoq sutiytapas.

1~Samuel 14:27

Jonatanqa manam uyarirqachu tropankunata taytan jurachisqantaqa, chayraykum payqa tawnanpa puntanwan toqpiykuspan mielta mikuykurqa, chayraqmi ñawinpas sumaqta qawarikururqa, chaynataqmi kallpatapas hapirqa.

1~Samuel 14:29

Hinaptinmi Jonatán nirqa: Taytayqa nacionninchiktam sasachakuyman churarun. Qawawasqaykiman hinam kay mielta mikuykuptiy ñawillaypas allintaraq qawarikurun.