Esdras 9:7 - CHUYA QELLQA La Biblia en Quechua de Ayacucho 2012

⁷ Taytaykupa tiemponmanta kunankamam hatun huchapi kawsachkaniku; chay huchaykuraykum ñoqaykupas, reyniykupas, sacerdoteykutapas huklaw nacionkunapa reyninkunaman qosqa karqaniku, chaynapim wañuchisqa, preso apasqa, suwasqa, hinaspa hatun penqaypi karqaniku, chaynam kunanpas kachkaniku.

Quechua Ayacucho Bible 1987

⁷ Abueloykupa tiemponkunamantaraqmi kunan punchawkama hatun huchapi kawsachkaniku. Mana allin rurasqaykuraykum ñoqaykupas, llapa reyniykupas chaynataq llapa sacerdoteykupas huklaw nacionkunapa reyninkunaman entregasqa karqaniku chaynapi wañuchisqa, preso pusasqa, suwasqa chaynataq kunan punchaw hina penqachisqa kanaykupaq.

Chuya Qellqa 1992

⁷ Taytaykupa tiemponmanta kunankamam hatun huchapi kawsachkaniku; chay huchaykuraykum ñoqaykupas, reyniykupas, sacerdoteykutapas huklaw nacionkunapa reyninkunaman qosqa karqaniku, chaynapim wañuchisqa, preso apasqa, suwasqa, hinaspa hatun penqaypi karqaniku, chaynam kunanpas kachkaniku.

Esdras 9:7 Iomraidhean Croise

1~Reyes 8:47

chay preso kasqanku allpapi qanman kutirikamuspa qayakamusunkiman kaynata: “Mana allinkunata ruwaspam qampa contraykipi huchallikuruniku”, nispanku.

2~Crónicas 29:6

Taytanchikkunam yupaychasqanchik Tayta Diosta qepanchaspanku, paypa qayllanpi millakuypaq kaqkunata ruwarqaku; Tayta Diosta mana kasukuspankum santuariontapas mana qawayta munaspanku qepancharurqaku.

2~Crónicas 30:7

Qamkunaqa amayá ñawpaq taytaykichik nitaq aylluykichikkuna hinachu kaychik. Paykunam ñawpaq taytankupa yupaychasqan Tayta Diosta qepancharurqaku, chaymi qawasqaykichikpi hinapas purmachisqa kanankupaq kachaykurqa.

2~Crónicas 34:24

Ñoqa Tayta Diosmi nini: Kay Judá nacionpi yachaqkunamanmi hatun ñakariyta chayachimusaq, reypa qayllanpi leesqaykichik libropa nisqan hatun sasachakuykunaman hinaspa ñakariykunaman hina.

Esdras 9:13

Mana allinkuna ruwasqaykurayku llumpa-llumpay huchaykurayku hatun sasachakuykuna hamuwachkaptinkupas, qamqa Diosnillayku, manam huchaykuman hinachu castigawarqankiku aswanqa wakiqllaykutapas libraykuwankikuraqmi.

Nehemías 9:30

Paykunataqa watantin-watantinmi pacienciaykurqanki, Espirituykiwan hinaspa profetaykikunawanmi qaqchachirqanki, paykunam ichaqa mana kasukurqakuchu, chayraykum kay pachapi nacionkuna munaychakunanpaq kachaykurqanki.

Isaías 64:4

Manam pipas uyarirqachu, ñawpaqmantapas manam pipas qanmanta sapaq Diostaqa rikurqachu; qamllam hapipakuqninkunapaq allin ruwaq Diosqa kanki.

Jeremías 25:18

Upyachimurqanim Jerusalén llaqtamanpas, Judá nacionpi llaqtakunamanpas, reyninkunamanpas hinaspa kamachikuqkunamanpas; chaynapi chunnichisqa, purmachisqa, burlakusqa hinaspa ñakasqa kanankupaq. Chaynam kunankamapas kachkanku.

Jeremías 3:25

Ñoqaykupas ñawpaq taytaykupas, qampa contraykipim huchallikuruniku; warma kasqaykumanta kunan punchawkamam qamtaqa mana kasurqaykikuchu. Chayraykum penqakuymanta pasaypaqta uchuychakunayku.

Jeremías 32:23

Kay allpaman yaykumuspankum munaychakurqaku, ichaqa kamachikuynikitawan yachachikuynikitam mana kasukurqakuchu, kawsarqakupas manam kamachisqaykiman hinachu, chayraykum tukuy kay sasachakuykunata kachaykamurqanki.

Jeremías 32:32

Israel runakunawan Judá runa-kunaqa, reyninkuwan, kamachiqninkunawan, sacerdotenkunawan hinaspa profetankunawan kuskam piñachiwanankupaq tukuy mana allinkunata ruwarqaku.

Jeremías 44:22

Mana allinkuna ruwasqaykichiktawan millakuypaq ruwasqaykichiktam Tayta Diosqa manaña aguantayta atirqachu. Chayraykum nacionnikichikqa purmasqa manaña runayuq kunan punchawkama chunnichkan.

Jeremías 44:9

¿Qonqarunkichikñachu taytaykichikkunapa, Judá nacionpi reykunapa, reypa warminkunapa, qamkunapapas hinaspa warmikichikkunapas, Judá nacionpi chaynataq Jerusalén llaqtapa callenkunapi tukuy mana allin ruwasqaykichikta?

Lamentaciones 5:7

Tayta-mamaykum huchallikuruspa wañurunku, paykunapa huchanmantam ñoqayku ñakarichkaniku.

Ezequiel 11:9

Qamkunataqa llaqtamantam qarqosqaykichik hinaspam huklaw llaqtayuq runakunamanña qoykusqaykichik, chaynatam castigasqaykichik.

Ezequiel 39:23

Chaynapim huklaw nacionniyuqkunapas yachanqaku Israelpa mirayninkunaqa huchankurayku preso apasqa kasqankuta. Paykunataqa qepanchakuwasqankuraykum ñoqapas qepanchakururqani hinaspam enemigonkupa makinman qoykuptiy guerrapi wañuchisqa karqaku.

Números 32:14

Yaw, huchasapa ru-nakunapa mirayninkuna, qamkunaqa taytaykichiktañam qatipakuchkankichik, chaynapi Israel runakunapa contranpi Tayta Diosta astawan piñachinaykichikpaq.

1~Samuel 12:15

Tayta Diospa rimarisqanta mana uyarispa kamachikuyninkunatapas mana kasukuptikichikmi ichaqa, ñawpaq taytaykichikta hina Tayta Dios castigasunkichik.