Esdras 9:3 - CHUYA QELLQA La Biblia en Quechua de Ayacucho 2012

³ Chayta yachaykuspaymi pachaytawan capayta llikiparqani, chukchaytawan barbaytapas chutakuspaymi sinchi llakisqa tiyarqani.

Quechua Ayacucho Bible 1987

³ Chayta uyariruspaymi llikirqani pachaytawan capayta, chutakurqanitaqmi chukchaytawan barbaytapas hinaspam sinchi llakisqa tiyarqani.

Chuya Qellqa 1992

³ Chayta yachaykuspaymi pachaytawan capayta llikiparqani, chukchaytawan barbaytapas chutakuspaymi sinchi llakisqa tiyarqani.

Esdras 9:3 Iomraidhean Croise

2~Samuel 1:11

Chayta uyariykuspanmi Davidqa runankunapiwan pachankuta llikiparqaku.

2~Reyes 18:37

Hinaptinmi Hilciaspa churin mayordomo Eliaquimwan, secretario Sebna hinaspa Asafpa churin escriba Joa pachankuta llikipaspanku rey Ezequiasman kutispanku chay kamachikuqpa rimasqankunata willarqaku.

Nehemías 1:4

Chaykunata uyarispaymi tiyaykuspay waqarqani, achka punchawmi llakisqa karqani, hinaspaymi ayunaspay hanaq pachapi Tayta Diosta

Nehemías 13:25

Chaymi paykunawan atipanakuspay ñakaykurqani, paykunamantam wakinta azoterqani, chukchankutapas chutaparqani, hinaspam Diosrayku jurachispay kaynata nirqani: Amam warmi churikichikkunatapas nitaq qari churinkunatapas paykunapa churinkunawanqa casarachinkichikchu, nitaqmi kikikichikpas chaynataqa ruwankichikchu.

Jobwan Sutichasqa Libro 1:20

Chaymi Jobqa llakikuymanta hatarispan pachanta llikipakurqa, hinaspam chukchantapas rutukuruspan pampaman qonqoranpa kumuykuspan Diosta hatunchaspan

Isaías 15:2

Bayitwan chaynataq Dibonwan sutichasqanku moqopi capillakunamanmi waqaq qespirqaku. Moab castakunam Nebo llaqtarayku, Medeba llaqtarayku waqanqaku. Llapallankum umankupas, barbankupas rutusqa kachkanku.

Jeremías 36:24

Chay palabrakunata uyarichkaspapas manam reypas nitaq serviqninkunapas manchayllapas mancharikurqakuchu, nitaqmi pachankutapas llikiparqakuchu.

Jeremías 7:29

¡Jerusalén llaqta, chukchaykita rutukuspa wischuy, chunniq orqokunapi waqamuy! Tayta Diosmi runaykikunapaq piñasqa kachkan, miraynikikunatam qepancharuspa saqerun.

Ezequiel 3:15

Chaynapim Quebar mayupa patanpi Tel-abib llaqtaman chayarurqani. Chaypim Israelmanta preso apasqakuna yacharqaku, hinaspaymi paykunawan qanchis punchaw karqani, ichaqa manam ima ruwaytapas nitaq ima niytapas atirqanichu.

Ezequiel 7:18

Llakimantam qachqa pachawan chura-kunqaku, manchakuymantam katkatatanqaku, uyankupas penqakuymantam pukayanqa, umankutapas kachiy-kachiytam rutukunqaku.

Daniel 4:19

Chaymi Beltsasar sutiyuq Danielqa mancharikuspan yaqa huk horata hina pensamientonpa intusqan rikurirurqa. Ñoqa reyñataqmi nirqani: “Beltsasar, imam mosqorusqaywanqa chaynataq imam ninanwanpas ama mancharikuychu”, nispay. Chaymi Beltsasarñataq niwarqa: Señorlláy, imam mosqorusqaykiqa kachun cheqnisuqniki runakunapaqyá, imam ninanpas enemigoykikunapaqyá kachun.

Daniel 8:27

Ñoqa Danielmi eqoyaruspay achka pun-chawkuna onqorurqani, chaymantañam allinyaykuspay reypa kaqninkunata huktawan ruwarqani, ichaqa chay imam rikusqaykunawanmi muspaypi hina tarikurqani, chayqa karqa mana entiendey atinam.

Levítico 21:5

Umankutaqa amam kachiy-kachiytaqa rutukunqakuchu nitaqmi barbankupa puntantapas kaptakunqakuchu, cuerponkutapas amataqmi kuchupakunqakuchu.

Miqueas 1:16

Jerusalenpi yachaqkuna, wawa-churikichikmanta qaparkachaspa barbaykichikta rutukuychik, ullachku hina paqla uma kanaykichikkama umaykichiktapas ruturachikuychik, ancha kuyasqaykichik wawa-churikichikmi karu llaqtakunaman preso apasqa kanqaku.

Josué 7:6

Hinaptinmi Josueywan Israelpa ancianonkuna, pachankuta llikipakuspanku, umankumanpas allpata machqekuspanku Tayta Diospa Arcanpa ñawpaqninpi tardeykuykama qonqoranpa kumuykurqaku.