Esdras 9:14 - CHUYA QELLQA La Biblia en Quechua de Ayacucho 2012

¹⁴ Chaynaqa, ¿huktawanraqchu kamachikuynikikunata mana kasukusaqku, hinaspa kay millakuypaq ruwaq runakunawan chaqrukusaqku? Manam chaytaqa ruwaymankuchu, chayta ruwaptiykuqa ñoqaykupaq piñakuruspaykichá llapallaykuta chinkarachiwankikuman.

Quechua Ayacucho Bible 1987

¹⁴ ¿Yapamantachum mana kasukusaqku kamachikuynikikunata, casarakusaqkuchum kay millakuypaq kaqkuna ruraq runakunawan? ¿Manachum piñakuwaq ñoqaykuta tukuruwanaykikukama, mana pipas puchunankama nitaq pipas lluptinankama?

Chuya Qellqa 1992

¹⁴ Chaynaqa, ¿huktawanraqchu kamachikuynikikunata mana kasukusaqku, hinaspa kay millakuypaq ruwaq runakunawan chaqrukusaqku? Manam chaytaqa ruwaymankuchu, chayta ruwaptiykuqa ñoqaykupaq piñakuruspaykichá llapallaykuta chinkarachiwankikuman.

Esdras 9:14 Iomraidhean Croise

Esdras 10:10

Hinaptinmi hatarispan paykunata sacerdote Esdras nirqa: Qamkunam huklaw nacionniyuq warmikunawan casarakuruspa hucha-llikurunkichik, kay ruwasqaykichikwanmi Israel runakunapa huchanta yaparqankichik.

Esdras 9:2

Paykunapas churinkupas chay nacionniyuq runakunapa warmi churinkunawanmi casarakurunku, chaynapim Diospa llaqtan huklaw llaqtayuq runakunawan chaqrukurunku. Kamachikuqkunawan gobernadorkunaraqmi puntataqa chay hucha ruwaytaqa qallaykurqaku, nispanku.

Esdras 9:8

Chaywanpas Dios Taytallayku, kunanmi pisi tiempollapaqpas kuyapayakuynikita qawaykachiwankiku, hinaspam wakiqllaykutapas libreta puchuykachiwankiku, chaynapi chuya allpapi hawka kawsanaykupaq. Diosnillayku, qanmi ñawillaykuta kanchariykuwankiku, esclavo kachkaptiykum allin kawsaytaraq qoykuwankiku.

Nehemías 13:18

Ñawpaq taytaykichikkunapas chaynatam ruwarqaku, chayraykum ñoqanchikmanpas chaynataq kay llaqtamanpas kay sasachakuykunata Diosninchik apamurqa. Chaynaqa, ¿samana punchawpi mana samaspachu Tayta Diosta aswanraq piñachiypi richkankichik? nispa.

Éxodo 23:32

Paykunawanpas, idolonkuwanpas amam ima contratotapas ruwankichu.

Éxodo 32:10

Chaynaqa, piñakuyniywan castigarunaypaq saqeykuway, paykunata tukuruspaymi qampa miraynikimantaña hatun nacionta ruwasaq, nispa.

Isaías 1:9

Sichum Tukuy Atiyniyuq Dios kamallatapas mana puchuykuwaptinchikqa Sodoma, Gomorra llaqtakunamanñachá rikchakuchwan karqa.

Jeremías 44:9

¿Qonqarunkichikñachu taytaykichikkunapa, Judá nacionpi reykunapa, reypa warminkunapa, qamkunapapas hinaspa warmikichikkunapas, Judá nacionpi chaynataq Jerusalén llaqtapa callenkunapi tukuy mana allin ruwasqaykichikta?

Jeremías 46:28

Ñoqa Tayta Diosmi kaynata nini: Serviqniy Jacob, ñoqam qanwan kachkani, ama manchakuychu. Cheqerachiptiy chayasqayki nacionkunatam pasaypaqta chinkarachisaq, qamtam ichaqa mana chinkachisqaykichu, huchaykiman hinam castigasqayki, castiganaymantaqa manam lluptinkichu, nispa.

Ezequiel 6:8

Chaywanpas ñoqaqa wakillayki-chiktapas puchuykusqaykichikraqmi. Chaynapim qamkunaqa guerramanta ayqespa nacionkunaman cheqechisqa kankichik.

Números 16:21

¡Kay runakunamanta asurikuychik, kunallanmi wañurachisaq! nispa.

Números 16:45

Kay runakunapa chawpinmanta asuriychik, kunallanmi paykunata wañuchisaq, nispa. Hinaptinmi paykuna qonqoranpa pampaman kumuykurqaku.

Juan 5:14

Jesusmi tumpa unaymanta chay runawan templopi tuparurqa, hinaspam nirqa: Sanoyaruchkaspaykiqa amañam hucha-llikunkiñachu, yanqañataq imapas aswanraq hamusunkiman, nispa.

Romanos 6:1

Chaynaqa, ¿imanisuntaq? ¿Aswan-raqchu huchallikusun Diospa kuyakuynin aswan ñoqanchikpi ka-nanpaq?

Deuteronomio 9:14

Ama harkawaychu, wañurachispay sutinkutapas kay pachamanta chinkarachisaq. Hinaspaymi qampa miraynikimantaña paykunamantapas aswan atiyniyuq nacionta hatarichispay achkallataña mirachisaq”, nispa.

Deuteronomio 9:8

Horeb orqopim Tayta Diosta piñachirqankichik, chayraykum qamkunapaq piña-kuruspa yaqalla chinkarachisurqankichik.

Jueces 2:2

ichaqa qamkunam kay allpapi yachaqkunawan ama ima contratotapas ruwankichikchu, aswanqa altarninkutapas tuñichinkichikmi”, nispay. Chaynata nichkaptiypas manam kasukurqankichikchu. ¿Imanasqataq kaynataqa ruwarunkichik?