Esdras 9:1 - CHUYA QELLQA La Biblia en Quechua de Ayacucho 2012

¹ Chaykuna ruwayta tukuruptinkum, llapa kamachikuqkuna asuykamuwaspa niwarqaku: Israel runakunawan sacerdotekuna hinaspa levitakunaqa manam rakikunkuchu millakuypaq ruwaq cananeokunamanta, heteokunamanta, ferezeokunamanta, jebuseokunamanta, amonitakunamanta, moabitakunamanta, egipciokunamanta hinaspa amorreokunamantaqa, aswanqa paykunapa millakuypaq ruwasqankutam qatipakunku.

Quechua Ayacucho Bible 1987

¹ Chaykuna rurayta tukuruptinkum ñoqaman hamurqa jefekuna, paykunam niwarqa: —Israel runakunaqa sacerdotekunapiwanmi hinaspa Leviy casta runakunapiwanmi mana rakikunkuchu wakin nacionniyoq runakunamanta otaq Canaan casta runakunamanta, Het casta runakunamanta, Feres casta runakunamanta, Jebus casta runakunamanta, Amon casta runakunamanta, Moab casta runakunamanta, Egipto nacionniyoq kaqkunamanta chaynataq Amor casta runakunamantapas. Chayraykum paykunapa millakuypaq rurasqankutaraq castanchikkunapas rurachkanku.

Chuya Qellqa 1992

¹ Chaykuna ruwayta tukuruptinkum, llapa kamachikuqkuna asuykamuwaspa niwarqaku: Israel runakunawan sacerdotekuna hinaspa levitakunaqa manam rakikunkuchu millakuypaq ruwaq cananeokunamanta, heteokunamanta, ferezeokunamanta, jebuseokunamanta, amonitakunamanta, moabitakunamanta, egipciokunamanta hinaspa amorreokunamantaqa, aswanqa paykunapa millakuypaq ruwasqankutam qatipakunku.

Esdras 9:1 Iomraidhean Croise

Génesis 15:16

Tawa kaq miraynikikunam kay allpaman kutimunqaku, chaykamam Amor casta runakunata huchallapiña kachkaptinkupas manaraq chinkachisaqchu, nispa.

1~Reyes 11:1

Rey Salomonqa Faraonpa churinwan casado kachkaspapas huklaw nacionniyuq warmikunatapas casararqam, paykunam karqa: Moab, Amón, Edom, Sidón hinaspa Het casta warmikuna.

2~Crónicas 33:2

Payqa Tayta Diospa qayllanpim mana allinkunata ruwarqa. Israelpa mirayninkunapa qayllanmanta Tayta Diospa qarqosqan runakunapa millakuypaq ruwasqankunatam ruwarqa.

2~Crónicas 8:7

Heteoku-namanta, amorreokunamanta, ferezeokunamanta, heveokunamanta hinaspa jebuseokunamanta puchuq runakunaqa manam Israelpa mirayninkunachu karqaku.

Esdras 10:2

Chaymi Elampa mirayninmanta kaq Jehielpa churin Secanías rimarispan Esdrasta nirqa: Ñoqaykum huklaw nacionniyuq warmikunawan casarakuruspayku Dios-ninchikpa contranpi huchallikuruniku, chaywanpas Israel runakunaqa atinmankum kay huchamanta lloqsiyta.

Esdras 10:8

pipas kimsa punchawkama mana hamuqtaqa, tukuy kapuqninkunata qechuspam preso risqankumanta kutimuqkuna ukumanta qarqonqaku, chaynataqa ruwanqaku kamachikuqkunapa hinaspa ancianokunapa nisqanman hinam”, nispa.

Nehemías 13:23

Chay tiempopiqa rikurqanitaqmi imaynam Judá castamanta wakiqnin runakuna Asdodmanta, Amonmanta hinaspa Moabmanta kaq warmikunawan casarakurusqankutapas.

Nehemías 4:3

Paywantaqmi kachkarqa Amón ayllumanta Tobiaspas, paypas kaynatam nirqa: Wak perqasqanku murallata qawaychik, waktaqa china atoqllapas qespiruspanqa tuñirachinqam, nispa.

Nehemías 4:7

Ichaqa Sanbalat, Tobías, Arabia lawmanta kaqkuna, Amón lawmanta kaqkuna hinaspa Asdod lawmanta kaqkunam, Jerusalén llaqtapa murallankuna allichasqaykuta chaynataq raqrankunatapas wichqasqaykuta uyariruspanku sinchillataña piñakururqaku.

Nehemías 9:2

Huklaw llaqtayuqkunapa mirayninkunamanta rakikuspankum, kikinkupa huchankutawan ñawpaq taytankupa huchakunata willakurqaku.

Éxodo 13:5

Tayta Diosmi cananeokunapa, heteokunapa, hititakunapa hinaspa jebuseokunapa allpanman pusasunkichik. Ñawpaq taytaykichikmanmi jurarqa tukuy imakunapa kanan chaynataq tukuy kawsaypa qespinan allpata qosunaykichikpaq. Chay allpaman yaykuspaykichikmi kay fiestata Abib killapi ruwankichik.

Éxodo 23:23

Angelniymi puntaykita rispa amorreokunapa, heteokunapa, ferezeokunapa, cananeokunapa, hititakunapa hinaspa jebuseokunapa kasqanman pusasunki. Paykunataqa ñoqam puchukachisaq.

Éxodo 33:16

Ñoqaykuwan mana riptikiqa, ¿imay-nataq yachasaqku llaqtaykita chaynataq ñoqatapas yanapawasqaykikutaqa? ¿Imapitaq ñoqapas hinaspa runaykikunapas kay pachapi runakunamanta rakisqa kasaqku? nispa.

Isaías 52:11

¡Babilonia llaqtamanta utqayman lloqsiychik, millakuypaq kaqkunataqa ama llapchaychikchu! ¡Paykunapa chawpinmanta lloqsiychik, Diospa servicionkunata apaqkuna chuyanchakuychik!

Jeremías 26:10

Judá nacionpi kamachikuqkunañataqmi, chaykunata yacharuspanku, reypa palacionmanta temploman rirqaku, hinaspam “Musoq Punku” nispa sutichasqanku punkupi juzgawanankupaq tiyaykurqaku.

Jeremías 26:16

Hinaptinmi sacerdotekunatawan profetakunata, llapa kamachikuqkunawan runakuna nirqaku: Yupaychasqanchik Tayta Diospa sutinpim payqa rimapayawarqanchik, manam wañunanpaqqa sentenciachwanchu, nispanku.

Levítico 18:3

Egipto nacionpi runakunapa ruwas-qankuta hinaqa amam imatapas ruwan-kichikchu. Canaán nacionpi yachaspaykichikpas amam chay llaqtayuq runakunapa ruwas-qankutaqa ruwankichikchu, amataqmi costumbrenman hinaqa kawsankichikchu.

Malaquías 2:11

Judá nacionmi Tayta Diosta qepanchakurun, Israel nacionpiwan Jerusalén llaqtapipas millakuypaq kaqkunallatam ruwachkanku. Judá nacionmi Diospa templonta millakuypaq huchata ruwaspan qachacharun, qarikunapas huklaw nacionkunapa diosninkunata yupaychaq warmikunawanmi casarakurunku.

Números 23:9

Kay alto orqokunamantam paykunata qawarini, kay moqokunamantam paykunata rikuykuni. Paykunaqa wakin nacionkunamanta sapaqchakuspa yachaq runakunam.

Números 25:6

Diosman asuykuna carpapa punkunpi Moiseswan Israelpa mirayninkuna waqachkaptinkum, huk israelita runa lliwpa qawasqanta madianita warmita carpanman pusaykurqa.

Deuteronomio 18:9

Señornikichik Tayta Diospa qosunaykichik allpaman yaykuspaqa, amam chaypi runakunapa millakuypaq mana allinkuna ruwayninkutaqa qatipakunkichikchu.

Deuteronomio 23:8

Paykunapa willkankupa churinkunam ichaqa Tayta Diospa qayllanpi huñunakuyman yay-kunqaku.

Deuteronomio 7:1

Señornikichik Tayta Diosmi yacha-naykichik allpaman pusaykususpaykichik qamkunamantapas hatun chaynataq atiyniyuq qanchis nacionkunata qayllaykichikmanta wischunqa; chay nacionkunam kaykuna: Heteo-kuna, gergeseokuna, amorreokuna, cananeokuna, ferezeokuna, heveokuna chaynataq Jebuseokuna.

Josué 23:12

Sichum Tayta Diosmanta rakikuspaykichik qamkuna ukupi yachaq huklaw nacionniyuq runakunawan hukllawakuspa paykunawan casarakuptikichikqa,