Esdras 8:36 - CHUYA QELLQA La Biblia en Quechua de Ayacucho 2012

³⁶ Eufrates mayupa intipa seqaykunan lawninpi kamachikuqkunamanwan capitankunamanpas reypa qellqamusqan kamachikuykunatam qorqaku. Paykunam Israelpa mirayninkunata Tayta Diospa templon ruwaypi yanaparqaku.

Quechua Ayacucho Bible 1987

³⁶ Reypa qellqamusqan kamachikuykunatapas qorqakutaqmi Eufrates Mayupa kaylawninpi kaq prefectokunaman chaynataq capitankunaman. Paykunapas yanaparqakum Israelpa castankunata, yanaparqakutaqmi Diospa templon rurayninkupipas.

Chuya Qellqa 1992

³⁶ Eufrates mayupa intipa seqaykunan lawninpi kamachikuqkunamanwan capitankunamanpas reypa qellqamusqan kamachikuykunatam qorqaku. Paykunam Israelpa mirayninkunata Tayta Diospa templon ruwaypi yanaparqaku.

Esdras 8:36 Iomraidhean Croise

Esdras 6:13

Chaymi Eufrates mayupa waklawninpi kamachikuq Tatnaiwan Setar-boznai hinaspa paykunawan kaqkuna, rey Dariopa kamachikusqanman hina ruwarqaku.

Nehemías 2:7

Reytaqa nirqanitaqmi: Reynilláy, allinpaq rikchakapusuptikiqa, Eufrates mayupa waklawninpi kamachikuqkunapaqyá cartakunata qoykuway, chaynapi Judá lawman chayanaykama ama harkawanankupaq.

Ester 3:12

Hinaptinmi chay watapi punta kaq killapa chunka kimsayuq punchawninpi, reypa secretarionkuna Amanpa kamachikusqanman hina regionkunapi hinaspa provinciakunapi gobernadorkunaman, chaynallataq nacionkunapi kamachikuqkunamanpas, qellqasqankuman chaynataq rimayninkuman hina qellqarqaku. Rey Asueropa sutinpi qellqaspankum anillonwan sellarqaku.

Ester 9:3

Chaymi llapa provinciakunapi reypa churasqan kamachikuqkunapas, gobernadorkunapas hinaspa autoridadkunapas Mardoqueota manchakuspanku judiokunataña yanaparqaku.

Proverbios 16:7

Runapa ñannin Tayta Diospa munasqanpaq hina kaptinqa, Tayta Diosmi chay runataqa enemigonkunawan hawkayaypi kawsachinqa.

Hechos 18:27

Acaya lawman Apolos rinanpaq kaptinmi, Éfeso llaqtapi wawqe-panikuna kallpanchaspanku, chay llaqtapi kaq iñiqkunaman cartata qellqarqaku, chaynapi Apolos chayaptin allinllata chaskiykunankupaq. Chay llaqtaman Apolos chayaruspanmi, Diospa kuyakuyninman hina iñiqkunata llumpayta yanaparqa.

Apocalipsis 12:16

Ichaqa allpam chay warmita yanaparqa hinaspam siminta kichariykuspan Dragonpa atqomusqan achka-achka yakuta millpururqa.