Esdras 8:21 - CHUYA QELLQA La Biblia en Quechua de Ayacucho 2012

²¹ Chaymantam Ahava mayupa patanpi ayunanaykupaq kamachikurqani, Tayta Diospa qayllanpi uchuychakuspa payta mañakunaykupaq, chaynapi ñoqaykupas, warmaykupas chaynataq llapa kapuqniykupas ñanta allinlla rinaykupaq.

Quechua Ayacucho Bible 1987

²¹ Ñoqam kamachirqani Ahava Mayupa patanpi ayunanaykupaq hinaspa Diosniykupa ñawpaqninpi humillakuspa payta mañakunaykupaq chaynapi ñoqaykupas, warmaykupas chaynataq llapa kapuqniykupas rinayku ñanpi allinlla kananpaq.

Chuya Qellqa 1992

²¹ Chaymantam Ahava mayupa patanpi ayunanaykupaq kamachikurqani, Tayta Diospa qayllanpi uchuychakuspa payta mañakunaykupaq, chaynapi ñoqaykupas, warmaykupas chaynataq llapa kapuqniykupas ñanta allinlla rinaykupaq.

Esdras 8:21 Iomraidhean Croise

2~Crónicas 20:3

Chaymi Josafatqa mancharikuspan Tayta Diosta mañakurqa yanapananpaq, Judá nacionpi llapallan runakunamanmi willachirqa ayunanankupaq.

2~Crónicas 20:4

Hinaptinmi Judá nacionpi kaqkuna huñunakururqaku Tayta Diospa yanapakuyninta mañakuspanku, hamurqakutaqmi Judá nacionpi llapallan llaqtakunapi kaqkunapas.

Esdras 8:15

Ñoqa Esdrasmi paykunata huñurqani Ahava mayupa patanpi, hinaspam chaypi kimsa punchaw samarqaniku. Llapa runakunapa hinaspa sacerdotekunapa chawpinpi levitakunata watukuykuspaymi mana hukllatapas tarirqanichu.

Esdras 8:31

Watapa qallariynin Abib killapa chunka iskayniyuq punchawninpim Ahava mayu patanmanta Jerusalenman pasarqaniku; Diosniykum waqaychapawaspanku enemigoykumantapas chaynataq salteaqkunamantapas librawarqaku.

Nehemías 9:1

Hina chay killapa iskay chunka tawayuq punchawninpim, Israelpa mirayninkuna huñunakurqaku ayunanankupaq, hinaspam qachqa pachawan churakuspanku umankumanpas allpawan machqekurqaku.

Ester 4:16

Susa llaqtapi judío runakunatayá ñoqapaq ayunanankupaq huñuramuy, kimsa punchaw kimsa tutam ama mikunkichikchu nitaq tomankichikchu. Ñoqapas serviqniy sipaskunapiwanmi ayunasaq, chaymantañam reypa qayllanman yaykusaq, leyman hina mana yaykuna kachkaptinpas, wañunay otaq kawsanay kaptinpas, nispa.

Proverbios 3:6

Tukuy ima ruwasqaykipipas Tayta Diospi yuyaymanay, hinaptinqa paymi munasqanman hina kawsachisunki.

Isaías 30:21

Hinaspapas rinrikichikwanmi uyarinki qepaykimanta kayna rimapayakuyta: Kaymi allin ñan, chayninta puriychik, amayá alleqmanpas nitaq ichoqmanpas muyuychikchu, niqta.

Isaías 35:8

Chaynintam hatun ñan rinqa, Diospaq sapaqchasqa ñanwanmi sutichanqaku. Huchasapakunaqa manam chaynintaqa purinqachu, mana yuyayniyuqkunaqa manam chaynintaqa purinqachu Diospuni paykunawan kasqanrayku.

Isaías 42:16

Ñawsakunatam mana reqsisqanku ñanninta pusasaq, ñawpaqninkupim tutayayta achkiyman tikrasaq, ranra ñantam pampa ñanmanña tikrasaq. Paykunapaqmi tukuy kaykunata ruwasaq, paykunataqa manam saqesaqchu.

Isaías 49:10

Manam yarqachikunqakuchu, nitaqmi yakunayachikunqakuchu, intipa rupayninpas manam ñakarichinqachu; kuyapayaspaymi paykunata pusasaq, pukyumanta lloqsiq yakupa kasqanmanmi pusasaq.

Isaías 58:3

Chaywanpas niwankuraqmi: ¿Imapaqtaq ayunaymanku mana rikuwachkaptikikuqa? ¿Imapaqtaq ñakariymanku mana kaqpaqpas hapiwachkaptikikuqa? nispanku. Ayunasqaykichik punchawmi munasqaykichikta ruwakunkichik, llapallan llamkapakusuqnikichiktam chay punchawpi ñakarichinkichik.

Isaías 58:5

Qamkunaqa tanteankichik ayunoqa ñakarispa totora hina kumurayana kasqantam, qachqa pachawan pachakuruspa chay punchaw uchpapi wischurayana kasqantam. ¿Chaykuna ruwaytachu qamkuna ayunom ninkichik? ¿Chaykunata ruwaspachu Tayta Diospa agradoypaq ayuno punchawmi ninkichik?

Jeremías 10:23

Dios Taytalláy, yachanim, runaqa manam kawsayninmantaqa dueñochu, runaqa manam yachakunchu imayna kanantapas.

Jeremías 42:3

Yupaychasqayki Tayta Diosyá niykuwachunku maymanmi rinaykutapas chaynataq imam ruwanaykutapas, nispanku.

Daniel 9:3

Hinaptinmi ayunakuspay Señor Diosta mañakurqani, paytaqa mañakurqani hawaypi uchpallaña luto pachayuqmi.

Joel 1:14

Ayunopaq runakunata huñumuychik, Diospa templonman kay nacionpi kamachikuqkunatawan runakunata huñumuychik, hinaspa Tayta Diosta qayakuychik.

Levítico 16:29

Kaymi qamkunapaq wiña-wiñaypaq decretoy kanqa: Qanchis kaq killapa chunka punchawninpim ayunankichik hinaspam ama llamkankichikchu, amataqmi llaqtamasikichikpas llamkanqachu nitaq qamkunawan kaq huklaw llaqtayuqpas.

Levítico 16:31

Chay punchawqa samana punchawmi qamkunapaq kanqa. Chay punchawpim ayunankichik, wiña-wiñaypaq decretoymi kayqa.

Levítico 23:29

Pipas chay punchawpi mana ayunaqqa llaqtanmantam chinkachisqa kanqa.

Jonás 3:5

Hinaptinmi Nínive llaqtapi yachaqkuna, Diospa nisqanta uyariykuspanku, hatunpas taksapas ayunaspanku huchan-kumanta wanakuspa qachqa pachakunawan churakurqaku.

Jonás 3:7

Hinaspam reyqa yanapaqninkunapiwan, Nínive llaqtapi kamachikurqa kaynata: Amam pipas mikunqachu, hatun uywakunawan taksa uywakunapas amataqmi pastota mikunqachu, nitaq yakutapas tomanqachu.

Números 14:3

¿Imapaqtaq Tayta Dios kay allpaman pusamuwarqanchik guerrapi wañunanchikpaq? ¿Warminchikkunatapas chaynataq churinchikkunatapas enemigonchik qechuwananchikpaq? ¡Egipto nacionman kutikuyninchikmi allinqa kanman! nispanku.

Números 14:31

Qamkunam nirqankichik: Churin-chikkunataqa enemigonchikkunachá qechuruwasun, nispaykichik. Aswanqa paykunatam wischupakusqaykichik allpaman yaykuchisaq, paykunam chay allpapi yachanqaku.

Hechos 2:39

Kay promesaqa qamkunapaqwan, miraynikichikkunapaq, llapallan karu llaqtapi kaqkunapaq hinaspa Señorninchik Diospa munasqanman hina lliw qayas-qakunapaqwanmi.

Jueces 20:26

Chaymi Israelpa llapallan mirayninkunaqa Tayta Diospa qayllanpi waqaspa mañakunankupaq Bet-el llaqtaman rirqaku, hinaspam chay punchaw tutaykunankama ayunarqaku, ofrecerqakutaqmi lliw kañanapaq animalkunatawan allinlla kasqankumanta ofrendakunatapas.

1~Samuel 7:6

Israelpa mirayninkunam Mizpa llaqtapi huñunakururqaku, chaypim yakuta hurqospanku ofrendata hina Diospa ñawpaqninpi machqerqaku, chay punchawmi ayunaspanku Diospa contranpi huchallikusqankuta lliw reqsikurqaku. Samuelmi Israelpa mirayninkunata Mizpa llaqtapi juzgarqa.