Esdras 8:18 - CHUYA QELLQA La Biblia en Quechua de Ayacucho 2012

¹⁸ Chaynapim Diosniyku ñoqaykuwan kasqanrayku kachamurqaku Israelpi Leví ayllumanta kaq Mahlipa churin ancha yachayniyuq Serebiasta, churinkunata hinaspa wawqenkunata; llapallan hamuqkunam karqaku chunka pusaqniyuq runakuna.

Quechua Ayacucho Bible 1987

¹⁸ Chaynapimá Diosniyku favorecewasqankurayku ñoqaykuman pusamurqa yachayniyoq Serebiasta, churinkunata hinaspa wawqenkunata llapallankum karqa chunka pusaqniyoq runakuna. Serebiasqa karqa Mahlipa mirayninmanta kaqmi. Mahliñataqmi karqa Leviypa mirayninmanta kaq. Leviyñataqmi karqa Israelpa churin.

Chuya Qellqa 1992

¹⁸ Chaynapim Diosniyku ñoqaykuwan kasqanrayku kachamurqaku Israelpi Leví ayllumanta kaq Mahlipa churin ancha yachayniyuq Serebiasta, churinkunata hinaspa wawqenkunata; llapallan hamuqkunam karqaku chunka pusaqniyuq runakuna.

Esdras 8:18 Iomraidhean Croise

1~Crónicas 6:1

Leviypa churinkunam karqa: Gersón, Coat hinaspa Merari.

1~Crónicas 6:19

Meraripa churinkunam karqa: Mahli hinaspa Musi. Kaykunam Leviypa mirayninkuna karqaku.

1~Crónicas 6:4

Eleazarpa churinmi karqa Finees, Fineespañataqmi Abisúa.

2~Crónicas 30:22

Chaymi tukuy sonqowan Tayta Diosta serviq levitakunata sumaq rimaykunawan rey Ezequías kallpancharqa. Qanchis punchawmi fiestapi wañu-chisqanku animalkunata mikurqaku, Dioswan allinlla kasqankumanta ofrendatapas ofrecespankum ñawpaq taytankupa yupaychasqan Tayta Diosman graciasta qorqaku.

Esdras 7:28

Tayta Diosmi reypa qayllanpi, consejaqninkunapa ñawpaqninpi hinaspa reypa churasqan kamachikuqkunapa ñawpaqninpi llakipayariykuwaspan kallpanchaykuwarqa, chaymi Tayta Diospa yanapasqan kaspay, Israelpa kamachiqninkunata huñurqani ñoqawan kuska Jerusalenman kutimunankupaq, nispa.

Esdras 7:6

Esdrasqa karqa Moisesnintakama Israelpa mirayninkunaman Tayta Diospa kamachikuykuna qosqanta allin yachaqmi. Tayta Diosmi Esdrasta yanaparqa, chayraykum rey Artajerjespas tukuy ima mañakusqanta qoykurqa. Chaynatam Babiloniamanta Esdras kutimurqa.

Esdras 7:9

Babiloniamantam watapa punta kaq killanpa qallariynin punchawpi lloqsimurqa, hinaspam chay watapa pichqa kaq killanpa qallariynin punchawpi Jerusalenman chayamurqa. Tayta Diosmi payta yanaparqa.

Esdras 8:16

Chaymi Eliezerta, Arielta, Semaiasta, Elnatanta, Jaribta, Elnatanta, Natanta, Zacariasta hinaspa Mesulamta qayachimurqani, paykunaqa kamachikuqkunam karqaku. Qayachimurqanitaqmi Joiaribtawan Elnatantapas, paykunam yachaypa huntasqan runakuna karqaku.

Esdras 8:19

Kachamurqaku-taqmi Meraripa mirayninmanta kaq Hasabias-tawan Jesaiastapas, paykunam churinkunapiwan wawqenkunapiwan karqaku iskay chunka runakuna.

Esdras 8:22

Chaynataqa ruwarqani ñanpi enemigokunamanta waqaychawanankupaq reymanta sillada tropakuna mañakuyta penqakusqayraykum. Reytaqa nirqanikutaqmi: “Diosniykuqa maskaqninkunatam waqaychan, qepanchaqninkunamanmi ichaqa sinchi piñakuyninta kacharin”, nispaykupas.

Esdras 8:24

Chaymantam sacerdotekunamanta chunka iskayniyuq kamachikuqkunata rakirqani, paykunam karqa: Serebiaswan Hasabías hinaspa paykunapa ayllunmanta kaq chunka runakuna.

Nehemías 10:12

Zacur, Serebías, Sebanías,

Nehemías 12:24

Levitakunapa kamachiqninkunam karqaku: Hasabías, Serebías, Jesúa, Cadmiel. Paykunapa chimpanpiñataqmi karqaku castankuna, chaynapi muyuyninpi Tayta Diosta yupaychaspa payman graciasta qonankupaq. Chaynatam kamachikurqa Diospa serviqnin David.

Nehemías 2:8

Huk cartatañataq sachaykikunata waqaychaq Asafpaq, chaynapi qerukunata qowananpaq, chaykunawan templopa punkunkunata, llaqtapa perqanta hinaspa yachanay wasitapas ruwachinaypaq, nispay. Chaymi reyqa cartakunata qoykuwarqa, Tayta Diospa yanapawasqanman hina.

Nehemías 8:7

Levitakunamanta Josueywan Bani, Serebías, Jamín, Acub, Sabetai, Hodías, Maasías, Kelita, Azarías, Jozabed Hanán hinaspa Pelaiañataqmi Diospa kamachikuyninta llapa runakunapa rimayninman tikraspa sumaqta entiendechirqaku. Llapa Runakuna maymi kasqankupi qasillalla sayaptinkum

Proverbios 24:3

Wasitaqa yachaywanmi hatarichina, allinta tantearispam cimientonta churana.

Proverbios 3:6

Tukuy ima ruwasqaykipipas Tayta Diospi yuyaymanay, hinaptinqa paymi munasqanman hina kawsachisunki.

Jeremías 3:15

Sonqoypa munasqanman hina michisuqnikichiktam qosqaykichik, paykunam yachaywan chaynataq yuyaywan michisunkichik.

Daniel 1:20

Imapas yachay kaqkunamantawan entiendena kaqkunamanta rey tapuspanmi paykunata chunka kuti aswan yachayniyuqtaraq tarirqa, nacionninpi layqakunamantapas hinaspa qawaqkunamantapas.

Números 3:20

Meraripa churinkunam ayllunman hina karqaku Mahli hinaspa Musi. Kaykunam Leviypa churinkuna ayllunkuman hina karqaku.

1~Corintios 14:20

Wawqekuna, amayá wawakuna hinaqa piensaychikchu, wawakuna hinaqa kaychik mana allinkunapaqyá, aswanqa yuyayniyuq runakuna hinañayá piensaychik.