Esdras 8:15 - CHUYA QELLQA La Biblia en Quechua de Ayacucho 2012

¹⁵ Ñoqa Esdrasmi paykunata huñurqani Ahava mayupa patanpi, hinaspam chaypi kimsa punchaw samarqaniku. Llapa runakunapa hinaspa sacerdotekunapa chawpinpi levitakunata watukuykuspaymi mana hukllatapas tarirqanichu.

Quechua Ayacucho Bible 1987

¹⁵ Ñoqa Esdrasmi huñurqani paykunata Ahava lawman riq mayupa patanpi hinaspam chaypi karpaykuta sayachispa kimsa punchaw samarqaniku. Runakunapa chaynataq sacerdotekunapa chawpinpi maskaspayñataqmi mana tarirqanichu Leviypa mirayninmanta kaqkunata.

Chuya Qellqa 1992

¹⁵ Ñoqa Esdrasmi paykunata huñurqani Ahava mayupa patanpi, hinaspam chaypi kimsa punchaw samarqaniku. Llapa runakunapa hinaspa sacerdotekunapa chawpinpi levitakunata watukuykuspaymi mana hukllatapas tarirqanichu.

Esdras 8:15 Iomraidhean Croise

Esdras 7:24

Kamachikichiktaqmi kaytapas: Llapa sacerdotekunamanta, levitakunamanta, takiqkunamanta, punku waqaychaqkunamanta, templopi servikuqkunamanta, Diospa templonpi wakiq servikuqkunamantaqa amam ima impuestotapas cobrankichikchu.

Esdras 7:28

Tayta Diosmi reypa qayllanpi, consejaqninkunapa ñawpaqninpi hinaspa reypa churasqan kamachikuqkunapa ñawpaqninpi llakipayariykuwaspan kallpanchaykuwarqa, chaymi Tayta Diospa yanapasqan kaspay, Israelpa kamachiqninkunata huñurqani ñoqawan kuska Jerusalenman kutimunankupaq, nispa.

Esdras 7:7

Qanchis wataña rey Artajerjes munaychakuchkaptinmi, Abib killapi, Israelpa wakin mirayninkuna, sacerdotekuna, levitakuna, takiqkuna, punku nanachikuqkuna hinaspa templopi servikuqkuna Esdraswan kuska Jerusalenman kutimurqaku.

Esdras 8:14

Bigvaipa mirayninkunamanta Utai-wan Zabud, paykunawanmi kutimurqaku qanchis chunka runakuna.

Esdras 8:16

Chaymi Eliezerta, Arielta, Semaiasta, Elnatanta, Jaribta, Elnatanta, Natanta, Zacariasta hinaspa Mesulamta qayachimurqani, paykunaqa kamachikuqkunam karqaku. Qayachimurqanitaqmi Joiaribtawan Elnatantapas, paykunam yachaypa huntasqan runakuna karqaku.

Esdras 8:2

Fineespa mirayninkunamanta Gersón; Itamarpa mirayninkunamanta Daniel; Davidpa mirayninkunamanta Hatús;

Esdras 8:21

Chaymantam Ahava mayupa patanpi ayunanaykupaq kamachikurqani, Tayta Diospa qayllanpi uchuychakuspa payta mañakunaykupaq, chaynapi ñoqaykupas, warmaykupas chaynataq llapa kapuqniykupas ñanta allinlla rinaykupaq.

Esdras 8:31

Watapa qallariynin Abib killapa chunka iskayniyuq punchawninpim Ahava mayu patanmanta Jerusalenman pasarqaniku; Diosniykum waqaychapawaspanku enemigoykumantapas chaynataq salteaqkunamantapas librawarqaku.

Ezequiel 1:1

Kimsa chunka watapa tawa kaq killanpa pichqa kaq punchawninpim, Quebar mayupa patanpi preso apasqakunawan kuska kachkarqani, hinaptinmi cielokuna kicharikuykuptin Diospa revelacionninta chaskirqani.

Ezequiel 3:15

Chaynapim Quebar mayupa patanpi Tel-abib llaqtaman chayarurqani. Chaypim Israelmanta preso apasqakuna yacharqaku, hinaspaymi paykunawan qanchis punchaw karqani, ichaqa manam ima ruwaytapas nitaq ima niytapas atirqanichu.

Hechos 16:13

Samana punchawpim llaqtamanta lloqsirqaniku, hinaspam Diosta mañakunanku mayupa patanman rirqa-niku. Chaypi tiyaykuspaykum huñunaka-muq warmikunaman Jesusmanta willarqa-niku.