Esdras 8:1 - CHUYA QELLQA La Biblia en Quechua de Ayacucho 2012

¹ Ayllunkuman chaynataq ñawpaq taytankuman hina, rey Artajerjes munaychakuchkaptin Babiloniamanta Jerusalenman ñoqawan kutimuq kamachikuqkunam kaykuna:

Quechua Ayacucho Bible 1987

¹ Rey Artajerjes gobiernachkaptin abuelonkunapa listanman hina chaynataq familiankunaman hina Babilonia lawmanta ñoqawan kutiqkunam kaykuna:

Chuya Qellqa 1992

¹ Ayllunkuman chaynataq ñawpaq taytankuman hina, rey Artajerjes munaychakuchkaptin Babiloniamanta Jerusalenman ñoqawan kutimuq kamachikuqkunam kaykuna:

Esdras 8:1 Iomraidhean Croise

1~Crónicas 24:31

Paykunapas ayllunku Aaronpa mirayninkuna hinam sortearqaku, rey Davidpa, Sadocpa, Ahimelecpa, sacerdotekunapa mirayninpi kamachikuqkunapa hinaspa levitakunapi kamachikuqkunapa qayllanpi. Mayor wawqenkupa ayllunpas hinaspa sullka wawqenkupa ayllunpas hina chayna sorteasqallam karqaku.

1~Crónicas 26:32

Jeriaspa wawqenkunaqa allin kallpasapa qarikunam karqaku, ayllunkupi kamachisqankuman hinam iskay waranqa qanchis pachaknin karqaku; paykunatam rey David churarqa Rubén ayllupi, Gad ayllupi hinaspa Manasespa wakin ayllupi kamachikunankupaq, Tayta Diospa kaqninkunapipas chaynataq reypa kaqninkunapipas.

1~Crónicas 4:33

Chaynallataq chay hatun llaqtakunapa muyuriqninpi kaq taksa llaqtachakunapas Baalat llaqtakama. Chaykunam karqa paykunapa yachanan llaqtakuna, chaykunataqmi mirayninkunapas.

1~Crónicas 9:1

Kaynatam Israelpa mirayninkuna, ayllun-ayllun, Israelpi reykunapa libronpi listasqa karqaku. Judá nacionpi runakunam ichaqa, huchallikusqankurayku Babiloniaman apasqa karqaku.

1~Crónicas 9:34

Paykunam Leví ayllupi kamachikuqkuna karqaku, paykunaqa Jerusalén llaqtapim yacharqaku.

2~Crónicas 26:12

Ayllunkuman hina kamachikuqkunam karqaku iskay waranqa soqta pachaknin allinnin qari-qari soldadokuna.

Esdras 1:5

Jerusalén llaqtapi Tayta Diospa templon ruwaq rinankupaqmi Judá ayllupa chaynataq Benjamín ayllupa kamachiqninkunawan sacerdotekuna hinaspa levitakuna hatarirqaku, hatarirqakutaqmi haykam Tayta Diospa sonqochasqan runakunapas paykunawan rinankupaq.

Esdras 2:2

Kaykunam Zorobabelwan kuska kutimuqkuna: Josué, Nehemías, Seraías, Reelaías, Mardoqueo, Bilsán, Mispar, Bigvai, Rehum hinaspa Baana. Israel llaqtayuqkunamanta kutimuqkunam kaykuna:

Esdras 2:3

Parospa mirayninmantam karqa iskay waranqa pachak qanchis chunka iskayniyuq.

Esdras 2:62

Paykunam ñawpaq taytankunapa sutinta listakunapi maskaspanku mana tarirqakuchu, chaynapim sacerdote kayninkumantapas hurqosqa karqaku.

Esdras 7:13

Munaychakusqay nacionpi llapallan Israelpa mirayninkunatawan sacerdotenkunata hinaspa levitakunatam kamachini, pipas Jerusalén llaqtaman riyta munaspaqa qanwanyá kutichunku.

Esdras 7:28

Tayta Diosmi reypa qayllanpi, consejaqninkunapa ñawpaqninpi hinaspa reypa churasqan kamachikuqkunapa ñawpaqninpi llakipayariykuwaspan kallpanchaykuwarqa, chaymi Tayta Diospa yanapasqan kaspay, Israelpa kamachiqninkunata huñurqani ñoqawan kuska Jerusalenman kutimunankupaq, nispa.

Esdras 7:6

Esdrasqa karqa Moisesnintakama Israelpa mirayninkunaman Tayta Diospa kamachikuykuna qosqanta allin yachaqmi. Tayta Diosmi Esdrasta yanaparqa, chayraykum rey Artajerjespas tukuy ima mañakusqanta qoykurqa. Chaynatam Babiloniamanta Esdras kutimurqa.

Esdras 7:7

Qanchis wataña rey Artajerjes munaychakuchkaptinmi, Abib killapi, Israelpa wakin mirayninkuna, sacerdotekuna, levitakuna, takiqkuna, punku nanachikuqkuna hinaspa templopi servikuqkuna Esdraswan kuska Jerusalenman kutimurqaku.

Esdras 8:2

Fineespa mirayninkunamanta Gersón; Itamarpa mirayninkunamanta Daniel; Davidpa mirayninkunamanta Hatús;