Esdras 7:6 - CHUYA QELLQA La Biblia en Quechua de Ayacucho 2012

⁶ Esdrasqa karqa Moisesnintakama Israelpa mirayninkunaman Tayta Diospa kamachikuykuna qosqanta allin yachaqmi. Tayta Diosmi Esdrasta yanaparqa, chayraykum rey Artajerjespas tukuy ima mañakusqanta qoykurqa. Chaynatam Babiloniamanta Esdras kutimurqa.

Quechua Ayacucho Bible 1987

⁶ Chay Esdrasmi karqa allin yachayniyoq Moisespa yachachikuynin allin yachachiq. Chay yachachikuytaqa Israelpa yupaychasqan Tayta Diosmi Moisesman qorqa. Yupaychasqan Tayta Dios Esdrasta yanapaptinmi Rey Artajerjes payman qoykurqa tukuy ima mañakusqanta. Chaynapimá Esdras kutimurqa Babilonia lawmanta.

Chuya Qellqa 1992

⁶ Esdrasqa karqa Moisesnintakama Israelpa mirayninkunaman Tayta Diospa kamachikuykuna qosqanta allin yachaqmi. Tayta Diosmi Esdrasta yanaparqa, chayraykum rey Artajerjespa tukuy ima mañakusqanta qoykurqa. Chaynatam Babiloniamanta Esdras kutimurqa.

Esdras 7:6 Iomraidhean Croise

Génesis 32:28

Hinaptinmi chay runa nirqa: Manañam Jacobñachu sutikiqa kanqa, aswanqa Israelñam, Dioswanpas chaynataq runakunawanpas peleaspa vencerusqaykirayku, nispa.

Esdras 5:5

Ichaqa Tayta Diosmi ancianokunata waqaycharqa, chaynapim mana harkakuyta atirqakuchu, rey Darioman cartata apachiptinku huk cartawan contestamunankama.

Esdras 6:22

Qanchis punchawmi mana levadurayuq tanta fiestata llumpay kusisqallaña ruwarqaku. Tayta Diosmi Asiria nacionpa reyninwan yanapachirqa Israelpa yupaychasqan Tayta Diospa templon ruwaypi, chayraykum paykunaqa llumpay kusisqallaña karqaku.

Esdras 7:21

Ñoqa rey Artajerjesmi, Eufrates mayupa waklawninpi qori-qollqey waqaychaqkunata kaynata kamachimuykichik: Hanaq pachapi Tayta Diospa kamachikuyninta allinta yachaq sacerdote Esdraspa tukuy ima mañasusqaykichiktam utqayman qonkichik.

Esdras 7:28

Tayta Diosmi reypa qayllanpi, consejaqninkunapa ñawpaqninpi hinaspa reypa churasqan kamachikuqkunapa ñawpaqninpi llakipayariykuwaspan kallpanchaykuwarqa, chaymi Tayta Diospa yanapasqan kaspay, Israelpa kamachiqninkunata huñurqani ñoqawan kuska Jerusalenman kutimunankupaq, nispa.

Esdras 7:5

Buquim karqa Abisuapa churin, Abisuañataqmi Fineespa, Fineesñataqmi karqa Eleazarpa churin. Eleazarmi karqa punta kaq sacerdote Aaronpa churin.

Esdras 7:9

Babiloniamantam watapa punta kaq killanpa qallariynin punchawpi lloqsimurqa, hinaspam chay watapa pichqa kaq killanpa qallariynin punchawpi Jerusalenman chayamurqa. Tayta Diosmi payta yanaparqa.

Esdras 8:1

Ayllunkuman chaynataq ñawpaq taytankuman hina, rey Artajerjes munaychakuchkaptin Babiloniamanta Jerusalenman ñoqawan kutimuq kamachikuqkunam kaykuna:

Esdras 8:18

Chaynapim Diosniyku ñoqaykuwan kasqanrayku kachamurqaku Israelpi Leví ayllumanta kaq Mahlipa churin ancha yachayniyuq Serebiasta, churinkunata hinaspa wawqenkunata; llapallan hamuqkunam karqaku chunka pusaqniyuq runakuna.

Esdras 8:22

Chaynataqa ruwarqani ñanpi enemigokunamanta waqaychawanankupaq reymanta sillada tropakuna mañakuyta penqakusqayraykum. Reytaqa nirqanikutaqmi: “Diosniykuqa maskaqninkunatam waqaychan, qepanchaqninkunamanmi ichaqa sinchi piñakuyninta kacharin”, nispaykupas.

Esdras 8:31

Watapa qallariynin Abib killapa chunka iskayniyuq punchawninpim Ahava mayu patanmanta Jerusalenman pasarqaniku; Diosniykum waqaychapawaspanku enemigoykumantapas chaynataq salteaqkunamantapas librawarqaku.

Nehemías 12:26

Paykunam gobernador Nehemiaspa, yachachikuq sacerdote Esdraspa hinaspa Josueypa churin Joiacimpa tiemponpi kawsarqaku. Josueyqa karqa Josadacpa churinmi.

Nehemías 12:36

paykunawantaqmi wawqenkunapas rirqaku. Paykunam karqaku: Semaías, Azarael, Milalai, Gilalai, Maai, Natanael, Judá hinaspa Hanani, paykunam Diospa serviqnin Davidpa ruwasqan tocanakunata tocarqaku. Sacerdote Esdrasñataqmi ñawpaqninkuta rirqa.

Nehemías 2:12

tuta hatarispay wakin qarikunapiwan pasarqaniku, ichaqa manam pimanpas willarqanichu Jerusalenpi imam ruwanaypaq Diospa sonqoyman churasqantaqa. Ñoqapa sillakusqay animalmanta huk animalqa manam rirqachu.

Nehemías 2:18

Paykunamanqa willarqanitaqmi Dios-niypa yanapawasqantawan reypa niwasqankunatapas, hinaptinmi nirqaku: ¡Hatarispayá perqasunchik! nispanku. Chaynatam ruwanankupaq kallpanchakurqaku.

Nehemías 2:8

Huk cartatañataq sachaykikunata waqaychaq Asafpaq, chaynapi qerukunata qowananpaq, chaykunawan templopa punkunkunata, llaqtapa perqanta hinaspa yachanay wasitapas ruwachinaypaq, nispay. Chaymi reyqa cartakunata qoykuwarqa, Tayta Diospa yanapawasqanman hina.

Nehemías 4:15

Allin armasqa kasqaykuta llapa enemigoyku yacharusqankuta chaynataq Diosniykupas paykunapa tukuy ima rimanakusqankuta yanqacharusqanta yacharuspaykum, murallapi perqayniykuman sapakama kutiykurqaniku.

Nehemías 8:1

Chaykunapa qepantam huk runa hinalla llapallanku huñunakamurqaku Yakuwan sutichasqa pukyupa ñawpaqnin plazaman. Hinaspankum sacerdote Esdrasta nirqaku Israelpa mirayninkunaman Moisesnintakama Tayta Diospa qosqan kamachikuy librota apamunanpaq.

Nehemías 8:13

Paqarinnintin punchawñataqmi, ayllukunapa kamachiqninkuna, sacerdotekuna hinaspa llapa levitakuna, sacerdote Esdraswan huñunakururqaku, chaynapi Tayta Diospa kamachikuyninta sumaqta estudianankupaq.

Nehemías 8:4

Chay huñunakuypaqmi tablakunamanta huk tabladillota ruwarqaku, chaypa hawanpim Esdras sayarqa, alleq lawninpim sayarqaku Matatías, Sema, Anías, Urías, Hilcías hinaspa Maasías, ichoq lawninpiñataqmi sayarqaku Pedaías, Misael, Malquías, Hasum, Hasbadana, Zacarías hinaspa Mesulam.

Nehemías 8:9

Hinaptinmi Diospa kamachikuyninta uyarispanku llapa runakuna waqakurqaku, chaymi gobernador Nehemiaswan sacerdote Esdras hinaspa levitakuna, llapa runakunata kaynata nirqaku: Amayá llakikuychikchu nitaq waqay-chikchu, kunanqa yupaychasqanchik Tayta Diospaq sapaqchasqa punchawmi, nispanku.

Nehemías 9:13

Sinaí orqopa hawanmanmi uraykamurqanki, hanaq pachamantam paykunata rimapayamurqanki, reglamentoykikunatawan yachachikuynikikunatam qorqanki, estatutoykikunatawan allin kamachikuykunatam qorqanki.

Proverbios 3:6

Tukuy ima ruwasqaykipipas Tayta Diospi yuyaymanay, hinaptinqa paymi munasqanman hina kawsachisunki.

Isaías 50:2

¿Imanasqataq hamuspayqa mana pitapas tarirqanichu? ¿Imanasqataq qayakuptiypas mana pipas rimarirqachu? ¿Makiychu pisiparun qamkunata manaña libray atinaypaq? ¿Atiyniychu tukurun qamkunata manaña salvanaypaq? Kamachispallaymi lamar qochata chakichini, kamachispallaymi mayukunata chakichini, challwankunapas yakumantam wañuruspa ismurunku.

Isaías 59:1

Tayta Diospa atiyninqa manam pisirunchu mana salvawananchikpaq hinaqa, rinrinpas manam upayarunchu manaña uyarinanpaq hinaqa.

Jeremías 8:8

¿Imanasqataq ninkichik: Yachaysapam kaniku, Tayta Diospa yachachikuynintam hatalliniku, nispaqa? Qellqaqkunapas llullakunatam qellqachkanku, llullakuspankum yachachikuyniykunata qellqachkanku.

Mateo 13:52

Jesusñataqmi nirqa: Chayraykum Diospa munaychakuyninmanta allin yachachisqa Diospa leynin yachachiqkunaqa huk wasipa dueñonman rikchakunku, payqa tukuy kapuqninkuna waqaychasqanmantam musoqtapas otaq mawkatapas hurqomun, nispan.

Mateo 23:2

Diospa leynin yachachiqkunawan fariseokunaqa Moisespa kamachikuyninkunatam allinta reqsinku.

Mateo 28:20

Qam-kunaman tukuy ima kamachisqayta kasukunankupaq yachachimuychik. Ñoqaqa sapa punchawmi qamkunawan kasaq kay pacha puchukanankama, nispan.

1~Corintios 1:20

¿Maypitaq yachaysapa kachkan? ¿Maypitaq Diospa leynin yachachiq kachkan? ¿Maypitaq kay pachapi kaqkunamanta rimaq kachkan? Diosmi kay pachapi runakunapa yachayninta yanqacharun.

1~Corintios 15:1

Kunanqa wawqe-panikuna, Cris-tomanta allin noticia willasqaytam yuyarinaykichikta munani, chayqa chaskisqaykichik noticiam, chaywantaqmi qamkunaqa qaqa hina sayachkankichik.

Deuteronomio 28:1

Sichum Tayta Diosta kasus pay-kichik kunan willasqay kama-chikuyninkunata ruwayman churap-tikichikqa, paymi kay pachapi llapallan nacionkunamanta aswan reqsisqata ruwasunkichik.

Deuteronomio 4:5

Señorninchik Tayta Diospa kama-chikuyninkunatawan yachachikuyninku-natam yachachirqaykichik, chaynapi yachanaykichik allpaman yaykuspa kasukunaykichikpaq.