Esdras 7:27 - CHUYA QELLQA La Biblia en Quechua de Ayacucho 2012

²⁷ Chaymi Esdras kaynata nirqa: Ñawpaq taytanchikkunapa yupay-chasqan Tayta Diosyá hatunchasqa kachun, paymi rey Artajerjesta sonqocharqa Jerusalenpi Tayta Diospa templonta hatunchananpaq.

Quechua Ayacucho Bible 1987

²⁷ Esdrasmi Tayta Diosta alabaspan nirqa: —Alabasqayá kachun ñawpaq abuelonchikkunapa yupaychasqan Tayta Diosqa, paymi Rey Artajerjesta sonqocharqa kaykunata rurananpaq chaynapi Jerusalen llaqtapi Tayta Diospa templonta sumaqyachinanpaq.

Chuya Qellqa 1992

²⁷ Chaymi Esdras kaynata nirqa: Ñawpaq taytanchikkunapa yupaychasqan Tayta Diosyá hatunchasqa kachun, paymi rey Artajerjesta sonqocharqa Jerusalenpi Tayta Diospa templonta hatunchananpaq.

Esdras 7:27 Iomraidhean Croise

2~Crónicas 31:8

Rey Ezequiaswan kamachikuqkunam hamuruspanku chay montonasqa ofrendakunata qawaykuspanku Tayta Diosta chaynataq Israel runakunatapas bendecirqaku.

Esdras 6:22

Qanchis punchawmi mana levadurayuq tanta fiestata llumpay kusisqallaña ruwarqaku. Tayta Diosmi Asiria nacionpa reyninwan yanapachirqa Israelpa yupaychasqan Tayta Diospa templon ruwaypi, chayraykum paykunaqa llumpay kusisqallaña karqaku.

Nehemías 2:12

tuta hatarispay wakin qarikunapiwan pasarqaniku, ichaqa manam pimanpas willarqanichu Jerusalenpi imam ruwanaypaq Diospa sonqoyman churasqantaqa. Ñoqapa sillakusqay animalmanta huk animalqa manam rirqachu.

Nehemías 2:8

Huk cartatañataq sachaykikunata waqaychaq Asafpaq, chaynapi qerukunata qowananpaq, chaykunawan templopa punkunkunata, llaqtapa perqanta hinaspa yachanay wasitapas ruwachinaypaq, nispay. Chaymi reyqa cartakunata qoykuwarqa, Tayta Diospa yanapawasqanman hina.

Nehemías 7:5

Hinaptinmi sonqoyman Dios churarqa ancha reqsisqa runakunata, kamachikuqkunata hinaspa llapa runakunatapas huñunaypaq, chaynapi sapakamata ayllun-ayllun listachinaypaq, hinaspam ñawpaq kutimuqkunapa listachikusqanku librota tarirurqani, chaypim kayna qellqasqa kasqa:

Éxodo 8:9

Hinaptinmi Faraonta Moisés nirqa: Haykapitaq qampaqwan, serviqnikikunapaq hinaspa runaykikunapaq Tayta Diosta ruegapunayta munanki, chaynapi karyakuna qanmanta hinaspa palacioykikunamanta lloqsispa mayullapiña kananpaq, nispa.

Proverbios 21:1

Tayta Diospa makinpiqa reypa ima ruway munasqanpas mayu hinam, Diosmi maymi munasqanman pusan.

Isaías 60:13

Temployta kuyayllapaqta ruwanankupaqmi, sarupakunay temployta ancha reqsisqata ruwanankupaqmi, Líbano orqopi cipreskunata, pinokunata, bojes sachakunata qanman apamusunki.

Lucas 7:5

Payqa nacionninchikta anchata kuyaspanmi sinagogaykutapas ruwachipuwarqaku, nispanku.

2~Corintios 8:16

Diosmanmi graciasta qoni nanachikusunaykichikpaq Titomanpas allin sonqota ñoqaman hina qosqanmanta.

Filipenses 4:10

Llumpayta kusikuspaymi Señorta yupaychachkani yanapawaspaykichik huktawan yuyariwasqaykichikmanta. Kaynata nispayqa piensachkani manam qonqaruwasqaykichiktañachu, aswanqa yanapaykuwanaykichikpaq mana ima ruway atisqaykichiktam.

Hebreos 10:16

Chay punchawkuna pasaruptinmi paykunawan pacto ruwasqayqa kayna kanqa: Yachachikuyniytam sonqonkupi churasaq, qellqasaqtaqmi yuyayninkupipas. Señormi chaynata nin.

Hebreos 8:10

Chay punchawkuna pasaruptinmi Israel miraykunawan pactota ruwasaq. Ñoqa Señormi kaynata nini: Leyniykunatam yuyayninkuman churasaq, sonqonkupim qellqasaq, paykunapaqmi Diosninku kasaq, paykunañataqmi llaqtay kanqa.

Santiago 1:17

Tukuy imapas allin kaqkunawan cheqap atiyqa cielopi kaq chaskakuna unanchaq Diosllamantam hamun. Diosqa hina kaqllam, payqa manam tikrakunchu, nitaqmi llantuy hinachu pasaruqlla.

Apocalipsis 17:17

Diosmi churarqa paykunapa sonqonkuman kikillankupa munasqanta ruwanankupaq. Reykunam huklla kaspanku munaychakuyninkuta animalman qoykurqaku, chaynataqa ruwarqaku Diospa nisqan cumplikunanpaqmi.