Esdras 7:26 - CHUYA QELLQA La Biblia en Quechua de Ayacucho 2012

²⁶ Pipas Diosnikipa kamachikuyninta chaynataq ñoqa reypa kamachikuyniyta mana kasukuq runaqa chaylla juzgasqa kaspa sentenciasqa kachun wañunanpaq, llaqtanmanta qarqosqa kananpaq, multata pagananpaq otaq carcelpi kananpaqpas, nispa.

Quechua Ayacucho Bible 1987

²⁶ Diosnikipa leyninta chaynataq ñoqa reypa leyniyta pipas mana kasukuq runaqa chaylla juzgasqayá kachun wañunanpaq otaq llaqtanmanta qarqosqa kananpaq otaq kapuqninpas qechusqa kananpaq otaq preso kananpaqpas.

Chuya Qellqa 1992

²⁶ Pipas Diosnikipa kamachikuyninta chaynataq ñoqa reypa kamachikuyniyta mana kasukuq runaqa chaylla juzgasqa kaspa sentenciasqa kachun wañunanpaq, llaqtanmanta qarqosqa kananpaq, multata pagananpaq otaq carcelpi kananpaqpas, nispa.

Esdras 7:26 Iomraidhean Croise

2~Crónicas 30:12

Judá nacionpi runakunapas Tayta Diospa kallpanchasqanmi, tukuy sonqonkuwan reypa chaynataq kamachikuqkunapa kamachisqanta kasukurqaku. Chaynataqa ruwarqaku Tayta Diospa nisqanman hinam.

Esdras 10:4

Hatariy, kayqa qampa ruwanaykim, ñoqaykupas yanapasqaykikum, chaynaqa kallpanchakuspayá ruwayman churay, nispa.

Esdras 10:8

pipas kimsa punchawkama mana hamuqtaqa, tukuy kapuqninkunata qechuspam preso risqankumanta kutimuqkuna ukumanta qarqonqaku, chaynataqa ruwanqaku kamachikuqkunapa hinaspa ancianokunapa nisqanman hinam”, nispa.

Esdras 6:11

Sichum pipas kay kamachikusqayta mana kasukuptinqa, wasinmanta qeruta hurqospa chaypi warkuspa wañuchichunku. Wasintapas tuñichispa purmachichunku.

Esdras 6:12

Tayta Diosyá tuñichichun mayqan nacionpas chaynataq mayqan reypas kay kamachikuyniyta yanqachaspan Tayta Diospa Jerusalenpi kaq templonta tuñichiptinqa. Ñoqa Dariom kay kamachikuyta qoni, chaynaqa ruwasqapuni kachun”, nispa.

Daniel 6:26

Munaychakusqaypi llapallan runakunatam decretaspay kamachimuykichik Danielpa Diosninta manchakuywan kasukunaykichikpaq. Payqa kawsaq Diosmi, wiñaypaq takyaq Diosmi, kamachikuyninpas mana haykapipas tukuqmi, munaychakuyninpas mana haykapipas puchukaqmi.

Deuteronomio 27:26

¡Kay yachachikuykunata mana kasukuq, mana ruwayman churaq runaqa ñakasqayá kachun! nispanku. Hinaptinmi llapa runakunañataq ninqaku: ¡Amén! nispanku.