Esdras 7:25 - CHUYA QELLQA La Biblia en Quechua de Ayacucho 2012

²⁵ Esdras, qamñataqmi Diosnikipa yachay qosusqaykiman hina, haykam Tayta Diospa kamachikuynin yachaqkunamanta juezkunatawan gobernadorkunata churanki, chaynapi Eufrates mayupa intipa seqaykunan lawninpi yachaq runakunata kamachinankupaq; mana yachaqkunatañataqmi qam yachachinki.

Quechua Ayacucho Bible 1987

²⁵ Esdras, Diosnikipa yachay qosusqaykiman hinam churanki juezkunatawan gobernadorkunata chaynapi Diosnikipa leynin yachaq llapallan runakunata gobiernanankupaq. Paykunaqariki *f**yachachkanku Eufrates Mayupa waklawninpim. Mana yachaqkunatañataqmi qam yachachinki.

Chuya Qellqa 1992

²⁵ Esdras, qamñataqmi Diosnikipa yachay qosusqaykiman hina, haykam Tayta Diospa kamachikuynin yachaqkunamanta juezkunatawan gobernadorkunata churanki, chaynapi Eufrates mayupa intipa seqaykunan lawninpi yachaq runakunata kamachinankupaq; mana yachaqkunatañataqmi qam yachachinki.

Esdras 7:25 Iomraidhean Croise

Génesis 41:38

Hinaptinmi runankunata Faraón nirqa: José hina Diospa espiritunwan kaq runataqa manam maypipas tarichwanchu, nispa.

Génesis 41:39

Chaymi Joseyta Faraón nirqa: Diosllam tukuy kaytaqa willasurqanki, qam hina yuyayniyuq hinaspa yachayniyuq runaqa manam pipas kanchu.

1~Reyes 3:28

Israelpa mirayninkunam reypa allin arreglo ruwasqanta yacharurqaku, chayraykum anchata reyta respetarqaku, chaynapim qawarqaku Tayta Diospa yachay qosqanwan allinta munaychakusqanta.

2~Reyes 17:27

Chaymi Asiria nacionpa reynin kamachirqa: Samaria llaqtamanta pusamusqaykichik hukkaqnin sacerdoteta kutichiychik, chaypi yachaspan Israelpa Diosninpa kamachikuyninkunata yachachinanpaq, nispa.

1~Crónicas 22:12

Tayta Diosyá yachaytawan allin tanteoyuq kayta qosunki, chaynapi Israel nacionpi munaychakuspayki Tayta Diospa kamachikuyninkunata kasukunaykipaq.

1~Crónicas 23:4

Chay levi-takunamantam iskay chunka tawayuq waranqa runakuna, Tayta Diospa templonta ruwarqaku, soqta waranqañataqmi kamachikuqkunawan juezkuna karqaku,

Esdras 10:4

Hatariy, kayqa qampa ruwanaykim, ñoqaykupas yanapasqaykikum, chaynaqa kallpanchakuspayá ruwayman churay, nispa.

Esdras 6:6

Chayraykum Eufrates mayupa waklawninpi kamachikuq Tatnaitawan Setar-boznaita hinaspa paykunawan kaqkunata rey Darío kaynata kamachirqa: “Jerusalén llaqtamanta anchuychik,

Esdras 7:10

Esdrasmi sonqonta kicharirqa Tayta Diospa kamachikuyninta sumaqta yachananpaq, ruwayman churananpaq hinaspa Israelpa mirayninkunaman yachachinanpaq.

Esdras 7:14

Ñoqa reymi qanchis consejaqniykunapiwan kuska kamachikiku Judá naciontawan Jerusalén llaqtata watukamunaykipaq; chaytaqa ruwanayki Diosnikipa kamachikuyninkunata yachasqaykiman hinam.

Nehemías 9:3

Maymi kasqankupi sayachkaptinkum Tayta Diospa kamachikuynin librota kimsa horata leerqaku, kimsa horataqmi huchankutapas willakurqaku, hinaspankum Tayta Diosta yupaycharqaku.

Proverbios 2:6

Tayta Diosllam yachay qokuqqa, paypa siminmantam yachayqa hamun.

Proverbios 6:23

Kamachikuykunaqa mechero hinam, yachachikuykunaqa achkiy hinam; anyasqa kaywan consejasqa kayñataqmi kawsayman pusakuq ñan hina.

Malaquías 2:7

Sacerdotekunapa ruwayninqa ñoqa Diosta reqsiwanankupaq runakunata yachachiymi, chayraykum runakunapas paykunamanta yachachikuyta chaskinanku, paykuna ñoqa Diosmanta willakuqkuna kasqankurayku.

Mateo 13:52

Jesusñataqmi nirqa: Chayraykum Diospa munaychakuyninmanta allin yachachisqa Diospa leynin yachachiqkunaqa huk wasipa dueñonman rikchakunku, payqa tukuy kapuqninkuna waqaychasqanmantam musoqtapas otaq mawkatapas hurqomun, nispan.

Marcos 6:34

Jesusñataqmi barcamanta uraykamuspan chay achkallaña runakunata qawaykurqa, hinaspam paykunamanta llakipayarikurqa mana michiqniyuq ovejakuna hina kasqankurayku, chaymi tukuy imamanta yachachiyta qallaykurqa.

Deuteronomio 16:18

Señornikichik Tayta Diospa sapa aylluman qosunaykichik llaqtakunapim juezkunatawan kamachikuqkunata churankichik, chaynapi runakunapa quejanta arreglanankupaq.

Colosenses 1:28

Chaymi ñoqaykuqa llapa runakunata anyaspa hinaspa tukuy yachaywan yachachispa Cristomanta willakuniku, chaynapi llapa runakuna Cristo hina kanankupaq

Santiago 1:5

Mayqannikichikpapas yachaynikichik pisilla kaptinqa, Diostayá mañakuychik, payqa lliw mañakuqninkunamanqa mana piñakuspam chaninninpi qoykunqa.