Esdras 7:21 - CHUYA QELLQA La Biblia en Quechua de Ayacucho 2012

²¹ Ñoqa rey Artajerjesmi, Eufrates mayupa waklawninpi qori-qollqey waqaychaqkunata kaynata kamachimuykichik: Hanaq pachapi Tayta Diospa kamachikuyninta allinta yachaq sacerdote Esdraspa tukuy ima mañasusqaykichiktam utqayman qonkichik.

Quechua Ayacucho Bible 1987

²¹ Ñoqa Rey Artajerjesmi kamachimuykichik Eufrates Mayupa waklawninpi kaq qori-qollqey waqaychaqkunata: Sacerdote Esdraspa mañasusqaykichiktaqa qoychikyá, payqa hanaq pachapi munaychakuq Diospa leynin yachachiqmi.

Chuya Qellqa 1992

²¹ Ñoqa rey Artajerjesmi, Eufrates mayupa waklawninpi qori-qollqey waqaychaqkunata kaynata kamachimuykichik: Hanaq pachapi Tayta Diospa kamachikuyninta allinta yachaq sacerdote Esdraspa tukuy ima mañasusqaykichiktam utqayman qonkichik.

Esdras 7:21 Iomraidhean Croise

Esdras 4:16

Reynillayku, sichum kay llaqtata musoqmanta hatarichispa murallankunatapas ruwaruptinkuqa, Eufrates mayupa intipa seqaykunan lawninpi llaqtakunatapas manam qampañachu kanqa”, nispanku.

Esdras 4:20

Jerusalén llaqtapiqa atiyniyuq reykunam kasqa, paykunam munaychakusqaku Eufrates mayupa tukuy waklawninkamaraq, hinaptinmi paykunaman tukuy rikchaq impuestokunata pagasqaku.

Esdras 6:6

Chayraykum Eufrates mayupa waklawninpi kamachikuq Tatnaitawan Setar-boznaita hinaspa paykunawan kaqkunata rey Darío kaynata kamachirqa: “Jerusalén llaqtamanta anchuychik,

Esdras 7:1

Chaykuna pasaruptinmi, Persia nacionpa reynin Artajerjes munaychakuchkaptin, Babiloniamanta Seraiaspa churin Esdras kutimurqa. Seraiasqa karqa Azariaspa churinmi, Azariasñataqmi Hilciaspa,

Esdras 7:22

Kaykunatam qonkichik: Kimsa waranqa kimsa pachaknin qollqeta, iskay chunka waranqa kilo trigota, iskay waranqa iskay pachaknin litro vinota chaynataq iskay waranqa iskay pachaknin litro aceiteta, kachitapas haykam mañakusqantam qonkichik.

Esdras 7:6

Esdrasqa karqa Moisesnintakama Israelpa mirayninkunaman Tayta Diospa kamachikuykuna qosqanta allin yachaqmi. Tayta Diosmi Esdrasta yanaparqa, chayraykum rey Artajerjespas tukuy ima mañakusqanta qoykurqa. Chaynatam Babiloniamanta Esdras kutimurqa.

Esdras 8:36

Eufrates mayupa intipa seqaykunan lawninpi kamachikuqkunamanwan capitankunamanpas reypa qellqamusqan kamachikuykunatam qorqaku. Paykunam Israelpa mirayninkunata Tayta Diospa templon ruwaypi yanaparqaku.

Nehemías 2:7

Reytaqa nirqanitaqmi: Reynilláy, allinpaq rikchakapusuptikiqa, Eufrates mayupa waklawninpi kamachikuqkunapaqyá cartakunata qoykuway, chaynapi Judá lawman chayanaykama ama harkawanankupaq.

Daniel 6:26

Munaychakusqaypi llapallan runakunatam decretaspay kamachimuykichik Danielpa Diosninta manchakuywan kasukunaykichikpaq. Payqa kawsaq Diosmi, wiñaypaq takyaq Diosmi, kamachikuyninpas mana haykapipas tukuqmi, munaychakuyninpas mana haykapipas puchukaqmi.