Esdras 7:16 - CHUYA QELLQA La Biblia en Quechua de Ayacucho 2012

¹⁶ Apaytaqyá Babilonia nacionpi huñusqayki qoritapas qollqetapas chaynataq Tayta Diospa Jerusalenpi kaq templonpaq llapa runakunawan sacerdotekunapa sonqonkumanta qosqanku ofrendakunatapas.

Quechua Ayacucho Bible 1987

¹⁶ Apaytaqyá Babilonia lawpi llapallan qori-qollqe huñusqaykitapas chaynataq runakunapa hinaspa sacerdotekunapa kikinkumanta qosqankutapas, chaykunam kanqa Jerusalen llaqtapi templopaq.

Chuya Qellqa 1992

¹⁶ Apaytaqyá Babilonia nacionpi huñusqayki qoritapas qollqetapas chaynataq Tayta Diospa Jerusalenpi kaq templonpaq llapa runakunawan sacerdotekunapa sonqonkumanta qosqanku ofrendakunatapas.

Esdras 7:16 Iomraidhean Croise

1~Crónicas 29:17

Dios Taytalláy, yachanim runakunapa sonqonta qawasqaykita, sonqomanta ruwaqkunatam qamqa kuyanki, chayraykum allin sonqoywan tukuy kaykunata ofrecemuyki. Kunanmi huñunasqa llaqtaykita qawaykuni, tukuy sonqomanta kusikuywan ofrendanku qosusqaykita.

1~Crónicas 29:6

Hinaptinmi sapa ayllupi kamachikuqkuna, Israelpa mirayninkunapi kamachikuqkuna, waranqa soldadokunapi, pachak soldadokunapi kamachikuqkuna hinaspa reypa kapuqninkunata nanachikuqkunapas ofrendankuta qorqaku,

1~Crónicas 29:9

Chay qosqankuwanmi llapa runakuna kusikurqaku, tukuy sonqomanta Tayta Diosman qosqankurayku, rey Davidpas anchatam kusikurqa.

2~Crónicas 31:14

Leví ayllumanta kaq Imnapa churin Coreyñataqmi intipa qespimunan lawpi kaq punku waqaychaq karqa, paymi nanachikurqa Diospaq kikinkumanta apamusqanku ofrendakunata, hina paytaqmi rakinarqa Tayta Diospaq apamusqanku ofrendakunatawan Diosllapaqña sapaqchasqa kaqkunatapas.

2~Crónicas 6:2

Ichaqa yachanayki templotam ruwarapuyki, chaypi wiñaypaq yachanaykipaq, nispa.

2~Crónicas 6:5

“Israelpa mirayninkunata Egipto nacion-manta hurqomusqay punchawmantapu-nim, Israel ayllukunapa mayqan llaqtantapas mana akllarqanichu chaypi wasiyta ruwaptinku sutiy hatunchasqa kananpaqqa, Israel llaqtaypi munaychakunanpaqpas manataqmi pitapas akllarqanichu.

2~Crónicas 6:6

Ichaqa Jerusalén llaqtatam akllarqani chaypi sutiy reqsisqa kananpaq, Davidtañataqmi akllarqani Israel llaqtaypi munaychakunanpaq”, nispa.

Esdras 1:4

Judiokunamanta maymi yachasqankupi qepaqkunatañataqmi kamachini haykam riqkunata qoriwan, qollqewan, imapas kapuqninkuwan hinaspa animalkunawan yanapanankupaq; kamachinitaqmi Jerusalenpi Tayta Diospa templonpaq sonqonkumanta ofrendakunata qonankupaqpas, nispa.

Esdras 1:6

Muyuriqninpi llaqtakunañataqmi yanaparqaku qoriwan qollqewan, imapas kapuqninkunawan, animalkunawan, alhajakunawan chaynataq munasqankuman hina ofrendakunawanpas.

2~Corintios 8:12

Pipas cheqapta qoyta munaptinqa, kapuqninman hina qosqan ofrendatam Diosqa chaskinqa. Diosqa manam mañanchu mana kapuqniyuqmantaqa.

2~Corintios 9:7

Sapakamayá sonqonpi tanteasqanman hina qochun, amayá llakikuspachu nitaq obligasqa hinachu, Diosqa kusikuywan qoqtam kuyan.