Esdras 6:22 - CHUYA QELLQA La Biblia en Quechua de Ayacucho 2012

²² Qanchis punchawmi mana levadurayuq tanta fiestata llumpay kusisqallaña ruwarqaku. Tayta Diosmi Asiria nacionpa reyninwan yanapachirqa Israelpa yupaychasqan Tayta Diospa templon ruwaypi, chayraykum paykunaqa llumpay kusisqallaña karqaku.

Quechua Ayacucho Bible 1987

²² Qanchis punchawnintinmá rurarqaku kusikuyllawanña Mana Qonchuyoq Tanta Fiestata, Tayta Diosmi Asiria nacionpi reywan favorecechirqa Israel yupaychasqan Diospa templon ruraypi yanapananpaq. Chayraykum paykunata Tayta Dios kusichirqa.

Chuya Qellqa 1992

²² Qanchis punchawmi mana levadurayuq tanta fiestata llumpay kusisqallaña ruwarqaku. Tayta Diosmi Asiria nacionpa reyninwan yanapachirqa Israelpa yupaychasqan Tayta Diospa templon ruwaypi, chayraykum paykunaqa llumpay kusisqallaña karqaku.

Esdras 6:22 Iomraidhean Croise

2~Reyes 23:29

Chay tiempopim Egiptopa reynin Faraón Necao Eufrates mayukama rirqa, chaynapi Asiria nacionpa reyninta yanapananpaq. Rey Josiasñataqmi rey Necaopa contranpi rirqa, ichaqa rey Necaomi rikuruspan rey Josiasta Meguido llaqtapi wañurachirqa.

2~Crónicas 23:18

Chaymantam Joiadaqa, guardiakunata Tayta Diospa templonpi churarqa, chay guardiakunatam sacerdotekunawan levitakuna kamachirqa; rey Davidraqmi churarqa sacerdotekunatawan levitakunataqa muyuyninpi llamkanankupaq, Moisespa yachachikuyninman hina lliw kañana sacrificiota ofrecenankupaq, Davidpa kamachisqanman hina kusikuywan takistin ruwanankupaq.

2~Crónicas 29:30

Rey Ezequiaswan kamachikuqkunam llapa levitakunata kamachirqaku Davidpa takisqankunawan chaynataq profeta Asafpa takisqankunawan Tayta Diosta yupaychanankupaq, chaymi hatun kusikuywan takispanku yupaychanankupaq kumuykurqaku.

2~Crónicas 30:21

Chaynatam Jerusalén llaqtapi kaq Israelpa mirayninkuna, qanchis punchaw llumpay kusikuywan mana levadurayuq tanta fiestata ruwarqaku. Levitakunawan sacerdotekunapas sapa punchawmi Tayta Diosta yupaycharqaku tocanakunata tocaspanku.

2~Crónicas 33:11

Chayraykum paykunapa contranpi, Asiria reypa tropankunapa kamachiqninkunata Tayta Dios pusaramurqa. Paykunam rey Manasesta hapiruspanku cadenawan wataruspa Babilonia llaqtaman pusarqaku.

2~Crónicas 35:17

Chaypi kaq Israelpa mirayninkunam chay punchawpi Pascua fiestata ruwarqaku, mana levadurayuq tanta fiestatapas qanchis punchawnintinmi ruwarqaku.

Esdras 1:1

Profeta Jeremiasnintakama Tayta Diospa nisqan cumplikunanpaqmi, Persia nacionpi rey Ciropa munaychakusqan punta kaq watapi, rey Ciropa sonqonman kay munakuyta Tayta Dios churarqa, lliw munaychakuyninpi runakunaman kay decretota simiwan hinaspa cartakunawan kaynata nimunankupaq:

Esdras 6:1

Hinaptinmi rey Darío kamachikurqa Babilonia nacionpi reykunapa tukuy valorniyuq kaqkuna waqaychana wasipi maskanankupaq.

Esdras 7:27

Chaymi Esdras kaynata nirqa: Ñawpaq taytanchikkunapa yupay-chasqan Tayta Diosyá hatunchasqa kachun, paymi rey Artajerjesta sonqocharqa Jerusalenpi Tayta Diospa templonta hatunchananpaq.

Nehemías 13:6

Tukuy chaykuna pasakuptinqa manam ñoqaqa Jerusalén llaqtapichu tarikurqani, aswanqa Babiloniapi rey Artajerjes kimsa chunka iskayniyuq wataña munaychakuchkaptinmi paypa kasqanman kutikurqani. Ichaqa punchawkuna pasaruptinmi reymanta permisota mañakuspay

Proverbios 16:7

Runapa ñannin Tayta Diospa munasqanpaq hina kaptinqa, Tayta Diosmi chay runataqa enemigonkunawan hawkayaypi kawsachinqa.

Proverbios 21:1

Tayta Diospa makinpiqa reypa ima ruway munasqanpas mayu hinam, Diosmi maymi munasqanman pusan.

Ezequiel 23:23

Paykunam Babiloniamanta, Caldeamanta, Pecodmanta, Soamanta hinaspa Coamanta hamunqaku, paykunawantaqmi hamunqa Asiria runakunapas. Paykunaqa kuyayllapaq jovenkunam, llapallankum kamachikuqkuna hinaspa capitankuna, ancha reqsisqa runakuna, llapallankum caballopi kallpaqkuna.

Mateo 26:17

Mana levadurayuq tantata mikunanku fiestapa qallariyninpim, discipulonkuna Jesusman asuykuspa nirqaku: Pascua mikuyta mikunaykipaq, ¿maypitaq ruwamusaqku? nispanku.

Juan 19:11

Jesusñataqmi nirqa: Sichum atiyta Dios mana qosuptikiqa manam imanawankimanchu. Chaynaqa, qampa makikiman ñoqata churamuqmi qanmantapas aswan huchayuqqa, nispa.